¹ Nomba kwali po umuntu uwe shina Lasa loshi uwali umulwele. Maye ali waku Bethani, umushi wakwa Maliya ne nkashi Ina kwe Malita. ² Nalimaliya uwasubile shikulu muri nokusuna amakasa kumishishi yakwe, Eo ndume yakwe Lasaloshi alwele. ³ Ba nkashi shakwe mba ebalaishe amashiwi kuli Yesu kalabila ati, shikulu boneni, ngulya uwo mwatemwa mulwele,'' ⁴ Ulo Yesu aumfwile, kalabila ati, Tekulwalapo kwakumfwa, kulwala kwakwe bati Lesa acindamikilwemo pakuti nomwana wakwa Lesa naye acindamikilwe pali iyi mfwa. ⁵ Na Yesu atemenwe Malita nankashi yakwe pamo peka nalasaloshi. ⁶ Nolo aumfwile ukwebati Lasa loshi alilwala, Yesu aikele inshiku nashimbi shi bili mweka mulya muncende umo ali. ⁷ Ulo papitilefi, elo alabile ku ba sambi ati, ''Kutiyeni ku Yudeya nakambi.'' ⁸ Abasambi kabamwe bati, ''Rabbi lwekanduno aba Yuda bako esha ukumutoba amabwe eko mukofwa ya ukubwelela nakambi? ⁹ Yesu kabasuka ati, ''Bushe tamwaba ba hola ikumi na yabili mukasuba kamo ulo kasamikile? kati umo akoe nala munshita yakasuba te kuti po aitutule, pakuti akololesha kuku sanika kwakutuba kwa limo calo. ¹⁰ Nomba kati ye, akoenda ubushiku kuti aitutula pakuti ukusanika tukupo muli ena.'' ¹¹ Kalabila nfi fintu, na panuma yanfi fintu kalabila kuli bo ati umunesu lasaloshi nalalisha, nomba ndeya pakwe bati nge mu busha ukufuma mutulo.'' ¹² Abasambi nabo kabamwebati, ''Shikulu, kati alilalisha akupuputuka.'' ¹³ Yesu alabile pamfwa yakwe numba bo batontonkenye ati kulala kwakutusha. ¹⁴ Elo Yesu ala bile kuli bo ati, ''Lasaloshi alifwile. ¹⁵ Nditemenya pamulandu wenu, ukwebati shako pakwe bati musumine lekeni tuye kuli ye.'' ¹⁶ Toma uwo balikwita ati Didmashi ayebele abasambi banakwe, ''lekeni nafwe tuye nakwe kati kufwa tumfwile pamo. ¹⁷ Ulo Yesu fikile asangile ninshi lasaloshi mumanda kapapitile ne nshiku shine. ¹⁸ Nomba Bethani ali pepipepi na Yelusalemu, ukulingana ne ntamfu ikumi na shisano. ¹⁹ Naba Yuda abengi kabeshile kuli malita na Malia, mukubatalikako pali ndume wa bo. ²⁰ Naye Malita, ulo aumfwile ukwebati Yesu akoisa, kafuma mukumukumanya, nomba Malia ashele alikele mu nanda. ²¹ Elo malita kalabila kuli Yesu ati, ''shikulu, ngamwali nkuno, ndume yandi ngatafwile po. ²² Nangu ni nduno nalishiba ukwebati lonse co mungepusha ukufuma ku Lesa, angamupa.'' ²³ Yesu kalabila kuli ye ati, ''Ndume yobe akwima nakambi.'' ²⁴ Malita naye labila kuli Ye ati, Nalishiba ati akubuka nakambi mukubuka kwa bafwa pabushi bwakupelako.'' ²⁵ Yesu kamweba ati, ''Nine kututubuka no mweo; uyo uwansumina nangukati afwa, akuba no mweo; ²⁶ Na onse uli nomweo no kunsumina takafwa po. Napo wasumina ifi? ²⁷ Naye kalabila kuli ye ati, ''Ina, shikulu, nasumina ukwebati niwe Klistu, umwana waku Lesa, uukoisa muno calo.'' ²⁸ Ulo ashilile ukusose ifi, kafuma kaya kaite inkashi inakwe Malia pambali beka, elo kamwebati,'' kasa mbilisha ali kuno ako kwita.'' ²⁹ Ulo aumfwile fi, kaima bwangu kaya uko ali. ³⁰ Na Yesu ali talaisa mumushi ali acili pa cende peka palya apo malita amukumenye. ³¹ Naba Yuda, abali nakwe mununda abali kumutalalika ba bwene Maliya cima bwangu noku fumina kunse, kabamuko nkabo