¹ Awe basuka bfika kwishilya luya mu mana mu calo ca bena Ceresa. ² Ulo Yesu aisa kufuma ukuculuka mu bwange, no muntu uwali ne mipashi yakowela uwalekwikala munda, aishile muku musanga. ³ Uyu muntu alekwikala alekwikala mu mandd, takwali angu umo, uwinga muputa ka cela ca munyololo. ⁴ Balekumuputa imiku ingi nefyela fya ma ceni. Ale kuputalula ifyla elo ne minyololola ya fyela shalekuputaika. Tapali muntu nangu umo uwalekumunasha. ⁵ Kabili ubushiku bonse akasuba no bushiku alekwendauka mu mamanda na mu mumpili, alekukuta, alekuikenaula mu mabwe yatwa. ⁶ ulo abwene Yesu apatali, ali butukle kuli wo kabili no kutibila kuli wo. ⁷ Alilile ne shiwi ilikulu, ''Nindo ukofwaya nkucitile, Yesu umwana ywakwa Lesa wapilamo? Nakupapata napali Lesa umwine, windangulusha.'' ⁸ Pantu alikusosa kuli wo, "fuma mu muntu we mipashi ya kowela.'' ⁹ Alimwipwishe, "Ishina lyobe niwe nani?" Nae alimwaswike , ninebo Itulwe, pantu twabamo abengi!" ¹⁰ Kabili yalamupapata apakalamba nganshi ukuti eitamfya muli cilya calo. ¹¹ nomba mumbali ya mumana ya lupili mwali umukuni uwankumba ishalekulya, nayo yalapapata wene ai, ¹² "Tutamfishe mu munkumba tuye twingile muli sho." ¹³ Nao alishisuminishe! nae mipashi shakowela shafumine , nokuyakwingila na munkumba, no kutentemukila ku lupili no kuya kwingila muli bemba, na yabili aya nkumba yalobele munkumba. ¹⁴ Elyo bakacemba ba nkumba babuta, bayashimika no mulandu mu musumba na mu mishi ya mumbali , na bantu epakuya mukumona icali cili citikile. ¹⁵ Elyo bafikile kuli Yesu, basanga umutnu uwali no mulalo wa mipashi yakowela, nafwala, na mano yonse nayabwelelamo! awe umwenso wabekata. ¹⁶ Abo abamumwene balaishimikilako abantu ifimonekele ku wali ne mipashi yakowela na kunkumba. ¹⁷ Elyo batendeka ukupapata Yesu afume mu musumba. ¹⁸ Ilyo Yesu aikile mu bwange, uluya muntu atamfishemo imipashi yakukowela alamupapat ukuti nao. ¹⁹ Lelo Yesu Yesu tamusuminishe, Lelo alandile , " Kabuye ku mwenu ku bantu bobe, uye ku bashimikilako fyonse ifyo imfumu yakucitilayakuvitikia nefyo yakubelela uluse." ²⁰ Awe nae aatampile ukubila mu calo ica Dekopoli fyonse ifyo Yesu amucitile, na bantu bonse balapapa nganshi. ²¹ Elyo Yesu nakabili ayabukile kwishilya lya mumana mu bwange, cinkupiti wa bantu alangana balamushinguluka ninshi acili mu mbali ya bemba. ²² Umo pantungulushi ya mu Synagoga uweshina lya Jairus alishile, ulo amumwene, alitibile. ²³ Alamupapata nganshi no kusosa ai, "Aka mwana kandi aka mukashana ni mfwafye. Napapata inga wingesha ukutambalika ukuboko ukuboko kobe pali wo alapola alaba no mweo." ²⁴ Awe Yesu epakwenda nawo, kabili ibumba ilikalamba lyalamukonka lilemutitikisha konse konse. ²⁵ Elyo mwibumba mwalimo sangwa namayo uwalwele umukunko pa myaka ikumi limo na ibili. ²⁶ Aculile nganshi nangu bashing'anga abengi baeseshe ukumuposha, kabili aposele ifyuma fyakwe fyonse nokuti apowe iyoo, lelo ubulwele bwakwe elo bwalekwilako pa ntanshi. . ²⁷ Uyu namayo alyumfwile ifyo balelanda pali Yesu. Kanshi epakwisa alepeka mwibumba, apalama na kuli Yesu kunuma, akumya na kunsalu shakwe. ²⁸ Pantu wo mu mutimawakwe aletila, " Nga nakumyafye nangu ni nkusalu shakwe, ninshi nkopola." ²⁹ Awe ilyo amukumishe apopene no mukunko waleka, aumfwa mu mubili wakwe ukuti ubukwe bwakwe bwapola ³⁰ Apopepene Yesu aishiba mu mutima wakwe ukuti amaka yamo yafuma mulo wo. Elyo alolesha panuma mwibumba aipusha ati, " Nanini uwankumya ku nasalu?" ³¹ Abasambi bamwasuka abati, " Bushe taumweneibumba ililekutitikisha konk=se konse, kabili wipushe aati, 'uwankumya nani?''' ³² Lelo Yesu ena akonkenyepo ukulolesha konse konse ukuti amone uumukumishe. ³³ Awe nmayo, alatutumafye ku mwenso ico alishibile icimucitikile. Aisa mutibila alondolola ne fishinka fyonse. ³⁴ Nae Yesu amweba ai, " We mwana, icisumino cobe ecakuposha, kabiye umutende, uipolele na ku bulwele bobe." ³⁵ Ilyo acili alelanda, kwaisa abantu bamo ukufuma ku ng'anga yakwa Yailo intungulushi ya mu Synagoga balamwebaabati, " umwana obe umukashana nafwa cindo ulepamfisha kafundisha?" ³⁶ Lelo Yesu wena no kuposa amano nakalya ku mashiwi ayo balesosa, aebafye intungulushi ya Sinagogaai, "Iwe suminafye witina." ³⁷ Elo ailesha abantu bonse ukumunkonka, asuminishafye Petelo na Yakobo na Yoani munyina Yakobo. ³⁸ Cilya afika ku ng'anda ya ntungulushi ya mu Sinagoga, Yesu asanga kukabile na see, abantu blelilafye no kulosha. ³⁹ Elo aingile mu ng'anda, abeba ati, "Cindo mulekalifisha ifi, no kulila imisowa? Umwana tafwile alifye mutulo." ⁴⁰ Awe bo balamuseka. Ulo abafumya bonse panse abuula wishi na nyina nabo ali nabo, elo aingila nomo umwana ali. ⁴¹ Abuula no mwana mu minqwe elo amweba ati, "Talita, Koum!" icilealulwa, "we kana kanini, alamuka. ⁴² Palya pene umukashana aalamuka nokwenda (uwali ne myaka iyakufyalwa ikumi limo na shibili). Abantu pakumona ifi cabapesha amano. ⁴³ Ulo abakonkomesha ngasnshi ukuti mwileka muntu nangu umo eshibe ici cintu. Kabili ulo abeba ukuti mupeleniko ica kulya.