¹ Panuma ya shiku mutanda ubushiku bwa cakucilila tabungafika Yesu kafika ku Bethani, ukwali kwikala Lasaro, ngo uyo Yesu abushishe ukufuma ku bafwa. ² Efi kabamutebata umulalo unkufya, na Mlita uwali kupa ifya kulya, Lasaro naye ewali umo uwasendalele panshi kwi tebete pamo na Yesu. ³ Naya Malia kabula umusashi wa mafuta aa nunka ubwino ayo baenga ukufuma kunseke sha nandi nokwitila kumakasa yakwa Yesu, no kuwamya amakasa yake kumishishi yakwe. Ne nanda yonse ka yisulamo icena camafuta. ⁴ Yudashi Iskarioti, umu pabasambi bake ngo uwali nokumumba kalabila ati, ⁵ ''Mba nindo nga mafuta aya cena iciweme tayshitishiwe lukoso ne ndalama ukulingana na mwenda atatu nokupela ku bapenga?'' ⁶ Na mukusosa nfi tekwebapo ati alikusakama icushi nipaku bacali mu nfo, pakuba ewali natumba wa ndalama umo alikubulamo pasho bali kubikamo. ⁷ Yesu kalabila ati, '' Musuminishenicisunge ayo akwete ukufika ku bushiku bwa kunshika. ⁸ Abaculile mwalikuli nabo lonse. Nomba tamwakabefo nandi lonse.'' ⁹ Nomba ulo ibumba lya bantu aba ci Yuda baishibile ukweba ati, Yesu ali nkulya kuntu kabesa tekufwaya ukubona Yesub bakonkele, balikufwaya noku bona Lasaro, uyo Yesu abushishe ukufuma kubafwa. ¹⁰ Bashi mapepo bakulu kabapange ukweba ati nalasoro naye bakamwipaye; ¹¹ Pantu nipali ye aba Yuda abengi bafumine nokuya. Sumina muli Yesu. ¹² No bushiku bwakinkelepo ibumba ilikulu lyashile ku mutebeto. Ulo baumfwile ukwebati Yesu alikwisa ku Yelusalemu, ¹³ Kababula ne misambo ya tumbili no kuya kunse mukumukunya no kubilikisha, ''Hosanna Alipalwa uyo ukoisa mwishina lya ba shikulu imfumu ya Iisreali.'' ¹⁴ Na pakusanga akana kakuli pinda Yesu kakabula no kwikalapofye kefi calembulwe. ¹⁵ Witinapo wemwana mwanakashi wamu Zione; bona; imfumu yobe ukoisa, ilikele na pakana kaku punda.'' ¹⁶ Abasambi bakwe tabakutulukilepo infifitu mukubalilapo, naomba ulo Yesuacindamikilwe elo baibukishe ukweba ati nfilya fintu fyalembelwe ena efyo nabo balitile infi fintu paliye. ¹⁷ Ne bumba nalyo lyalishinikishe ukwebati lyali naye ulo aitile Lasaro ukufuma mu manda uku mubusha ukufuma ku bafwa. ¹⁸ Nipa mulandu ngu ibumba lya lya fumine kunse, mukumukumanya pantu baumfwile ukeba ati acitile ililangililo inci. ¹⁹ Aba Falise nabo kaba kusoshanya pakati, ''Lolesheni tapapo ico mungacita, boneni, icalo cikumukonka, '' ²⁰ Nomba bambi aba cigiriki bali pali nb abalikuya muku pempela pamutebeto. ²¹ Mba baile kuli Philipo umwina Bethsaide wa mu lalileya , kaba mwipusha kabeba ati, ''Wemwalalume, tu kofwaya ukubona Yesu. ²² Naye Philipo kayakaebako Andleya; Andeleya na Philipo, kabaya kamweba Yesu. ²³ Yesu kabasuka no kulabila ati, ''Inshia yafika pakuti umwana wamuntu icindamikwe. ²⁴ Icine, icine nkolabila kuli mwe uleseke lwanganu ngatali ponene pamushili no kufwa, lubafye lweka; nomba ngalwafwa lukafwala ifisabo ifingi. ²⁵ Ngo uwatemwa umweo wakwe aku ulufya; nomba ngo utetemwapo umweo wakwe muli ncino calo akuusungula ku mweo wamuyayaya. ²⁶ Ngo onse uyo uko mombela ankonke, nokondi, eko no musha wandi akuba naye, nango onse umombela bata bakumucindika. ²⁷ Nomba umweo wandi wacushiwa nakambi findo ni ngalabila? 