¹ Ba kasesema bakutumpaika kabesa ka bantu, neba sambishi ba kutumpaika bali ne kwisa kuli mwebo. Bakaleta mubufishi amafunjisho aya kutumpaika, pakuti bali neku kana abakulu aba bashitile. Ba lukuleta ubonaushi palibo abene. ² Pakuti ne twina bwingi tulu kukonka ne mibo yabo, pakweba ati ukupitila muli bo inshila yatine ikonauke. ³ Pa mulandu wabu kabukulu bwabo balu kulufya ne fyebo fyaku tumpaika. Pampinji iitali ifyakubifya fyabo ne konaulwa kwabo takulelepo. ⁴ Pakuti ba Lesa tabshilepo inkalamba ishabifishe. Mutufulo cakubaleka alibekete neku ba lekako panshi kuli talashimuku fungilwa ku mufungilo ukuli infinshi iifitishe uku pembela pa mpinji yaku pingilwa. ⁵ Fyenkefyo, tampintilepo abakale abali mu calo. Mutifulo caku bonaula bonse, ali lamine Nowa, kabili wakucita ifiweme, ne bambipo basanu naibili, ilyo alete ubulobe pa calo capanshi. ⁶ Sombi ba Lesa kabalenge imisumba ya Sodomu na Gomala uku sangula amatoi paku ipingwila ku kuwishiwa, ku kucita icakubwenako ca filesungaminoukuponekela abata tembelapo. ⁷ Sombi na Lote umu lungeme, uwaleba nebulanda kumibo iibipile iyaku kupulusha pa bantu bonse. ⁸ Pakweba ati umwalalume uwamibo iiweme uwalu kwikala nabo ubushiku ne bushiku, alo kulungulushiwa mu mutima wakwe pa fintu alo kubona ne kumfwa. ⁹ Nifyenkefyo ba sukulu aishibe ukupokolola aba tembela ku cakwesha, ne kulama bancita tubi abalume kufika pa mpinji ya kupingilwa. ¹⁰ Pali bufi abaka konka ifya mubili mulunkumbwa lwa fyakubifya ubu kusula ubu tekeshi. Aba pamine aba mututumuko tabatinapo ukupontela inkalamba shakutina. ¹¹ Nkalamba shili ne makosa akuti ne bakulu sombi talu kuletapo amashiwi aya mipinto kuli ba Shikulu. ¹² Sombi abantu bali koti ni nama shampanga ishitalipo ne kalango. Ifyapanjilwe ku kwkatwa ne konaula. Ba pontela ifintu ifyo tabeshibilepo, Nabo bakonaulwa. ¹³ Neku pokelela ama lipilo pafya kucita fyabo ifibipile. Pantu abalinga ukweba ati ukulibona ukubekelwa ifya kulipikisha mukasuba. Fiko kabili buleme. Abaseka sea mu malila abo aya kuli patikisha ulu kwikala ukwakubula ica kulyo namwebo. ¹⁴ Babo ne menso aya isulamo ubucende, abakucita ifya kubifya. Ba tumpaika aba tamininapo bali ne mutima yakyfwaya ukonaula, ba Sambilisha mufyalu nkumbwa. Bana abatipilwe! ¹⁵ Bali fumine munshila iyacine nekuya muku sabanta neku konka inshila shakwa Balamu mwana Boeli, uwa temenwe ica bupe cakubifya. ¹⁶ Sombi ka kankambwa neku pokelela ifya kubifya-impongolo iitalabilapo kailabila ishiwi lya bantu ukwi makana uku fulungana kwakwa Kasesema. ¹⁷ Abantu tuntumpupu utushaba ne menda kabili niba fufuta abapitwa ku mwela. Abo ukufita kwa mfifi kwa sungilwa. ¹⁸ Pakuti pa kulabila ,ifya mataki fya lukoso. babelekela ku lunkumbwa lwa mubili wa kubifya. Balo kutumpaika abantu aba fuminemo mukwi kalilila mukubifya. ¹⁹ Ba balaya uku kakuluka, sombi bo abene bacili abasha ku kubola. Pakuti ico muntu ukutashiwa kuli cenkeco aba musha. ²⁰ Pakuti ilyo ba puluka kufya kukowesha fya pano calo mukwishiba ba Shikulu kabili umupulushi Yesu Kilisitu ne kabil baikatwa neku cimfya, nemibo ya bipishapo ukutila pakutatika. ²¹ Pakuti nga caliweme kuli bo ukubulo kwishiba nshila ya kupulusha ukucila ukuishiba nekufuma ku kwishiba nekufuma ku fipope ifya mupashi uuswetele. ²² Ilipinda lyatine kuli bo: "Ati imbwa ilabwelela ku mulushi kyaiko, nekumba iisambile ilabwekela ku matipa."