¹ Ngu umulandu waku Ninife. Ndi ibuku lyakubona kwakwe Naumi, umu Elikosi. ² Ba Yawe niba Lesa babukwa ababweshi mulandu, ba Yawe balanwesho mumulandu; waliiswile ukukalipa ba Yawe balababweseshe milandu abapele babo, nekutulamina bukaliutupondo twabo. ³ Ba Yawe balakokolo kukalipa bali nebukulu bwamakosa, tekuti bakabaleke lukoso abali nemilandu. Ba Yawe bali nenshila yabo mukapululwa namukutukala, amakumbi likungu lya kumakasa yabo. ⁴ Balakanya icishiba nekucipwisha, nekumya inika shone; bashani alukulela pamo na Kameli; kabili iluba ilya ku Lebanoni lilukulela. ⁵ Amapili yalatekana apa bali bo netupili nato tulasunguluka; kabili icalo icine icalo cilasuntuka pamenso yabo, icine icalo capanshi na bo bonse abalukeilamo. ⁶ Mba ninani uwishi ukwimakana pamenso yakufitwa kwabo? Mba ninani uwishi ukwikala pakukalipa kwabobukali bwabo? ubukali bwabo butetuluka koti mulilo, amabwe nayo nekusasalwa kuli bo. ⁷ Ba Yawe baliweme, ng'anda ikosele pakasuba kakukatashiwa; balabeshiba abapemamo muli bo. ⁸ Sombi kukulukisha kwamenda yalukuputa bakashilisha apali utupondo twabo nekututamfisha mumfinshi. ⁹ Mbamulukubalangulukile ndo ba Yawe? Bakashilisha shili, ukupensha tekuti kukabuke libili. ¹⁰ Pakuti, nangabati bali koti myunga iikakene, nekutontola tontolo koti nikubwalwa bwabo, bakapya lukoso koti cani icumine. ¹¹ Pafuma muli webo umbi ulukubaala kanishisha ba Yawe bumbifi bumbifi, ulukufunda ifyakubifya. ¹² Ba Yawe balukulabilafi ati, "Nangabati bali nemakosa yonse, bengi nangabefyo bakapinikwa: naoyu naye akafwa. Nangabati nalikupeseshe, tekuti nkupenshe nafimbi tau. ¹³ Pano lomba nakukonona icikonkoli cakwe ukucifumya kuli webo. Nekupandula pakati ifyakukaka fyobe. ¹⁴ Kabili ba Yawe bafunda ifyo kuli webo, "Ati ifyeshina lyobe tafikanyalwa libili, nkapinika icibumbwabumbwe icakubasa necakusungululwa ukufifumya mu ng'anda ya ba Lesa. Kabili nkanaminwe." ¹⁵ Bineni, pamapili yamakasa ulukutulisha ubutende. we Juda, lama ifitenge fyobe, ucite koto kulayana kobe; pakuti iyo mbifi tekuti ikapite muli webo libili ilipinikilwe pini.