¹ Yesu kafuma kuli njilya ncende epakuya na ku mipaka ya mu Yudea kafika nakwitala lya mu mana wa Yolodani, na cinkupiti wa bantu kaisa kuli ye nakambi. Ali kucita lyonse. ² Elo aba Falise baishile kuli ye kuku mwesha no kumumba kati, ''napo cili bwako mulume ukubenga umukashi?'' ³ Na iye kaasuka ati, ''mba mose findo amukokobeshepo?'' ⁴ Nabo kabamwasuka ati. ''Mose alitusuminishe umwaume ukulemba icipepala cakulekaninapo nakabili alimutumine ye ukuya. ⁵ Nipa mulandu wa kutolobala kwa mitima yenu ecalengelya ati amulebele ndi funde, ''Efi Yesu abebele. ⁶ ''Nomba pakutampa bwaka ukwa bubumbo, ''Lesa ababumbile umwalalume no mwanakashi.'' ⁷ Nipali weka ngu mulandu epo umwanalalume afumina kuli ba wishi njina nokuya kulambatila ku mukashi wakwe, Efi nomba mba babili baluka umubili umo. ⁸ 'efi nomba tabapo babili, lelo mubili umo. ⁹ Ekwebati ico Lesa alundanya, umuntu elundululapo.'' ¹⁰ Ulo bali munanda, abasambi bakwe nakambi kabamwipushapo pali nci. ¹¹ Kaalabila kulibo ati, ''Onse ngo uwaleka umukashi nokuyakupa umbi ninshi ngo muntu acito bucende kuli ye. ¹² No mukashi naye uwaleka umulume wakwe no kuya kupwa ku mwalalume umbi ninshi acito bucende naye. ¹³ Eli baletele abana babo abanini kuli ye pakuti enga tambalikilapo iminwe yakwe palibo, lelo abasambi balibakalipile. ¹⁴ Nomba Yesu ulo abwene kakalipa epa kulabila kulibo ati, balekeni abaice bese kuline, mubakakanyapo, pantu abene babumfu bwakwa Lesa niabo abangapalana nabo. ¹⁵ Nkolabila mu cine kuli mwe onse uutakapokelepo ubufumu bwakwa Lesa kubati nimba abana banini tekuti engilepo mulya, '' ¹⁶ Kanshi epakubula abana abanini muminwe yakwe nokubapala uku nishi akotambikapo ne minwe yakwe palibo. ¹⁷ Kabili ulo atapile ulwendo lwakwe, umuntu kabutukila kuli ye napa kumwipusha kafukama kaebati, mwe musambishi uuweme, nindo ninga cita pa kwebati mpyane umweo uwakutwalilila?'' ¹⁸ Yesu kalabila ati, nindo wanjitila ati we muweme? takungabapo umuweme sombi Lesa enka. ¹⁹ Ifipope ulifishi;m ulokwipayapo, ulokucitapo bucende ulokwibapo, ulokubapo kamboni wa bufi, ulokubepapo munobe, cindika ba wiso nabanoko.'' ²⁰ Umuntu kaebati, ''mwemusambishi fyonse mfi efinkoka ukufuma ku kwaice bwandi.'' ²¹ Na yesu pakumulolesha kamutemwa. Efi alabile kuli we ati wabulishako lukoso icintu cimo kashitishe fyonse ifi ukwete elo ufiele nakubapina, elo wakuba no bunonshi kwiulu, Elo nomba wise, unkoke,'' ²² Lelo pa mulandu wanga mashiwi kabombomana no kufumapo ilyasakamene, pantu ali ne fyune fingi. ²³ Yesu kalolesha konse konse epa kulabila ku basambi bakwe, ''mwabona ifi cayafya kuba cuma ukwingila mu bufumu bwakwa Lesa!'' ²⁴ Abasambi balipapile pafyom alabile, lelo Yesu kalabila nakambi kulibo ati, mwebana, ''boneni ifyo caba icishupile ukwingila mu bufumu bwakwa Lesa! ²⁵ Cangukile ingamali ukupula mulinso iya nshindano ukucila uwafyuma ukwingila mu bufumu bwakwa lesa. ²⁶ Balipapile ukwine katu nkutampo kulabila shanya, mba kanshi uungapuluka nani?'' ²⁷ Na yesu pakubalolesha kalabila ati, ''kubantu ifi tekuti ficikepo lelo kuli lesa finga citika. Pantu kuli Lesa takwabapo fishupile.'' ²⁸ Petelo katatika ukubila kuli ye, ''Boneni fwe tulishile fyonse nokumukonka.'' ²⁹ Yesu kalabila ati, ''nkomweba