¹ Mwebatemwikwa, Iyi pano ni nkalata na mulembene kuli mwebo, kuli mwebo bonse ,iya ku mwibukisheni ya ku mucincisheni uku kwata amano ayaweme ² pakweba ati mwingebukisha amashiwi ayo na labile kuli mwebo kupitila muli ba kasesema aba swetelele eli ne cipope icaba Shikulu eli ne fipope fyaba Shikulu neba Kapulusha ukupitila muba tumikishi. ³ Ishibeni ici, aba kumucusheni bakesa munshiku shakulekelesha. Baka mucusheni ukulingana nemibele abo. ⁴ Ba kalabila ati, "Buli kwisa ubuluya alaile ukubwela?" Uku tatikila papo abafyashi bafwile, ifintu fyonse fyenka cino utatikala kwe bubumbo. ⁵ Bo mukufwalika kwabo kabalubako kuti amaulu ne calo capanshi cabapo ukufuma ku menda, ukufuma ku mpindi ya kunuma, ⁶ ukupitila likose mu cikope ca balesa, nekutila ukuptila fifyo fintu, icalo paliyo impindi calyonawilwe, caliswelwe ne mulamba. ⁷ Sombi pano amaulu ne calo capanshi fyali sunfilwe umuli pa mulandu wa cico icipope. Filusungile kubushiku bwa bupingushi ne bonaushi bwaba bantu imbifi. ⁸ Mwilubako kufyo ifi mwishibile mweba temwikwa, ukweba ati ubushiku bumo kuli ba yawe buli koti likana limo. ⁹ Ba Shikulu tabali ku kukokolapo pakufikisha ifilayo fyabo, ngefi bambi bali kubona uku kokola kwabo, pa mulandu wafifyo ali ne mutima nteka pa mwebo. Talu kufwayapo umuntu neli umo ukuloba, pakweba ati umuntu onse akwate akabeya ka kulapila. ¹⁰ Nangabefyo, ubushiku bwaba Lesa bukesa koti ne shilufundi: Amaulu yakapita ne congwe icikulu. Ifi pangilwe fyonse fiko sunguluka ne mulilo, icalo ne ficitwa faiko fyonse fikaboneka apatubile. ¹¹ Pa mulandu wakweba ati ifintu fyonse ifikonaulwa muli iinshila, bantu abalishani mwayelelwe ukuba? Mulyelelwe ukwikala aba mushilo eli nekwikala mu mikalile yakwa Lesa. ¹² Mufwile ukwelekela ukwishiba eli nekwisa kwa bushiku bwaba Lesa. Pali bubo bushiku, amaulu akonaulwa ne mulilo, ne filimo fyonse fika sungulika ne necikabilila icikulu. ¹³ Sombi ukulingana ne cici cilayi, tulu ku pembelela amaulu yabu kumo ne calo ica bukumo, umo ubulungami bukekala. ¹⁴ Pakuti pali fyefyo, mubatemucile pakuti muli ne subilo lyafifi fintu, citeni ifyelelwe ukwaba ati musangwe ukwaba akasemba ne kulabila imilandu pa menso abo, mu mutende. ¹⁵ Kabili mubone umutima nteka waba Shikulu wesu ati li pusukilo, koti fintu umukwa utemucile Paulo alembele kuli mwebo, ukulingana na kalango kapelwe kuli ye. ¹⁶ Paulo ali labile pali fifintu muma balata yakweyonse, koti fintu bali kucita mu filembe fyabo fimbi, ukupitila mu bonaushi bwabo abene. ¹⁷ Pakuti, mwebatemwikilwe, apo mulishibile kale pali fifi fintu, licingilileni mwebene pakweba ati mwilufiwa ne bantu abateshi ifunde ne kulufya icicetekelo cenu. ¹⁸ Sombi mukule mu nkumbu ne mano aba Shikulu neba Kapulusha ba Yesu Kilisitu. Ubuleme ngabube kuli ye lelo ne muyayaya. Fyenkefyo!