¹ Ifi na tangilepo ukulemba, Thiofilasi, kabeba ifyo Yesu atatikile uku cita neku sambilisha, ² ukufika nekasuba ba mupintile, panuma ya kupela amafunde ukupula mu Mupashi Uuswetele kuba kushimika abo abo asalile. ³ Panuma yaku penga kwakwe, kali fisulula umwine enka umulabi kuli bo ne fishininkisho ifya cine. Ukwanshi ku makumi ane kabonekela kuli bo neku labila pa mulandu wafumu bwa kwiulu. ⁴ Ili ali ku kumana nabo, kabeba ati aikona ukufuma mu Yerusalemu, sombi uku pembela icilayo caba Wishi. Ici alabila ati, "Mwalyumfwile ukufuma kuli nebo ⁵ ukweba ati icine Yoane alu kwibisha na menshi, sombi baka mwibisheni mu Mupashi Uuswetele munshiku shini lukoso." ⁶ Ili ba bungene bonse bali mwipwishe, "Shikulu kanshi iyi empindi mwaku bukulushishamo ubufumu bwa Israeli?" ⁷ Kalabila kuli bo, "Tafili fyenu ukwebati mwishibe ifya mpindi ne nshiku ifyo Batata ba bikileukulinga ne makosa abo. ⁸ Sombi mukapokelela amakosa ili umupashi uswetele ukesa pali mwe, mukaba bakamboni banji monse mubili mu Jerusalemu ne mu Judea nemu Samaria, ne ku mpelo hya chalo." ⁹ Panuma ba Shikulu Yesu ba kalabila ifi fintu, ili bacili bali loleshe mwiulu, kaba mwimya mwiulu, ne kumbi ne kumufisa ukufuma ku menso abo. ¹⁰ Ili ba loleshe makosa kwiulu ili alukuya penkapo, abantu babili kabe makana palibo bali fwile ifi tubile. ¹¹ Kaba labila ati, "Mwe bantu aba ku Galiliiya, nindo mwimakena pano ne kulu kulolesha kwiulu? Uyu Yesu uba pinta ukufuma kuli mwe nekuya mwiulu, akabwela munshila intu imo kuti fintu fintu mwamubwene alu kuya kwiulu. ¹² Eli ba bwelele ku Jerusalemu ukufuma ku lupili ulu balukwita ati Olife, ulo ululi pepi na Yerusalemu, ulwendo ulwaka suba kamo ake sabata. ¹³ Ili ba fikile balingile mu cipinda cape ulu, apo aba balu kwikala. Bali Petelo, Yoane, Yakobo, Andeleya, Filipo, Tomasi, Batilomyo, Mateyo, Yakobo mwana Alfasi, Simoni wabushipe na Yuda umwana wakwa yakobo. ¹⁴ Bonse bali abakosele pa mulandu umo uwaku tembela, bonse pamo neba nakashi, ne Maliya nyina wakwa Yesu, neba kwabo, abalalume. ¹⁵ Munshiku shilya Petilo alimine pakati kaba kwabo abalalume, ne kufika ku mpendwa ya umwanda umo ne makumi abili amashina ne kulabila ati, ¹⁶ "Mweba kwasu mwebalalume, caliweme ukweba ati amalendo engesushiwa, kuti ku labila kwa mupashi ukupula muli Davidi pa mulandu wakwa Judasi, uyo uwatangilile aba kumwikata Yesu. ¹⁷ Pakuti ye ali umo uwa palifwe ali pokelele icifulo mu mulimo uyu." ¹⁸ (Pano uyu muntu kashita ibala ukuputula mu indalama apokele paku bifya kwakwe, ali wile umutwi panshi, ne mubili wakwe ka utobeka ukwisuka, ne mala ukufumina panse. ¹⁹ Bonse abalu kwikala mu Yerusalemu kabomfwa impupo, pano kabeta lilya ibala mu mulaka wakwabo "Akeldama" icilu kweba ati "Ibala lya Mulopa." ²⁰ "Pakuti fili lembelwe mwibuku lyakwa Masamo, 'Lekeni ibala lyakwe mwikekalapo umuntu neli umo. cibe cipanga lukoso, "Lekeni umbi abule icifulo cakwe mubutungulushi. ²¹ Kabili ciweme, ukweba ati umo pa bantu uwalu kusangwa pakati, lyonse ili ba Shikulu Yesu balu kwisa ne kuya. ²² Mukutatika ukufuma lukubatisho ulwakwa Yoane ukufika kalya kasuba ili ba mwikete kaba nikamboni wesu naku kubuka kwakwe." ²³ Kabasala amashina abantu abili Yosefe ulu kwitwa ati Barabbasi, uwalu kwitwaati Jastasi, na Matiasi. ²⁴ Kaba tembela neku labila ati, "Mweba Shikulu, mulishi imitima ya bantu bonse, fisululeni niwisa pali aba babili umwasala ²⁵ ukubula ichifulo mu mulimo uyu ne butumikishi ubo Yuda akene neku bwelela kwabo." ²⁶ Nekuteya ifipa palibo nefiba kawila pali Matiasi, ali salilwe ukuba pali balya ikumi na umo aba tumwa.