¹ Umfwa ashiwi li napita koti kulilila pali mwebo, mwe nganda yakwa Israeli. ² We moye Israeli wawa, taukabukapo; wakanwa mu mpanga; yobetakupo neli umo uwakumubusha eme. ³ Pakuti ifi efyalabila bashikulu ba Yawe: ''Imisumba iyo iyayile ne makana bakaba lukoso umwanda nababo abaile umwanda bakaba lukoso ikumi mu nganda yakwa Israeli! ⁴ Pakuti ifi efyalabila ba Yawe ku nganda yakwa Israeli: ''Mfwayeni nekwikala! ⁵ Tekwesha ukufwaya Betele: neli ukwingila mu Gilgal; tekwesha ukuya Belesheba. Pakuti Gilgal. alukuya mukutapwa, na Betele akaba ukubula kantu. ⁶ Fwayeni ba Yawe ne kwikala, pakuti bo bakufynyapo koti mulilo mu nganda yakwa Yosefu. Cikonaulwa takakabapo neli umo ukushimya mu Betele. ⁷ Balya bantu balyalukile cintu iciweme mu cintu icilulile ne kuposa ubulungami panshi pamushili!" ⁸ Ba Lesa balipangile Pleiadesna Orion; alapilibula imfinshi iyikulu ukuba ulucelo; alalenga akasuba ukuba imfinshi ukuba ubushiku. Nekwita amenshi aya mucishiba; alifitile panshi pesamba lya calo. Yawe eshina lyakwe! ⁹ Alaleta mukwangufyanya ubo naushi pantu fintu ifikosela pakwebati ubonaushi bukese pafibumbwa ifikosele. ¹⁰ Balapata umuntu onse uubashinina mu musumba ya milyang, ne kususha abali bonse abalukulabila mu mupashi. ¹¹ Pakuti mulanyantaula abepengele ne kutota muli tilingu ukufuma kuli ye- neli mulikulile ama Nganda ukufuma ku mabwe tamukekalamo. Muli limine ayaweme ama olife sombi tamukanwapo imfaina. ¹² Pakuti ndishibile umulandu shenu nekukosa kwakubifya kwenu. Mwebo mweba pensha ababwenu ne ku kupita amafisa kanwa, ne kupilibukila ku lubali ukufwaya mu musumba ya milyango. ¹³ Pakuti pali fyefyo nebatekanya bakakutumana pali yi yompindi, pakuti yikaba ni mpindi yabubi. ¹⁴ Fwayeni ifiweme aikona ifibipile, eli mukekala. Ili ba Yawe, ba Lesa wamabumba bakaba na mwebo icine fyeka ifi mwalabila efibali. ¹⁵ Pateni ukubifya, ne kutemwa ubune, mucite ubupingushi ubuweme pa musumba wa mulyango, limbi ba Yawe, ba Lesa wamabumba, kaba ne luse kubashelepo abamu nganda yakwa Yosefu. ¹⁶ Pali fyefyo, ifi efi balabile ba Yawe ba Lesa abamabumba, bashikulu balabila ati kukabo ukulila mu mipunda yonse, bakalabila mu musebo yonse bakalila, 'woo! Woo! Eli baketa abalimi mukulila na kuli babo abeshi ukulosha ne kulila. ¹⁷ Monse muma olife mukabo ukulila, pakuti nkapita pabo, efya labila ba Yawe. ¹⁸ Woo kuli webo weufwaya ubushiku bwaba Yawe? Pakuti bukaba bushikuubufitile takukatubapo, ¹⁹ kati muntu uwabutuka ku nkalamo nacibuli amukumanya uyo neli ukwingila mu nganda nekubika ukuboko pacibumba ne nsoka yamusana uyo. ²⁰ Kanshi akasuba kaba Yawe ka kufita takakatubapo? Icishibalele ne kushima? ²¹ ''Ndipatile ne cobaula ukubungana, nshisangalapo mukubungana kwenu ukwa nsoni. ²² Neli mumpele amalambo yenu yakoca neli amalambo ya nsangu, nshikafipokelelapo fyonse, neli ukulolesha pa masenge ya malambo neshinine namashamu. ²³ Funyeni pali nebo inyimbo shenu isha congo; nshikomfwapo chongo akalimba kakumunwe akantambo. ²⁴ Pano, lekeni bupingushi bupongomoke koti menshi, ne bulungami koti nifilya ifipongomoka amenshi mu kanika. ²⁵ Mwalindetelepo ifyakulisumbula ne malambo ili mwali mumatololo makumi yasano, wee nganda yakwa Israeli? ²⁶ Mwaimya ifibumbwa bumbwa fya Sikkuth, imfumu yenu, na Kaiwan, kalesa kamibengebenge, ako mwaipangile mwebene. ²⁷ Palifyefyo nkamutwaleni ubusha ku Damaseke.'' efyalabila ba Yawe, ishina lyabo niba Lesa wa mabumba.