¹ Yeb'ande u matuwu mi mamanisha, ndji wak wara matuwu mi mitanda. ² Ishin'ande bate biwara bina bukutu, bambayi ba puaranga, bi yawesheke banda-banda, kuya totoro manyeke, bitototko bube arki ra bora Ndjambe, bina ntshu bu nono ,kobi karasha maranga bi , ba mereke rombo Ndjambe. ³ Bina nkomo, ko basheke weshe bate beke ,bina rutene, biwata kabua buasha, bimono shoko bate beke ntanda, bina ikembe ndo bate beke, ⁴ Nkapa a bate beke ,u ya shundju u ya totoro , u wondo meyi ma shina ureke mana ma Ndjambe. ⁵ Bameke ya shundju u mishi ma bate ng'ande banda bayebe Ndjambe ,keke kapa meke wondo bunono buande. Wara tamba ndo bate bipu rini. ⁶ Djiy'ayasha ukata banda bate bana ba niniki u mamburu ma bate beke ishini kuwosho bawata ba banda bana biy'ando miteme nya boro aki bundimbi, bak yareye u bube , biya u nyinga sha shibe shi ma pua ndo mapua, ⁷ Ba ntshotoko u yiri meye ma bara-bara. ⁸ Ipu imoko yaneshe aki ya mbushe ka ba toko woko Mose,ipu imoko bana abere bawoko meyi ma bara-bara bawara ba wonyowa u mawokoro ma banda,runu rua neke maweshere ma banda. ⁹ Keke ka bashe wende ra bosho ndo meye ma banda ishin'ande irara ra bande ri momo nyowo u bosho bua bate ba bakimi ,ngo ipu rawara bate bana bapende. Jeneshe aki Gembeshe. ¹⁰ Ishini wen'ake, wa maraba mayishi mama,mawarara mama,ipu rama ri batara makambu, maweshere mama,u poro shame,ruwondo ruame, mayekere mama, ¹¹ Ma monosho mama ma ntanda, ndjoro shama ntanda nana mua bere muyi u war'ando mundu u bora Antioshe, boro bu Ikone u boro bua Lustre ? Mitanda nana nya bere muiyi mono ? Kumu ku pondjoro ukata nyindi nya mikimi. ¹² Kek'ande bana bak ya yekere u bora Yezu bi ba momonosho mitanda. ¹³ Bate babe ndo bina manimbi ,beke wende ra bosho matuwu ma makimi u bube , u parasha bate beke ndo u yaparasha ba mene ,u mboka Ndjambe. ¹⁴ Wene wara u meyi mana mayiri wene aki mawesha wene ndo nteme moko. uyeb'ande meyi u mayiri ku bora nana. ¹⁵ U tapa u buana buawa wakenyebe meyi mikini ma Ndjambe,man'ande miyeke buanya u mawondjowo mboka maweshere ma bora Yezu Kristu. ¹⁶ Nkanda mua mukimi mua boro Ndjambe muiyi mua pundu u bunono bua Punga Ndjambe, muiyi ngunu muyishi bate,u shubdju bate, ndo u teya bate u mboko ndja ibe, u bashundju mboko ndja bara-bara ndodja sheme ¹⁷ . Ishin'ande moto ndjua Ndjambe yara ndjua yereme ndo makerere ma masheke ma makini.