¹ ''Imitima yenu isakamikwapo. Tetekeleni ba Lesa, nakambi muntetekele na ndebo. ² Mu nanda yabata ifipinda fyabamo finji. kati tefyopo caba ni ngalo kumwebele, pantu nkoyamu ku mu pekunishisha icifulo. ³ Anaya no ku mupekanishisha icifulo, na ku bwela nakambi no ku mupokelela kuli ne mwine, pakuti uko nalikuli namwe eko mwa kuba. ⁴ Inshila iyi nkoyamo muli iishibile'' ⁵ Tomashi kalabila kuli Yesu, ''Shikulu uko mu koya tatukwibilepo, mbe nshila tungaishiba shani?'' ⁶ Na Yesu kalabiloa kuli ye, ''Ene nshila icine, nakambi ene mweo; takupo uungesa kuli bata sambi kapitila muli ne. ⁷ Amwa lokunji shibile, na bata mu nga lokubeshibile, ukufuma nduno muli mwishibile no kumubona muli mu bwene.'' ⁸ Filipo kalabila kuli Yesu, ''Shikulu tulangeni ba wishinwe, elo tukoumfwa bwino.'' ⁹ Na Yesu kalabila kuli ye, ''Inshita ubutali apo na bela pamo nawe ukufika naluno taunjishipo, Filipo? Onse ngo uwa bona ne ninshi abona na bata, Nifisa unga labila ati, ''Tulange ba wiso? ¹⁰ Napo tawasuminapo ati nebo naba muli bata na bata nabo muli ne? Amashiwi nko labila kuli we nshi kolabilapo ukufuma kufiso fyanji, lelo bata abaikala muli ne eba kobomba imilimo yabo. ¹¹ Sumina ukwebati ne ndi muli bata, nabo bata bali muli ne, acakanga sumina lukoso pa mulandu wa fikobombwa. ¹² Nkoebekesha ukwine katu kuli we, onse ngo uusumina muli ne nae akucitako imilimo iinande nkocita, elo akucita imilimo iicililepo napali nji pantu nkoya kuli bata. ¹³ Fyonse fi mu nga lombela shina lyanji, na ku cita pa kwebati wishi akacindikilwe mu mwana. ¹⁴ Amwaipusha icili conse mwi shina lyanji, na ku ci cita. ¹⁵ Kati mwali ntemwa, mu nga sunga na mafunde yanji, ¹⁶ Nande na kupepa kuli bata, nabo ku mupo wa ku mutalalika umbi pa kwebati alo na mwe nshita yonse- ¹⁷ Umupashi wa cine, icalo tekuti ci mupokelelepo pantu taca mubonapo nangu ku mwishiba, Nomba mwe muli mwishi, panshi aikala na mwe nakambi akuba muli mwe. ¹⁸ Nshakamushepo mweka; nakambi naku bwela kuli mwe. ¹⁹ Mu kashita lukoso akanini icalo ta ca kambonepo, nomba mwe mwa kumbona. Nipa mulanduwa kwebati ndi no mweo, na mwe kuba no mweo. ²⁰ Pali mbulya bushi mwa kwishibo kwebati ne naba muli bata no kwebati na mwe mwaba muli ne, nakambi muli mwe. ²¹ Ngo uuli na mafunde yanji noku yasunga ye ninshi ewantemwa, na ngo uwatemwa nebo bata nabo ba ku mutemwa, nande na mutemwa no kuilangisha kuli ye. ²² Yuda (te shikaliote po awe) kalabila kuli Yesu, ''shikulu nindo mwa kuilangila lukoso kuli fwe no kutailangapo ku calo?'' ²³ Yesu pa kwasuka ka mweba, ''uuli onse aantemwa akusunga ne shiwi lyanji. Bata ba ku mutemwa na fwe twa kwisa kuli ye no kutatiko kwikala naye. ²⁴ Ngo uutantemwapo na mashiwi yanji nayo taya sungapo. Ishiwi ili mukutika tali fumapo kuli ne lelo lifuma kuli bata abantumine. ²⁵ Nkolabila nfi fintu kuli mwe ulo ncili nkoikala na mwe. ²⁶ Nomba nangwa cabe fyo, uwakumutalika umupashi wa mushilo uo uubata bakumutumina mwi shina lyanji aku musambilisha fyonse nakambi ali ku mwi bukisha fyonse ifi nalabile kuli mwe. ²⁷ Nko mushiilo mutende; Nko mupelo mutende wanji, Nshi koupelapo kubati fintu icalo cipela. imitima yenu isakamanapo, nakambi mubapo no mwenso. ²⁸ Mwalikutikile nalabila kuli mwe, nkofuma nkoya, nakambi na kubwela kuli mwe, ''Amwa lokuntemenwe, mu ngomfwa bwino pantu nkoya kuli bata, pantu bata bakulu ukucila pali ne. ²⁹ Eci nomba nko mwebela limo ulo tafila citika, ulo fya kucitika, mwa kusumina. ³⁰ Nshi ku twalililapo ukulabila ifinji na mwe pantu kateka wa calo cino akoisa. Takwetepo fiso pali ne, ³¹ Nomba pakwebati icalo cishibe ukwebati nalitemwa bata, nko cito kulingana nefi bata ba njebele ukucita, ka twime tulokuya tufume na pano.''