mucine nati takupo nangu umo uwakusha inanda yakwe nangu bawakwe nangu ninkashi nangu nibama, nangu nibata, nangu bana, nangu mishi, pa mulandu wakune elo nembila nsuma. ³⁰ Abatakapokelepo ukucila pa miku imyanda nduno muli ncino calo: ama nanda naba wesu ne nkashi nabama nabana ne miishi ukubikapo nokucushiwa, na mu calo icikoisa umweo wakutwalilila. ³¹ Lelo abengi abali kuntashi bakuba ku numa naba kuma bakuba kuntashi.'' ³² Bali munshila bakotuntuka ba koya ku Yelusalemu na Yesu ali batangilile akoya pantashi. Abasambi balipapile, nabo abali kukoka panuma baliketwo mwenso. Na Yesu epakuminta abekumi naba bili pambali nakambi nokutampo kubeba ifyali noku citika kuli ye bwangu. ³³ ''Boneni, tukotuntuka tukoya ku Yelusalemu, no mwana wa muntu akapelwa kuli bashimapepo bakulu na kuli ba kalemba, Bakumupingwilo ufwa no komupela ku bena fyalo. ³⁴ Bakumutumfya ukumushipila amate, ukumunyema, elo bakamwipaye lelo pa kupwa kwa shiku shitatu akufuma kubafwile.'' ³⁵ Yakobo na Yohane, ba mwana Sebede baishile kuli ye no kulabila ati, ''we musambishi, tukofwaya utucitile fyonse ifitungakufumba.'' ³⁶ Kalabila kulibo, ''Findo mukofwaya ne ncite kuli mwe?'' ³⁷ Nabo kalabila ati, ''Tusuminishe tuke kale nawe mu bucindami bobe, umbi ku kulyo umbi naye ku kwa kuso.'' ³⁸ Nomba Yesu kabesuka ati, ''tamwishibilepo ici mukolomba. Napo munga nyenamo namwe mu nkombo iyo nkonwenamo nangu ukushipikisha ulubatisho na kubati shiwako nande?" ³⁹ Nabo kabamwasuka ati, ''ina tunga cita.'' kulibo Yesu kalabila kulibo inkombo ninga nwenako namwe munga nwenako, no lubatisho nakubatishiwako, nalo namwe munga batishiwako. ⁴⁰ Nomba ifyakwikala uyu ku kulyo kwandi nangu ku kuso kwandi tenepo mpela, lelo caba kuli abo abo bapekanishishe,'' ⁴¹ Ulo bambi abasambi abekumi baumfwileko kuli ci, kabakalipa sana pali Yakobo na Yohane. ⁴² Yesu kabeta uko ali no kulabila ati, ''Mulishi ifyo abo baitunga ukuba abatekeshi ba bena fyalo babateka mu kubanyantililila naba cikulu cikulu balailanga amaka palibo. ⁴³ Lelo tefyopo cingalokuba pakati kenu. Onse uukofwaya ukubo mukulu pakati kenu sombi kabo musha. ⁴⁴ Naonse uukofwayo kuba kuntashi sombi kabomusha wa bonse. ⁴⁵ Fyeka filya ifyo umwana wamuntu taishilepo mukuti tumobombele sombi mukutubombela nkupelo mweo wakwe ngecakulubwilako abengi.'' ⁴⁶ Bafikile ku Yeliko, ulo balikufuma ku Yeliko nabasambi bakwe ne bumba iya abntu umwana wakwa Timeo, batimeo impofu kalombalomba, kaikele mu mbali yashila. ⁴⁷ Ulo aufwile ukwebati ni Yesu umwina Nasaleti eukopita, katatika ukupundasha nokuebati, ''Yesu, mwana Dabidi, mbelelako uluse!'' ⁴⁸ Nabengi kabatamplo kukalipile mpofu ukuyeba ati italale, Nomba nayo epakucilamo ukupunda, ''Mwana Dabidi mbelela ko uluse!'' ⁴⁹ Yesu ulo aiminine kabakonkomesha ati bamwite baiitile impofu, nokuyeba ati, teka lukoso umuntima! Ima! Akokwita." ⁵⁰ Kaposa cecele wakwe uualikufwala nokucilukila mwiulu, efi cishile nakuli Yesu. ⁵¹ Na Yesu pa kumwasuka kaebati, ''Findo kofwaya nkucitile?'' impofu nayo kayebati, ''Mwe basambishi, nkofwaya mpoke ukubona.'' ⁵² Elo Yesu amwebele ati, ''koya icitetekelo cobe ecakuposha, ''Napekapo katampako ukubona nakambi, Efi atampile ukumukoka nokuya bonse mushila.