¹ Kale sana Lesa alabile ku fikolwe fyesu ukupitila muli ba kasesema panshita ishingi nakambi munshila ishingi. ² Nomba muli nshilya nshiku shakulekeleshako, alilabile kuli fwe ukupitila mu mwana, ngo uoo asonta ukuba uwakupyana ifintu fyonse. Kupitila na muli Ye emo Lesa apangile calo. ³ Euli kubengeshima kwabukata bwakwa Lesa, uulemwimininako ukuposha ifi aba. Alekatanya ifintu fyonse capamo ukupitila mu maka eshiwi lyakwe. panuma yakulenga amasambi ukusangululwa, aikele panshi pa kuboko kwa kulyo ukwa maka peulu. ⁴ Aisa kuba solwe solwe ku ba ngeli ngefyo ishina apyaninina lilicilile ukuwama ukucila pe shina lyabo. ⁵ Pantu ni kuli besa abangelo abo Lesa atalile alabile ukwebati, "Ulimwana wandi, nomba nao aluka wiso"? Nangula ni kuli besa abangelo uko atalile ukulabila ukwebati, "Nakuba wishi kuli Ye, nakambi akuba umwana kuli ne"?. ⁶ Nomba nakambi, ulo Lesa aletele umubele pe panshi ya calo, alabile, "Bonse abangelo ba kwe Lesa ba mushinshimune". Pa bangelo baku Lesa ba mushinshimune". ⁷ Pa bangelo alabila, "Eumo uwapanga imipashi yaba ngelo, na basha bakwe ulubingu lwa mulilo". ⁸ Lelo ku Mwana alabila, "Itebe lyobe, Lesa, lya pe na pe. Nenkoto ya bulungami, ninkota ya bufume bobe". ⁹ Walitemwa ubololoke no kupata bu mpula mafunde. Eico Lesa, Lesa obe, alikusubile amafuta ya nsansa ukucila paba nobe". ¹⁰ "Mukutampa, Imfumu, wa bikile umufula wa calo. Imyulu emilimo ya maboko yobe". ¹¹ Bakulob, lelo we wakutwalilila. Bonse bakacucuka kubati cipimfya ca cakufwala. ¹² Wakubafunganya kubati cakufwala, nakambi bakupilibulwa kubati kapimfya kacakufwala. Lelo walikuli fyenke fiwaba, lelo na myaka yobe tayakwatepo impela". ¹³ Lelo ni kubangelo besa Lesa alabile pa kashita akali konse, "Ikaleni kukuboko kwandi ukwakulyo mpaka nkaleke abalwani benu ukuba apakunyanta ama kasa yenu"? ¹⁴ Bushe temipashi yonse iyaba ngelo ibomba, nokutumwa ukusakamana mbo abakupyana ubupususho?.