¹ Ifi efi ba Yawe Lesa banangile. Bona, bashiketi wa fisepo fya mumaisa! ² Efi alabile, ''Findo wabona, Amosi?'' Bashiketi wa fisepo fya mu maisa, ''Eli ba Yawe balabile kuli nebo, ''Impelo yaisa pa bantu bandi aba Israeli; nshika twalililapo ukubaleka. ³ Inyimbo shamwi tempele shikaba misowa pali bu bushiku- uku ukulabila kwa bashikulu Yawe imibili iingi ifwile, baliposelwe konse lukose! Celele!'' ⁴ Umfweni kuli fifi, mwe bangomfwa abapengele nekufunya abapengele ba mu cifulo ico. ⁵ Balalabila ati, ''Mbo mwenshi uwabukumo ukapita lwisa, pa kweba ati twingashitisha, ifilimwa na kabili? Nge Sabata likashila lwisa, pa lweba ati tunga shitisha itilingu? Tuluku bweshako icipimo ne kulunda, umutengo, koti fintu tubepa ne fipimo fyabufi. ⁶ Ifi efi cili tunga shitisha itilingu ilibipile, ne kushita abapengele ne silifa, neku fwaisha icakufwala cakwenda.'' ⁷ Ba Yawe balangisha ku matangolo yakwe Yakobo, ''Ifyacine inshikalubako imicito yonse.'' ⁸ Kani impanga taikatutumapo pali fifi, naonse uwikalamo ukulila? Conse cikema koti ninika ya Naelo, cikapamwa ne kwibila nakabili, koti ninika yaku Egypti. ⁹ Cikesa muli bulya bushiku- uku ekulabila kwaba Shikulu Yawe- nkalengesha akasuba ukuwa mu kasuba, kabili nka cifisha icalo mu kasuba . ¹⁰ Nkalulula ukusefya kwenu nishiku shakulosha na bana benu bonse abalalume mu misowa. Nabika ifyakufwala fya masaka pa mbunda shenu nekuba nemapala pa mitwe yenu. Nkacilengesha koti kulosha kwa mwana umo lukoso, ne kasuba akabipile ku mpelo yakako. ¹¹ Bona, inshiku shilukwisa- uku ekulabila kwaba Shikulu Yawe- ili nkatuma ifipowe mu calo, taikaba mi nsala ya shinkwa neli icilaka ca menshi, sombi ica kumfwa amashiwi aba Yawe. ¹² Ba nkenda ukufuma ku cinika naku cinika; bakabutuka ukufuma ku kabeya ka kulwine ukufika ku mutule suba mukufwaya ishiwi lyaba Yawe, sombi tabakalisangapo. ¹³ Muli bo bushiku ba moye abaweme neba sankwa baka sensuka ku cilaka. ¹⁴ Abo abalapa pa cibipile caku Samaliya nekulabila ati, 'Apo balesa wenu bali nemweo, Dani,' eli, 'Napo inshila ya Beersheba ekoili,' bakawa nekubula ukubuka libili.''