¹ Honi yo kukeya kwa Fumu wetu Jesu Klesite no kulitawa nenji, twamilomba, apetu, ² mwa kewakewa kowoto kumaayalo enu nji ku yapishiwa, shianga kumupepo nji ko maywi, nji ko man'olo amonahala eci atunda kukwetu, eci elye liyuwa lina keye kale. ³ Katele munu amiangele kolikun'wa limweya. Mukonda kalya kukeya katele kuwa kokuna piti, nanu owa m ango kwana monahala, analihele. ⁴ Ayepo yiliyo wa kualukela no kuliinunekela yo shinda kwawa aneshiwa kwa Nyambi nji eyi ana lombela. Kumahulelelo, henge akwingena mutempele thza Nyambi no kulisha yo shinda eci yoliyo Nyambi. ⁵ Kamuvulukile eci ou nanikala nenu eyi inu nani mitongwela? ⁶ Honi pano muna limuka eyi imupalelisha, eci wangu akumonahale pohuma ko shikati shina loela. ⁷ Mukonda okolo weholeka ye mango ina tateka kukwama, kwali pohuma oyu na muvukela hime ou kaku tundishiwa oyu na wana mulikun'wa. ⁸ Aye munu omumango henge akumonahala, oyu aye Fumu Jesu akupaa kuku mufuthza ko mupepo utunda mukanwa kenji no ku mu manenena ou mba keya koshifumu. ⁹ Kukeya koyu munu omumango henge akukeya ke kwama ya Satana kokolo wenji ouhe, emonisha, ne komokisha yo tumbako, ¹⁰ nenu yoihe yoimango katambulile shihemo sho shemwa eci ayoishiwe. ¹¹ Mukonda wei Nyambi nawa tumena okolo o tumbako eci wangu atambule yokwithsa ¹² kalo eci wangu akuatuliwe wahe awa nakana kulitawa koshemwa ambene alikola enu yoimango. ¹³ Uno honi twaloela kukandelela kwa Nyambi kenu, apange awa ahima Fumu, mukonda Nyambi namihangula eci mukale mwa shuka omatatekelo kuku yoishiwa ko kokukenishiwa ko mupepo oukenu no kulitawa koshemwa. ¹⁴ Namishi ko evangeli thzenu, eci mutambule kutethzima kwa Fumu wetu jesu Kilesite. ¹⁵ Uno honi, apanhe, mutanale no kutanalisho kushitunda shenu na mu fundishiwa, nji ko maywi omu mulomo nji ko man'olo etu. ¹⁶ Uno honi Fumu wetu Jesu Kilesite shemwa no Nyambi Tata wetu, oyu watuhima no kutu henga-henga no kutukulupelisha ko shihemo, ¹⁷ kutu henga henga no kukolopisha micima thzenu mwi kwama yoihe yoiwa no mwi ambaula.