¹ Umfwa kwi shiwi, we ngombe yaku Bashani, webo weuli mulupili lwaku Samaliya, webo we ufusha abapengele, we utobaula ukufwaisha, ulelabila kubaume bobe, ''Tuleteleni ifyakunwa.'' ² Bashikulu ba Yawe balapa umulapo mukusweta kwebo, ''Bona, inshiku shilukwisa ilibakamupita ne ndobo, mukulekesha mwebo ku ndobo she sabi. ³ Mukaya kunse ukupitila mukwikata ku fibumba fya musumba, cila muntu kuya umushi nkamona ukupula mulya, eli mukaposwa kunse mupepi wa Harmon- ifi balabila ba Yawe. ⁴ ''Nkoya ku Betele ne kubifya Gilgal mukusandulula icakubifya, mulete amalambo cila lucelo, ne cape kumi ili papita inshiku shitatu. ⁵ Peleni icakutotela amalambo ya shinkwa; labileni ukukakuluka ukupela amalambo; bilisheni kulibo pakuti efi mutemenwe mwe bantu baku Israeli- ifi efyalabila bashikulu ba Yawe. ⁶ Nalimupele ameno ayalele mu misumba yenu nekubilisha ba shinkwa mumipunda yakwe. pano tamubwelelepo kuli nebo- ifi efi balabila ba Yawe. ⁷ Nalifunishepo imfula pali mwebo ili kwali kulishele imyenshi iyi itatu iya kusombola. Nalilengele imfula ukuloka mu musumba umo, sombi akapimfya kampanga eko yalokeleko, sombi ku kapimfya uko tayalokelepo kwalyumine ndi. ⁸ Yibili nangu itatu imisumba yalile ku musumba umbi mukufwaya amenshi yakunwa sombi tabakumenepo. Pano tamwabwelelepo kuli nebo- ifi balabile ba Yawe. ⁹ Nalimupensesheni nefyakubabula nefyafibashi nebwingi bwa mabala yenu ne mabala yamyangashi, ne fimuti fya mukunyu nefya maolife- nenshe kanshi monawile. Pano tamwabwelelepo kuli nebo Efyalabila ba Yawe, ¹⁰ Nalitumine icikuko kuli mwebo fyeka fikacitikile ku Egypto. Nalipeye abalumbwana abalalume ne mpoko, pamo nekutapwa kwaba kafwalo, ne kulenga ukununka mu nkambi kumyona yenu. Pano tamwabwelelepo kuli nebo- ifi efyalabile ba Yawe. ¹¹ Nalicimfishe imisumba yenu, fye ifyo ba Lesa bacimfishe Sodomu na Gomola. Mwalikoti fimuti ifyalekupya ifibasompwele mu mulilo. Pano tamwabwelelepo kuli nebo- ifi efya nalabila ba Yawe. ¹² Pali fyefyo nkacita ifibipile pali mwebo, libambileni ukumukumanya Lesa, wakwa Israeli! ¹³ Pakuti! Bona uyu uwabumbile impili nekupanga kabesha afisulula amalangulushi yakwe kumu untunse, eulenga ukubuta ukwaluke infinshi ne kunyataula pa mipunda ili peulu lya calo, ba Yawe, ba Lesa wamabumba, eshina lyabo.''