'Bata, mumpusushe ukufumo pali njino nshita? no kuba nipalingu mulandu nafikila pali njishita. ²⁸ Bata Cindamikeni ishina lyenu, ''Peka po ne shiwi kalisa ukufuma kwi ulu kalyeba ati, ''ndilicindikile na kambi nakuli lindika.'' ²⁹ Ne bumba ilyai minine apepi kalyumfwa nabo apa kweba ati cibulumo. Bambi nabo kabasosa ati, ''Mungeli alabila naye.'' ³⁰ Yesu ka yasuka no kulabila ati, ndi ishiwi talishilepo nebo. Lyaishila mwe. ³¹ Nomba ekupingulwa kwa nchimo calo; Nomba kateka wa ncine calo akuposwa kunse. ³² Ulo nakusumbulwa ukufuma panonshi, Nakukula bonse kuli nemwine.'' ³³ Alabile nfi mukulosha ku musongo wamfwa akufwako. ³⁴ Ibumba kalimwasuka ati, ''Twalimfwa ukutula mu malango ukweba ati Klistu akwikalilila. Mbawe unga labila shani ukweba ati, ''umwana wa muntu cilingile ukusumbulwa? mbo Yu umwana amuntu ninani?'' ³⁵ Elyo Yesu kalabila kuli bo ukutuba kwakuba namwe pakashita akapimwa. Endeni ulo ukutuba muli nako, pakuti ukufitataku mucilawilile. No wenda mufinfi teshibapo uko akoya. ³⁶ Ulo mucikwete ukutuba sukutuba, sumineni mukutuba pakweba ati mube abana baku tuba. Yesu kalabila infi fintu kafumakonokufisama kuli bo. ³⁷ Nangula cali cakwebati Yesu alicitile ifyakubwenako ifingi patanshi yabo. nalo tabasuminepo muli ye. ³⁸ Pakweba ati amashiwi yakwa kasesema Isaya ya shinikishiwe umo asosele ati, ''Shikulu ninani uwasumina ifyo twalabila, nakambiu nikuli mani ukuboko kwakwa shikulu kwafisulula? ³⁹ Panuma ngu balikene ukusumina, pantu Isaya naye kalabila ati, ⁴⁰ ''Ali pofwisha amenso yabo, noku kosha imitima yabo; ngatefyo po bangabona namenso yabo nokukutulukane mitima yabo, nokupilibuka nandi naba posha.'' ⁴¹ Isaya alabile infi fintu pakuti ali bwene ubucindami bwakwa Yesu no kusosela pali ye. ⁴² Nomba nanula cali, bukateka abengi kabasumina muli Yesu, lelo pamulandu waba Falise, tabaliku langishapo pakweba ati beba sowa ukufuma mu Synagoge. ⁴³ Batemenwe ubucindami ubutula kubantu ukucila ubucindami ubutula kuli Lesa. ⁴⁴ Yesu kalabilisha ne shiwi kasosa ati, ''Uwasumina muline tasuminapo muli nebo neka asumina na muli ngo uwantuma, ⁴⁵ no ngo uwabona nebo abonano wantuma. ⁴⁶ Nalisa ngukutuna mu calo, pukuti uwasumina eikala umufitile. ⁴⁷ Ngo onse uumfwa amashiwi yandi elo akana uku ya sunga nshimupungulapo, pantu shaisapo mukupingula icalo, lelo ni mukupususha icalo. ⁴⁸ Uwankana akana noku poikelela amashiwi yandi, alikwata uumupingula, amashiwi ayo nsosa eyukumupingula pabushiku bwakulekelesha. ⁴⁹ Pantu nshisosela pone mwine, lelo nitata uwantuma, ewampa ne funde ifyo nsosa nefyo mfwile ukulabila. ⁵⁰ Ndi shi ati ifunde lyakwe mweo wamuyayaya, nanfi enfi ndabila fweka ifi bata balabile kuli ne nande ifi ndabuila.