¹ Agripa kuroro Polo ande uruereke toto rueye ruawa wemene, Polo kutotoro rowo ruanda ndo kutapa rondoro yand'ande ² Kumu Agripa,ndiy'ando bunyaka arini urondoro meye mamakimi mana mapuru bina yudu, ³ Ndiy'ando bunyaka shin'ande wene wak yebe bikere dja bina yudu ndo meye ma banda busheke, ndaki bondoro wene uwoko rueye ruama undeme mua kiti. ⁴ Monyo muama ndo ma warara mama utapa burenge buama mumua yebe u bina yudu ba baikimi shin'ande nda nanga ku yerushalem ishina me. ⁵ Araba toto rueye bara-bara bak'ndjebe to matapara ngo puara miyi mu Falase ndjua yoro rini ra robo shuku kerere ndja maromboro miti ma Ndjambe. ⁶ Kek'angowo ndanyembete ani shini bad'undumbushu shini kuwekeme mayemeshe mi araka raraya Ndambe bamama shiti. ⁷ Marondj miti ishanj'ando mapende mak'manguesheke Ndjambe njeme butuwu amuaya miyi ku iraka rini. Ishini kushiki nteme u rueye runu kumu ampunduku bina yudu. ⁸ Rueye nana amonoko buini rua runono amonoko buini banan'ande Ndjambe aka reura wumunu batu bawa. ⁹ Shini miyi ndaweke boko buany'ande runu ruiyi ando me ruiyi shini bubere meye mabuiki mamabe mana mangonoko rukombo rua Yezu ndja Nazarete. ¹⁰ Rueye runu ru ruakere miyi u Yerushaleme.Arusho mi bunono u boro baku banganga ndama shiski bana ba weshe Yezu ba buiki u maroko, ndo abadjak'banda nda maweshe ngo bat;beke u wu rabanda. ¹¹ Shoko shabuiki nda wek'bamonosho ndjoro ukata synagongue shashikimi, ndaweke bakereshe abunono u towo Ndjambe,u kabu shama shareke miku bamonosho ndjoro inamana kumara ma benyambanga maweke ba tini. ¹² Ishini ku rueye runu awenyi u Damaseke ndo bunono aki rutoto rua pekebanda u boro baku banganga. ¹³ Ayemene itanga u ndege ntshu, kumu miko mono muanya muamu nono kunddoyo aki bana bawar'ando mi muanya munu muawi punu uriki ndo mua mike yembe ri itanga. ¹⁴ Biti ku buaka, biti bakimi ashini, ndo miku ngoko rueye u rutoto rua bina Ebelu,Shaulu,shaulu shin'yeye wambonosho wene mitanda, wak'ya shotosho ntanda wa ntshotoko wene u banda u nti mwa wesheshe ¹⁵ Miku marar'ande Kumu, we nane ndo kumu kumarar'ande miyi Yezu yono wa monosho wene mitanda. ¹⁶ Katuwa u yembet'ankiti, shin'ande nda yi monosho u boro buawu u ishiki muinangun'ami ndo u wara teme ndjua meye mana wamono wene aki meye mikarmi u ishundju. ¹⁷ Ndama ishoro udjar'dja batu ndo u dji marondji meke, mbete yini yamak'mi itomo. ¹⁸ Shin'ande uba ripiri mishi,keke bipunu u muinine biwende ra muanya ndo bitowo u djara dju satana keke bi wende ra bora Ndjambe keke biwosho u mboko maweshere ma banda u miyi, barimbi bu mandimbi ma banda ndo ukiti bikete ando batu bana bi ikini ba wondjowo. ¹⁹ U ipu riningo, kumu Agripa,kandatoko bere u tomowo imono rine ramono miyi ra riki. ²⁰ Bukoto mi kushosho bina Damaseke,ambishi bina Yerushleme, u kata yudu ra rikimi aki bina marondji meke u barara miteme nya banda ndo u kuruwa u bor'a Ndjamb'ando bikerere dja bisheke dja ntshundjuku ma barara ma miteme. ²¹ Rende rundu runu ngowo rua puatara bina yudu u kata nburu Ndjambe,ndo ashotoro banda undjak. ²² Keke ishini mawashara ma Ndjambe u ntshongo muanda yiyimi ando manyo inamana karini,ushosho ban'ando bawotara , u bere punu umeye mana ma toto banga Ndjambe aki Moise ndo meye mana mamiki u bosho. ²³ Ubashondj'ande Kristu imomono mitanda ndo iwuwumunu ndjua bukoto u ndenga batu bana bawa,ushosho batu ndo marondji mi bukara rueye rua muanya. ²⁴ Ngo atotoko yande shini yande u shuwu Festise yaku totoro yande rutoto unor'ande Polo wene wiy'ando irare buanyi buawu buashamba bua buishi muina irara. ²⁵ Polo kumarar'ande kumu Festi,ndakapa muini irara,keke nda totoko meye mabarar'ando ma buanya. ²⁶ Kumu Agripa amak'yebe manangowo ndak'ntshoshom'ande ando Polo shashikimi,keke ndayebek'ande kuap'arueye rua mereke yande u yebe shin'ande meye mana kamatoke bereme u bushama. ²⁷ Kumu Agripe wene wakueshe meye mana matoto bangandjambe ndak'yeb'ande wak'maweshe. ²⁸ Agripe yaku shosho Polo ande,wene wangueshe umbuishi muina kristu ²⁹ Polo kubara'ande dji wara rini ,dji wara ngeshe nda nomboko Ndjambe ande reke djawara pa ishini wene wamene dji wara shini buini buiyi ngo miyi kuapaki bua'wara bakanda minambe ³⁰ Kumu kukatuw'ando gouvernere, Bernise aki batu babakimi bawar'ando bande. ³¹ A kobuwu bande baku toto band-a-bande motu yono shikere a rueye rumoko rua ngemen'ande bar'nyaka mbeku ntshiki u buroko. ³² Agripe kushosho Festise ande motu yono tshuark'nekere yarbere romb'ande be numbushu u bora Sezar.