¹ Nakabili alyambile ukufunda mu mbali ya bemba, ne cintu bwingi cialamba calikolongene no ku mushinguluka. Alikele mu bwange. Cinkupiti onse ye yali kwise. ² Alekubfunda ifintu mu milumbe, na mu kufunda kwakwe, ifi efyo alandile kuli bo ³ "Umfweni! umulimi alile kutande mbuto. ⁴ Ilyo alekutanda, imbuto shimo shaponene mu musebo, ne fyuni fyalishile nokulya. ⁵ Imbuto shimo mu sakalabwe, umo shitakwete na mushili wingi. Eico sha menenene mukwangufyanya, ico shitakwete muli wingi. ⁶ Lelo ulo akasuba kabala, ifilimwa fyalifotele, pantu ico tafyakwete mishila, fyalyumine. ⁷ Imbuto shimo shaponene mu fimuti fya myunga. Ifimuti fya myunga fyalikulile no kwandalile mbuto, ne mbuto tashatwele fisabo. ⁸ Imbuto shimo shaponene mu mushili usuma shamenene nokutwale fisabo ifya lekula no kutwale imiku amakumi yatatu, amakumi mutanda, ne miku umwanda." ⁹ Kabili alandile, "Onse uukwete amatwi ya kumfwa , ka omfwe!" ¹⁰ Ulo Yesu ali eka, abo abalekumupulamina na be kumi na babili bli mwipwishe pa milumbe. ¹¹ Alandile kuli bo, "Kuli mwe cilipelpweicankama ca bufumu bwa kwa Lesa. Lelo kuli bo kunse fyonse ni mu milumbe. ¹² Ukutila ilyo bakololesha, ina bakololesha, lelo tabakomona, na kabili ilyo bakofwaya, ina bakoumfwa, lelo tabakoiluka, pantu kuti bapilibuka na Lesa kuti abelela." ¹³ Alandile kuli bo, "Tamukoiluka uyu mulumbe? mukeluka shani imilumbe shonse?" ¹⁴ Katanda atande shiwi. ¹⁵ Ishi eshali mu mbali ya nshila, umo ishiwi litandwa. Ulo ba umfwa, lilya line Satana alesa no kusenda ishiwi ilyatandilwe muli bo. ¹⁶ Ne shi embuto ishatandilwe mu nsakalabwe; abo ilyo baumfwa icebo lilya line bacipokelela ne nsansa. ¹⁷ Lelo tabakwata mishila muli bo, lelo bashipikiakashita akanono. Panuma ulo amafya nangula ukupakashwa kwaima pali bo pa mulandu ne shiwi lilya line balawa. ¹⁸ Kabili nashimbi shatandilwe mu myung. Aba nyabo abomfwa ishiwi, ¹⁹ Lelo amasakamika ye sonde no kubepekwa kwa fyuma no kukabilia kwa fintu fimbi filesa no ku cincintila ishiwi, lya kana nokutwala ifisabo. ²⁰ Isho ishatandilwe mu mushili uusuma nyabo abomfwa ishiwi, nokulipokelela no kutwala ifisabo amakumi yatatu , amakumi mutanda, nangula ukufika ku mwanda umo. ²¹ Yesu alandile kuli bo, "Wingaleta umusaniko mukati ka ng'andda no kupikila mu museke nangula ukubika mwi fungu ya busanshi? Kwingisha no kubika pa cakubikapo umusaniko. ²² Nipakuti tapali icabelama ico icishakeshibikwe, ne cankama takuli icishakese pa lwalala. ²³ Nga pali uli namatwi ya kumfwilako, kaoumfwe!" ²⁴ Alandile kuli bo, "Bikeniko amano kufyo mukoumfwa, ico pacipimo mwapiminako, cikapimwako na kuli mwe, kabili nefingi fikalundilwapo kuli mwe. ²⁵ Umulandu wakuti uyo onse uukwete, kuli wene ne fingi fikapelwapo, noyo onse uutakwete, noto akwata." ²⁶ NAkabili alandile, ubufumu bwa kwa Lesa buli ngo mutwe uutande mbuto shakwe mu mushili. ²⁷ Alasendama ubushiku no kwalamuka ulo bwaca, ne mbuto shilamena nokukula, nelyo teshiba icicitika. ²⁸ Umushili uitwalilafye imbuto uuwine: icabalilapo musonga, elyo mulya mwikala insele, elyo inseke shakosa. ²⁹ Ulo ifisabo fyab=pya, lilya line alaleta icikwakwa pantu inshita ya ku sepa ilifikile." Nakabili alandile, ³⁰ Nakabili alandile, "Ni ku cindo twingapalanya ubufumu bwakwa Lesa, nangula mulumbe ndo twingabomfya ukucilondolola? ³¹ Cili kwati ka luseke kalupanga, ako ilyo bakabyala, ekacepeshapo pa mbuto shonse pe sonde. ³² Ilyo kabyala, kalaluka, nokuba icilakamba ukucila fyonse ifiti ifya mwibala, no kupanga imisebo iikalamba, icakuti ne fyani mu lwelele fipanga ifinsa mucitelelwe ca uko." ³³ Mu milumbe iingi nge i alandile ishiwi kuli bo, ukulingana nefyo balekukwanisha ukukutika, ³⁴ nao talandile kuli bo ukwabula imilumbe. Lelo ilyo ali eka, alilondolwele fyonse ku basambi bakwe. ³⁵ Pali bulya bushiku, ulo icungulo cilishile, alandile kuli bo, "katukoya kululamba lumbi." ³⁶ Eico balishile icintu bwingi, basenda na Yesu, nga filya fine, ali mu bwange. Kwali na ma bwange na ya mbi ayalekuya nao. ³⁷ Lilya line ici mwela cikalamba caimine, na maba yalekwingila na mubwange bwatene bwisule ku menshi. ³⁸ Lelo Yesu ali ku mushalila wa bwange, nasendama apa napa nakilila. Balimubushishe, no kulanda "kafundisha, taukosakamana ukuti tuli mu pepi nokufwa?" ³⁹ Alyalamukile, akalipile umwela, no kulanda kuli bemba, "Umutende! ba tondolo! elyo no mwela walipwile, kwali no kupoboka kukalamba. ⁴⁰ Kabili alandile kuli bo, "cindo mukwatile umwenso? Bushe mucili ababula icicetekelo?" ⁴¹ Baliswilemo no kutina kukalamba n kulanda kuli umo no munankwe,"Ninani kanshi uyu, pantu no mwela na bemba fikomumfwila?"