¹ Aike ira Tosorintsi ijoganero ora timagantsipage irogontemaro timagantsi Israel, teni irintobagemataigema kara intobakaigari Kanaanke. ² Tosorintsi ikankero oka iroñagaigairi intobagaiga jirai imatsigengajegi israeritajegi te irogotaigero. ³ Iroro oka timagantsipage; irirogegi itingomiegi iras Firisiteojegi, antagaisatijegi kananeoegi, ira sidonioegi, aike Eveojegi timaigatsi otisike asi Líbano, irooti kara otisike Baal Hermón irooti Lebo Hamat. ⁴ Oka timagantsipage peroke ineri irooti Tosorintsi irogontankimaro timagantsi Israel aisonorika iriatsataigero ora ipanakerika imatsigenga Moisés. ⁵ Aisati ora timagantsi Israel itimokoigeri ira Kirananeoegi, ira Ititajegi, ira Amoreoegi, ira ferezeoegi, ira Heveojegi aisati jebuseojegi. ⁶ Ora irisintoegi, yagaiganakero irajinantaigemaroni, aike irooti irisintoegi, iriati yagetakaganeri itomijegi, aike irirojegi yamanatsataiganajiri itasorintsiteegi. ⁷ Ora timagantsi Israel okantagekero te onganinatomotiri Tosorintsi aike pomangisankeri Tosorintsi. Irirojegi yamanatsatagetaigeri ira Baalejegi aike Asarejegi. ⁸ Igisasantaka Tosorintsi, aike iriro ipimanteri kara Cusán Risataimke, itingomintari Aram Naharaim. Ora timagantsi jitacha Israel otarobagakineri ira Cusán Risataim songo osarini. ⁹ Kara timagantsike pamanatsakeri ira Tosorintsi, Tosorintsi itinanake paniro iromitokotaigairi Otonieri, itomi irasi Quenaz (ira ireinti igarashiki Caleb). ¹⁰ Ira isere Tosorintsi imitokokeri iperi isintsimento inibateri israeritajegi iataige intobakaigaka. Ira Tosorintsi iganatakagaigagari ira Cusán Risataim. ¹¹ Ora kibatsi otimake kaninasati 40 osarini. Aike Otonieri itomi Quenaz ikamake. ¹² Aike, ira Israeritajeki ikantaiganajiro te ongomeite, aike Tosorintsi yosintsiteri ira Eglón otingomi Moab, arota iriatsataigeri. ¹³ Eglón itsibataiganajari Amonitajegi aike Amalesitajegi, aike irirojegi iataige iganataigakari Israeritajegi. Ijogaigeri iriroke agaigabajiro ora kibatsi jitacha Palmerá (Jericó). ¹⁴ Ora timagantsi Israel otarobagatomokeri ira Eglón, otingomi Moab, dieciocho osarini. ¹⁵ Aisati ora timagantsi Israel panakeri Tosorintsi, ira Tosorintsi itimake paniro matsinga mitegotairinera, Aod, itomi Gera, ira Benjamitasati, ira mateboco. Ora timagantsi Israel pigakeri, iropenaventajantiri itomgomi, ira Eglón otingomi Moab. ¹⁶ Aod yobetsike sobiri katsebaro sonori, omonkarata cuarenta y seis otsantsa; aike yogisitiakero ibarike. Iriro yogasigantobitanakari ira itingomi Eglón. ¹⁷ Yameka ira Eglón aroke ikibetsomontetasante. ¹⁸ Aike Aod arogenta yogasigantobitanakari itingomi, iriro itsibataiganajari ira kijaganajirira. ¹⁹ Iroonti yareka Aod kara iniri kara isangenatagetaigiri, ipigapaa kara itingomikera ''nongomantemini ora te ogotengini natingomi. ''¡Eglón ikanke!'' ''¡majire pinaige!'' Aisati tarobagataiginerira isotogaiganake kara isamirori. ²⁰ Aod ipogape kara iniri. Ira itingomi isobigasegi paniro kara isamirori. Aod ikankeri. ''Aiti sangenarentsi irasi Tosorintsi ipagantimiro obiro.'' Ira itingomi itinanaka kara isobigasekiri. ²¹ Aod yarentobaro ibago imateboko ora isobirite, yosatantakari ineiki itingomi. ²² Aike kara yosatakeriri pisotogane kara itesatake, tenta ironotsakairoti kara iranijineki. ²³ Aisati Aod isotogane yasitanero sitegori ora isamanta itingomi yasitasantanero. ²⁴ Aike kara iatajiri Aod, ira irigomerejegi itingomi ipogaigape; kara sitegorike pasinike isamamento pasitasantageshigati, aike irirojegi ikengaigaga. ''áintajengari tsomaginta.'' ²⁵ Irirojegi ikenganentasantaigaga tenta irashireigenerini shitegori itingomi. Yagaigero oshiremento yabiriaigero shitegori, ainta inasegi itingomi, iniriasega kara oroge ikamaseke. ²⁶ Irirokeraiegi irigomerejegi, yosamitaigaga iriatiegi pairoraka ingantaigera. Aod isika jakeronta irooti kara inageti itasorintsitegi, irooti isigantaka irooti Seirat. ²⁷ Aisati yareka, itibotabe kara otisike otongabagitaga asi Efraín. Aisati ipañaka tongagaribatsa asi kibatsi Israel. ²⁸ Iriro ikantaigeri: ''Pigiataiganakena Tosorintsi penibake iritsongaigeri kisanijintaigimira, ira Moabitas.'' Yogiataiganakeri inaigapé onamijage Jordán kanta antatinta inasegaigi Moabitas, irirojegi teni iranintaige iragabisaitiri antatinta pongoa. ²⁹ Aityo kara yogaige 10,000 serarijegi pañaigacha Moab, sinchirisonorijegi aike kaninasati intobakaiga. ³⁰ Aityo kara, Moab pitsonkengini. Ora kibatsi omagoriake 80 osarini. ³¹ Aike agiatiri Aod, obatakagantatsi ijita Sangar itomi irasi Anat, ira ogeri 600 serarijegi pañacha Filishteake yogantagekari patiro anchaki ichentagetarira baagapage. Iriro aisati yagaigairi Israeritajegi kara okobengagitetiri.