¹ Ira iragatane tosorentsi isatogane kara Gilbal aike iake Boquin, yame ikange: ''Naro agagaymi Egipto, namagapaymi yaka kibatsigëka nomagabakerira piriegi. Nakantaigerini: ''kero namasitamataikemi ora nakatagetaigimira. ² obirojegi kero pikemisantaygiri timagashi yaka kebatsikega. Obiantiegi obegegeroni ikantagetaigika kebatsikega.'' karari obirojegi teni pingemisantatsataigina. ¿pajita oka pikantaigika? ³ Iroro nakantobitaigimi yame: ''Naro kero najogiro cananeos kara pinaitaigiri, arokenta ikogonontaigagaro kimingaropage, itasorentsitejegi irasi irianti irogasimento pasiegi.'' ⁴ kara inibatapëri iragatanera tasorentsi oka inibareka antagasati timagatsira kara israel, timagantsira ikaibataganake aike iragaitaganaka. ⁵ irirojegi jitaigero ora timaganshira Boquim. Irirojegi ayto ipaigeri kaninaropage ira Tosorentsi. ⁶ Arokenta ijokero Josue ora timagantsi; antagasati itimomento Israel iatagetaigë kara yotsatakagëtaganakeriri, yagetasantagapero igebatsitejegi. ⁷ Ora timagantsira yogeataganekira tasorentsi iroti ikamake Josue itsibatagari irinagaegi ikañatakakera,ira ñeagetoberora ora kaninaripage ikantagetane Tosorentsi kara Israel. ⁸ Josoe itomi Nun, ogeatane Tosorentsi, ikamake ikaratane 110 osarini. ⁹ Irirojegi iteagëri okaragitetiri igebatsite ipëgerira kara Timnat Sera, otishipageke Efrain, kara ikonteti paba Monte Gaas. ¹⁰ Antagaisati timasantatsi jirai ikamaigë. Arogeke ikamaige inagape itomijegi, inagapë ira te iragotasantiri Tosorentsi tenisati iragotaigë ora ikantobentagegerora Israel. ¹¹ Ora timagantsi Israel ikantagetaganakero kimingaropage ora te iranintakotiro Tosorentsi aige yogeataganakeri ira Baales. ¹² Irirojegi teni irogeatagairi tosorentsi, itasorentsite irasi iriegi, kabentsabetagairira agetajirira kara igebashiteke Egipto. Irirojegi iatagetaigë ikogetaganake basinipage tosorentsi, iriatipage itasorentsite irasijegi inakagira, aige yamagapë kara inaitaigëri. Ora ikantagetaganakera yogachimantagari Tosorentsi ¹³ kara ijoganeri Tosorentsi aisati kara yamanagetaganakeriri Baal aige Astorat. ¹⁴ Ora igatsimare Tosorentsi yaganentanero Israel, iriati paigeri jantasatiegi ora yogetaigira. Iriatisati pimantaigeri kara isintsitaigaperi iragisanijintaneegi kara ishongaigapairira, aige irirojegi teni iragobeagabajiri intabitagabakeriri iragisanejintajegi. ¹⁵ kara jegaraka ikogi irasotoge Israel iragisabokakentima, ira Tosorentsi kero yomitokotiri, aronta ikange ora igangera. yame irirojegi inaitastaiga teninta irine pairo omitokotaigirira. ¹⁶ Yamë ira tosorentsi iigantë agatingatokotirira, ira kabentsairira kara isintsirige igisanejintane. ¹⁷ Aro okantabega garari teni iragematsataigeri agatingatokotirira. Iriro jegi teni iragemasantagairi tosorentsi ipimantaganaka pasinibage tosorentsi pibega kantashitagetachara aige yamanaigeri. Omanapagesonori isatogetaganake kara ikemisantabeta iriegi; ira kemisantaneri igatane Tosorentsi, garari teni irirojegi kantagetaigeroni. ¹⁸ Gara itinake Tosorentsi abatagantachira irasijegi, Tosorentsi imitokogeri abatagantaigachira aige yagagairi isinchirekera iragisanejintanejegike. Tosorentsi ikantokobentaigeri gara ikemakeri yamanagetaganakëri gara igësasantaigëriri. ¹⁹ Gara ingamakentiri ira abatagantachira, irirojegikerai kero ikemisantaganaji aige ingantagetaganake ora kimingaropagesonori ora te ingantagetasantiro iriegi. Irirojegi yamanagetaganake aige yogeatagetaganake basinipage Tosorentsi. Irirojegi përosati ikantagetaganakero ora ikantagetaganakera teni irajogiro. ²⁰ Igatsimare Tosorentshi yaganentaneri Ishiraeri, aige ikange: '' oka kebashiga teninta iragemisantaganajina ora nakantabetaganakerira iriegi; irirojegi tenisati iragemisantaigena; ²¹ yamëga iroti basinipage kero nagogetiro ora timagantsipage ora ikamobigera Josue. ²² Nagangero negaka arota nagontaigemari aroka irigiataganajina kara niatageti naro, ibegaganaka iriegi.'' ²³ Irorotage te irajogactobitimarora omanapage Tosorentsi ora timagantsipagera aisati teni iraganatakagimari Josue.