batontokenye ati na ngula aya ku manda nkulya mukulosha. ³² Ulo Malita afikile pa cende apo Yesu ali noku mubona, awile pamakasa yakwe nokulabila kuli ye ati, ''shikulu, ngamwali nkuno indume yandi ngata yafwilepo. ³³ Ulo Yesu amubwene akolosha naba Yuda abaishile na ye nabo bakolosha, Naye ali kuntikilwa mumupashi wakwe noku cushiwa. ³⁴ Kalabila ati, ''Nikwisa mumu lallikile? Nabo kabasosa ati, ''Shikulu, iseni mu bone. ³⁵ Yesu kalosha. ³⁶ Elo aba Yuda kabalabila ati, ''Boneni ifyo amutemwa Lasaloshi!'' ³⁷ Nomba bambi kabalabila ati, ''Tekutipo uyu muntu, uwaiswile amenso ya muntu impofu, ngalilengele uyu muntu ukutafwa?'' ³⁸ Nakambi Yesu, kakuntikilwa mumwine, kaya ku manda. iyo iyali luchengo, nebwe lyashitililweko. ³⁹ Yesu kalabila ati, ''Fumwempo ibwe.'' Malita, inkashi yakwa Lasaloshi, umu yashi, kalabila kuli Yesu ati, ''Shikulu pali ngino nshita umubili uli tapile ukubulo, pantu papite inshiku shine apo afwilile.'' ⁴⁰ Yesu kalabila ati, ''Napo nshikwebele po nati, nguwa lisumina, ukabona ubu cinda mibwakwa Lesa. ⁴¹ Ulo bafumishepo ibwe. Yesu kainuna amenso yakwe nokulabila ati, ''Tata natota pakuti mulomfwa kuli ne. ⁴² Nakambi nalishiba ukwebati lyonse mulangufwa, Lelo pamulandu we bumba ndi ilishi ngulwike ifyo nalabilila nfi, pa kweba ati sumine ukwebati nimwe mwatumine.'' ⁴³ Panuma yakulabila aya mushiwi, kabilikisha ne ciunda ceshiwi ili kulu, ''Lasaloshi, fumo panse!'' ⁴⁴ No muntu uwafwile kafuma panse; amakasa ne minwe yakwe, kaili iyakakwa nensalu, nakumenso yakwe kwali ukwakakwa ne nsalu. Yesu kalabila ati, ''mukakuleni mulekeni alo kuya.'' ⁴⁵ Naba Yuda abengi abaishile kuli Maliya no kubona ifyo yesu acitile, kaba musumina. ⁴⁶ Nomba bambi kabaya kuba Falise nokubeba ifintu ifyo Yesu acitile. ⁴⁷ Elo Bashimapepo bakalamba naba Falise kabalongana pamo nokulabila ati, Tukucita shani? ngu muntu akocita ifilangililo ifingi. ⁴⁸ Atwamuleka eka fwenka nfi, bonse bakomusumina; abaloma bakwisa nokutupoka icende shesu no luko lwesu.'' ⁴⁹ Napakati kabo kapali umuntu, kaiphashi uwali shimapepo mukulu muli uyo umwaka, kalabila ati ''Tapapo ico mwaishiba. ⁵⁰ Tamwaishibapo ukwebati cakwapo umuntu ukufwila abantu pukuti uluko luloba. ⁵¹ Naye tasoselepo ifi ukufuma kuli ye, ni pakuba shimapepo mukulu muli ngu mwaka, aseseme ukulosha no kulanga imfwa iyo Yesu akufwila icalo, ⁵² Nakambi tekwebapo luko lwesu, lweka, nokweba ati nabana bakwe Lesa aba salanganishiwa bakabweshiwe pamo nokuba umo. ⁵³ Efyo ukufuma pali bweka mbulya bushiku ukuya kuntanshi bali kupa ngana ifyo bakumwipaya Yesu. ⁵⁴ Naye Yesu kaleka ukubonekela kuba Yuda kafumako nokuya mukati ka calo mupepi ne ciswebebe mumusumba uweshina lya Efulema nkulya eko aikele nabasambi. ⁵⁵ Nomba alakucilukila caba Yuda kacili mupepi, nabengi bali kuya ku Yelusalmu ukufuma mu calo ulo tacilafika icakucilukila mukuisangululwa. ⁵⁶ Bali kufwaisha Yesu, Kabale soshanya kuli umu nomu nakwe bali minine mwitempele, ''Mukontontokanya shani ? Napo taisepo kucicaku cilukila? ⁵⁷ Nabo bashimapepo bakulu naba Falise kabasonkubeshe ukweba ati onse uwakwishiba uko Yesu ali, alingile abeba pakuti bakumwikate.