¹ Nomba elo baishile ku Yelusamu, kabapalama ku Betifagi na Betani palupili lwa miolife, na Yesu katuma abasambi bakwe babili, ² Nakambi kalabila kuli ati, ''Kamuya mumushi uo yulu ngatene nao, amwaingila bwaka mukosanga impunda eyo bataninapo. Mulikakule muilete kuli nebo. ³ Akwayakuba ukolabila kuli mwe ati, nindo muko citilamfi mukalabila ati, 'bashikulu bakoifwaya bako angufyanya ukuibwesha nkumo.'' ⁴ Kabaya kabasanga impunda ilikakilwe munshila apapalamine nomulyango nokuikakula. ⁵ Bambi abantu kabeminine nkulya nokulabila kulibo ati, ''Nindo mukocita, mukokakula impunda?'' ⁶ Balabile kulibo ifyo Yesu abebele, nabantu kababaleka baya. ⁷ Kabaleta impunda kuli Yesu noku posapo amalaya yabo paliyo, na Yesu kaikalapo. ⁸ Abantu abengi kabatandanya ifyakufwala fybo panshila, bambi nabo kabatandanyamo ifi mpukesa batemene mwibala. ⁹ Mbalya abamutangilile nambalya abamukonkele kabapunda ati, ''Hosana! uushukile ningo uwishila mwishina lya mfumu.(bashikulu). ¹⁰ Kushukile ukwisa kwa bufumu bwa bata ba Dabidi, Hosana ukusanseme!'' ¹¹ Nomba Yesu kaingila mu Yelusalemu kaya namwi Tempelke kalolesha napali fyonse. Nomba pakushila kwa nshita, kaya ku Betani na be kumi limo nababili. ¹² Akasuba kakonkelepo elo balikuya ukufuma ku Betani, kali nensala. ¹³ Pakubona iciti camukungu apatali icakwete amabula, kaya mukucibona kati angasangako icitwalo kuli co, nakabili elo aishilekulico, kasanga takupo kuli bwaka amabula, pantu tayapo ninshita yamu kunyu. ¹⁴ Kalabila kuli co ati, ''Takupo nangu umo uwakulya kuli we icitwalo nakambi.'' Nabasambi bakwe kabakutika. ¹⁵ Kabesa ku Yelusalemu nkwingila mwi tempele katatika noku pasa bakashitisha nabakashita mwi tempele. kapibaula amatebulo yabakashitisha nabakashita ne fitebe fyabalikushitisha ba Piconi. ¹⁶ Tasuminishepo nangu umo ukusenda icingashitwa mwitempele. ¹⁷ Kabafunda nokulabila ati, ''bushe tacalembwapo ati, ''inanda yandi yakwitwa inanda yamapepo ku fyalo fyonse?'' Nombamwe mwaipindamwina munanda yaba kabwalala.'' ¹⁸ Bashimapepo abakulu nabakalemba kabomfwa ifyo alabile kabalolesha umusango uo bangamwipailamo. Pantu kabamutina pantu ibumba lyonse kali papa ukufunda kwakwe. ¹⁹ Elo icungulo bushiku caishile, kabafuma mumushi. ²⁰ Nomba elo balikupita mulucelo, kabamona iciti cilyumine ukufika kumishu. ²¹ Petelo kaibukisha nokulabila ati, ''wemusambishi, bona! iciti camukunyu ico walapishe cilyumine.'' ²² Yesu kabasuka ati, ''kwateni icicetekelo muli Lesa,'' ²³ Mucine nkolabila kuli mwe ati, ''Onse uungalabila kulindupili ati, ''Tela itame munika, ''kati tako twishikapo mumutima wakwe nomba alicetekele ati efyo alabile efyakucitika, efyo Lesa akucita. ²⁴ Eco nkolabila kuli mwe ati, 'conse ico mwakupepela po nokulomba, mucetekele ati mulicipokele, nambi cakuba cenu. ²⁵ Ulo mwaimina mukupepa mulingile ukubelela uluse fyonse ifyo mwakwatila bambi, paakuti wishinwe uwaba mumulu naye akamubelele uluse kufilubo fyenu.'' ²⁶ Nomba amutababelele luse, na wishinye uwa mwiulu taka mubelepo luse kufilubo fyenu. ²⁷ Kabesa ku Yelusalemu nkambi. Nomba Yesu pakwingila mwitempele, bashimapepo abakulu, bakalemba, nabakulu kabesa kuliye. ²⁸ Kabalabila kuliye ati, ''mba maka ndo bomfya pakucitamfifintu, nakambi ninani akupa amaka yaku ficita mfi?'' ²⁹ Yesu kalabila kulibo ati, ''Nkomwipusha ifuumbo limo. Njebeni nande nkomweba amaka ayombomfya pakucitamfifintu. ³⁰ Ulubatisho lwakwa Yohane, mbapo kalufuma kwiulu nangu ku bantu? Njasukeni.'' ³¹ Kabambaula umo babelele nokutalikana nokulabila ati, ''Atwalabila ati, ''lwafuma kwiulu akolabila ati,''mbanomba nindo mutacetekele mu ye'' ³² Nomba atwalabila ati, ''lwafuma kubantu, ''balikuti na abantu, pantu onse kashininwe ati Yohane ali nikasesema. ³³ kanshi kabamwasuka Yesu, nokulabila ati, ''Tatwishibilepo, ''Nye Yesu kalabila kulibo ati, ''nande nshamwebepo amaka eyo mbomfya ukucita mfifintu.''