¹ ''Ene mwangashi uwine kantu, na bata nabo ebalimi. ² Ala fumyamo muli insapi shonse ishita kotwa lapo ifitwalo, nakambi ala tungula insapi shonse ishi kotwala epakuti shitwale ifitwalo ifinji. ³ Mulyelele kale pa mulandu wa; lyanshi ili nda bile kuli mwe. ⁴ Ikaleni muli ne na nde muli mwe ngefine nsapi tekuti shitwalepo ifisabo pa lwa shiko sheka sombi ka shikala mu mwangashi, efi na mwe tekutipo, sombi ka mwikala muli ne. ⁵ Ne ndi mwangashi mwe muli nsapi. ngo uwikala muli ne nande muli ye, ala twala ifitwalo ifinji, pantu mbula ne tapapo ifi mungacita. ⁶ Onse uutekalapo muli ne ala posowa kuba ti ni nsapi no kuuma, na kambi balabunganya ifisako no kufitama mu mjki. pa kwebati fipye. ⁷ Amwaikala muli ne, nakambi ifyebo fyandi afya ikala muli mwe, ipusheni fyonse ifi mukofwaya, eli na fyo fya ku mu citikila. ⁸ Bata muli mfi emo bacindikilwa, ukwebati mu lokutwa ifitwalo ifinji epa kushinikisha ukwebati muli basambile banji. ⁹ Ngefi bata bantemwa nebo, nande ifi na mutemwa. ikalilileni mu kutemwa kwanji. ¹⁰ Amwasunga amafunde yanji, mwa kwikalilila na mu kutemwa kwanji, ku bati fintu na sunga amafunde ya ku bata no kwi kalilila mu kutemwa kwabo. ¹¹ Nalabila mfi fintu kuli mwe pa kwebati insansa shandi shibe muli mwe eli insansa shenu shibe ishifikilepo. ¹² Ndi efunde lyanji kwebati mu lokutemwana umo no mu byakwe ku bati fintu na mutemwa, ¹³ Takupo nangu umo uunga ba no kutemwa ukukulu ukwa kucilaapa- uko umbi angonawila umweo wa kwe pa ba byakwe. ¹⁴ Muli babyanji amwalokucita ifintu nko mukankobeshapo ukucita. ¹⁵ Nshi komwitapo ati muli busha banji nomba iyo pantu umusha teshibapo ifi shikulu wakwe akocita. Nkomwita aba byanji, pantu fyonse ifi naumfwile kuli bata nali file nga ukwishibikwa kuli mwe. ¹⁶ Mwe temwepo mwansalile, lelo ne kamusala noku musonta pakwebati muye ili mu twala ifi twalo ne fitwalo fyenu nafyo fikekalilile. Ifi fya belako kwebati conse icimwa kwipusha kuli bata mwi shina lyanji, bali no kumupa. ¹⁷ Ifi fintu na mukonkobesha pakwebati mulokutemwana umo no mu byakwe. ¹⁸ Icalo acamupata ishibeni ukwebati ca balilepo ukupata nebo ulo mwe tacila mupata. ¹⁹ Amuba baku calo icalo ci ngalo ku mutemenwe nga ba ciko. Nomba pantu tamulipo ba ku calo nakambi pa kwebati ne kamusala ukufuma mu calo, ecalenga icalo ukuti cimupate. ²⁰ Ibukisheni icebo ici nalabile kuli mwe, ''Umusha tacilapo pali shikulu wakwe,' kati ne balimfutawishe, namwe ba ku mu futausha; kati ishiwi lyanji balililamine, ba kulama ne lyenu. ²¹ Bakucita mfi fintu fyonse pa mulandu we shina lyanji, pantu uwantumine nebo tabamwishipo. ²² Kani nshaishilepo no ku labila kuli bo, ulubembu nga tabakwetepo, nomba apa kubepekesha pa lubembu lwabo tapapo. ²³ Uwapata nebo ninshi apata nabata. ²⁴ Kani nta citilepo icito ii umuntu nangu atacitilepo pakati kabo, ulubembu nga tabakwetepo, nomba apo bali bona no ku tupata bonse nebo na bata. ²⁵ Nomba mfi fili lukoso epa kwebati lifikilishiwe ilembo ilya lembwa mu mafunde yabo, Bali mpatile apa talipo na mulandu. ²⁶ Ulo katalalika akwisa- uo na kutuma kuli mwe ukufuma kuli bata ngo e, mupashi wa cine, uuya ukufuma kuli bata- ewa kupa bu kambone pa fya kune. ²⁷ Na mwe kapeni bu mboni pantu mwaba nandibo ukufuma lukoso peka pa kutatika.