¹ Umo yo uupalanganya alukwisa ukumulwisheni mwebo. Chingilileni ifibumba fyomusumba londeni imisebo, kosheni imisana yenu tintileni pamo amakosa yenu yonse. ² Pakuti ba Yaw balinekubweleshamo ukufuma bwakwa Yokobo koti buufumu bwakwa Isilaeli, nangu abakonala bali bafulungenye nekonaula imitano yabo iyamifaina. ³ Ingabo iyabalalume abamakosa ikoshikile kabili nebo shilikale bafwikwamufikashikile ingolofwana shilafusa nefyela fyabo pakasuba ako akabalengwe ukuba abalibambile, kabili ne mifwi iya Saiples yasuntulwa muli kabesha. ⁴ Ingolofwana shilabitukisha ukupula mumisebo, balendesha ukubweta nekuya mumisebo iipabukeli balaboneka koti mimisho kabili balabituka koti kampeshimbpeshi. ⁵ Alebukisha abasambashi bakwe; balalitutula nshanya mukutampula kwabo; balangufyanya ukulwisha ifibumba fya musumba. ingabo iikulu yacitwa ukulibambila ukucingilila aba abakulwisha. ⁶ Imilyango pamanika apakatishiwa ukwisulwa nesano lyapona. ⁷ Hasabi asotolwa kabiliapintwa aya; aba bomfi bakwe abanakashi balila koti ninkunda, ukulipamaula pamabele abo. ⁸ Ninife alikoti cisha ca menshi icileswa pamo ne bantu bakwe ukubutula ukuya koti menshi aalekunkisha. Bambi babilikisha, "imakana. "imakana, sombi neli umo uwalulukila kunuma. ⁹ Pinta ifyakutapa ifyasilufa, pinta ifyakutapa ifya golide, pakuti takupo impelo kububoni, kufweme fyonse ifi fwaukwa ku Ninife. ¹⁰ Ninife talipo ne fintu; talipo ne fintu onse wasunguluka, amakufi amuntu onnse apana pamo nebuwebwaba mumisana yabo bonse; ifinso fyabo fya aluka. ¹¹ Nikwisa bukumo ukuli icilindi cankalamu umupunda ukuabana bankalamu valeliila, umupunda uku inkalamu nenkalamu iyanakashi shaendele, pamo nebana bankalamu uko ukubaline mwenso uwakubulo kubako? ¹² inkalamu kai mansaula iciyaikete mufipi mfwa ifyabana baiko; kaifinaula iciyakete ifya kupela inkalamu ishanakashi, nekwisusha umucembo waiko ifi yaikete, ifilindi fyaiko nefilumbi ifi yaputawile. ¹³ Bona, nebo nshilepo na webo - uku ekulabila kwaba Yawe abamabumba. Nkalula ingolofwana shenu mu cushi, kabili ne mpoko ikonaula abanabankalamu abenu. Nkaputul ukufumyapo icakulya cobe ukufuma ku mpanga yobe. Kabili amashimi shenu taakomfwikapo nakabili."