¹ Ishini wene muan'ame, ya windjri bunono u ntshongo munu muiyi u Yezu Kristu. ² Ando runu rua woko wene u boro buama u bosho bu bateme ba buiki, ru yeke bate bayemene bana banguara ruene yeke rundu bate beke. ³ Umono ndjoro ando me ngo iyoro ra bara-bara ra bora Yezu Kristu. ⁴ Kuapa iyoro rameke ya nyeke u meyi ma monyo muande mbe awondo u nyakasha kum'ande. ⁵ Ntshara bishara ka bameke nyanyi ya poko u ntshua mbe abere shara puara nomboko mikendje. ⁶ Djanombok'aryash'ande mendja ngondo ikere ngunu bukoto yande ukunuku ndombe. ⁷ Woko runu rua make miyi ishosho,ishin'ande Kumu yi yeyeke buanya u bikete dja bikimi. ⁸ Kanana Yezu Kristu yono apunu u ikundu ra bora Davidi, yono ndjua a mawa ukata bate bawa, ngo puara yiya rusanga ruame rua rusheke, ⁹ Ishini rundu runu rua monoko miyi ndjoro to ndo ambonoko banda ngo nkera meyi ma mbe ,keke rutoto rua Ndjambe ruakapa rua kanda minambe. ¹⁰ Iraka rini antotoroko miyi buriti ishini bate bana bashoro banda kek'ande abanda bipete monyo muini muinyi u Yezu Kristu, u rutono rua shere-shere. ¹¹ Rutoto runu rui bara-baara mbe djar'ande tshua mauwu ndo nde tshuwaku wara ayasha ndo monyo ndo nde, ¹² Mbe tshua shiki bunono tshu wak yasha ba Kumu'ando nde, mbe tshua mere, ande yi tshube tshubere, ¹³ Mbe tshuara bate ba basheke , yandi ishashara ndjua ntsheke, ishin'ande yande ko ashe ya bere ya mene. ¹⁴ Kanana meyi mana, usho bate u mishi ma bora Ndjambe ande areke bua nanasha meyi ma meke rata bate bana bake mawoko u iwa. ¹⁵ Shiki bunono to ya sundju u mishi ma bora Ndjambe ngo moto ndjua yereme, muina ngunu ndjua amere yereme, muirna ngunu ibere wu bushonyo u ngunu muande, yono ndjua antshonoko rusanga rua bara-bara. ¹⁶ Ubere toto sha ngono-ngono ndo shi rutoto,ishin'ande bana bake shitoto bameke wende ra bosho u bube, ndo rutoto rua banda rua meke kombo ngo mbombo, ¹⁷ Ukata a ndenge banda biyi Hinene ake Pilete, ¹⁸ Bana basho tono u bara-bara, baroko bande mawu muwa ma bate ma mana kereme,ndo ba ngunjuku maweshe ma bate beke. ¹⁹ Kek'ande makondjo ma ma nono ma Ndjambe misha-shara mayembete, ndo toto shande shiyi ngo djendje: Ndjambe amake yebe bana biyi ibande ndo moto ndjua nkinu yono anteneke rukombo rua bora a Ndjambe, ipambuwa tamb'ande bube. ²⁰ Ukata mburu ndja inene djakapa munu djawu dji mabombo dja ngueteke bere-kere ngo woro ake puaranga ,keke djiya ayasha dji mite ndo dja mana,djimoko djiyi djawa dja nganga, ndo djini yi djeke djyi djawu dja ngono-ngono., ²¹ Mbe moto i ya rondo ndjua yembe ribere meyi mana ngowo , iwake wara yawu ri rutoto ,ndjua kinyiyi ndjua nganga u bora Kum'ande ndjua yemene wu mingunu nya misheke. ²² Mbere nyinga shi burenege,shoto bara-bara maweshere ,ruwondo,poro ando bate ba ntoroko Kumu ndo nteme mua yembuwa. ²³ Mbere nyinga sha bate ba para , ndo sha ngono-ngono, ye bande sha mo toko matumbu. ²⁴ Ndjakap'ande muina ngunu mua bora kumu areke yara muina masheye yara moto ndjua ntsheke u bora ba bakimi ndo nyishi ndjua ntsheke aki djua kanda nteme, ²⁵ Ishika a mboko muina ikembe ando nteme mua nyiti u ma bakara ma Ndjambe yono irene ba ye ipu ri barara miteme ishini bawutoro wu wara ndo mayebere ma bara-bara. ²⁶ Kek'ande aya yebe banda busheke bitotoro wo u marondjo ma bora Ndjambe yono yiyi bawosho ishini banda ukere ruwondo ruande.