¹ Ilo twafikile umiutende, elintu twaishibile ukweba ati ici icishi kwitwa ati Molta. ² Abekashi ba mpalya kabatupokelela ubwino, bali koseshe no mulilo uwa ku tupokelelapo pantu kwali imfula iyali kuloka umutapatila ne nempepo. ³ Paulo alibunganikile utwa nkuni no kutuposa pali ngu mulilo mwalifumine ica nsoka npa mulandu wa kukaba nokuipombanya ku kuboko kwa kuli Ye. ⁴ Ilo abekashi bapali nji ncende bamwene ici ica nsoka cikolela ukufuma ku kuboko kwa kwe, balilabile kuli umo no munankwe ati, ''uyu muntu icacine cipondo icapuswike ukufuma kuli ba beemba ukupingushi tabulingile uyu muntu ukwikala uwa mweo. ⁵ Ilo afukwite ici ica nsoka mu mulilo tacacenenwepo nangu pamo. ⁶ Balikulolela ati akopona panshi nokufwa afwa peka mpalya. panuma yaku mulolela pa panshi iyi shingaikulila, balimwene tapapo icikocitika kuli ye, bali cinjishe amano nokulabila ati mu lungulwa. ⁷ Pali umuntu pa ncende apali mupeepi ne mpanga iyali ya mfumu iyalikwangalila icishi, uyu muntu ali ni pubius. Alitupokelele ubwino sana noku tusakamana pa nshiku shitatu, ⁸ Cali ukweba ati ba wishi ba ku pobius bali balwele impepo noku polomya. Ilyo paulo ababwene, alipepele, nokubika ukuboko kwa kwe pali bo, nokubaposha. ⁹ Panuma ya nci nabambi abantu cishi abalikulwala kabesa nabo kaba posha. ¹⁰ Abantu abemngi bali tupokelele nomucishi kabantu pela ne filambu. ¹¹ Panuma ya myenshi itatu twalimubwato pa cishi ne nshita ya mpepo kaitupwilampa, mu bwato bwa ya mpepo kaitupwilampa, mu bwato bwaku Alexandri kwitwa ati, ''mpundu.'' ¹² Panuma twalifikile mu musumba wa syracuse, twalikele mulya pa nshiku shitatu. ¹³ Ukufuma mulya twalininine ubwato nokufika ku musumba wa Rhegium. Panuma ya bushiku bumo ica mwela ka cituntusha, munshiku shibili katufika na mu musumba wa puteoli. ¹⁴ Nkulya twalisangile abakwasu muli Kristu bamo balitwitile no kwikala nabo panshiku cine lubali, muli nji nshila kakwisa naku Roma. ¹⁵ Ukufuma nkulya abakwasu muli Kristu ya kumfwa ilyashi pali fwe balishile mukumanya, tatu ba taverns. Ilyo Paulo amwene aba bakwasu muli alitotele Lesa noku kwata ifiso. ¹⁶ Ilo twaingile mu Rome, paulo alikwikala eka nabashilikale abali ku musopa. ¹⁷ Lelo caishile ukweba ati panuma ya nshiku shitatu Paulo bonse pamo na balya abalalume abali intungulushi muba Yuda. Ilo baishile bonse, kababila kuli bo ati, ''mwe ba kwasu nangu ntacitapo icili conse icibipile ku bantu nangu ku ntambi sha fikolwe, nali kakwilwe ngo musha ukufuma ku Jerusalemu mu minwe yaba Roma. ¹⁸ Panuma yaku mfumba, ba tontonkenye ukundekako, pantu tapalipo umulanda waku mpingula ukufwa. ¹⁹ Ilo aba Yuda balabile ifipusene nokufwaya kwabo, nalipatikishe ukutwala umulandu kuli kaisale, nangu kwati nali kufwaya uku leta ukutunganya mu calo candi. ²⁰ Pa mulandu wa nci kabili nalimitile nokufwaya ukumimona no kulanda na mwe, pantu indikwete isubilo ukweba ati nomba inkofwala ngu umunyololo. ²¹ Elo balabila kuli ye ati, ''tatwapokelepo inkalata ukufuma ku Yuda nangula aba kwanau muli Kristu ukulabila ifi bipile pali we. ²² Lelo tukofwaya ukumfwa kuli we ifyo ukolanguluka po pali nci cintu, ''pantu cilishibikwe kuli fwe ati calilabilwa konse pali we'' ²³ Ilo basalile ubushiku bwa kuli ye, abantu nabambi balishile pa ncende epo ali kusangwa. Alitulile umulandu kuli bo, nokulabila pa bufumu bwa ku Lesa. Ali kwesha ukusambilisha icebo conse ukufuma mwi ifunde lya kwa Mose naba kasesema akasuba konse. ²⁴ Bambi balyumfwile fyonse ifyalabilwe, bambi nabo tabaumfwilepo. ²⁵ Lintu bafililwe ukusuminishanya umo no munankwe, balile panuma Paulo alabile nga mashiwi: ''Umupanshi wa mushilo walilabilwe bwino ukupitila muli Esaya kasesema wafikolwe fyenu. ²⁶ Alabile ati, ''koya ku bantu no kulabila ati, ''ukumfwa ko mwalikumfwa lelo tamwakomfwepo, no kubona mwali kubona lelo tamwa komfwe.'' ²⁷ Pantu imi tima sha bantu shili kosele, na matwi yabo tayomfwapo, na menso yabo tayamonapo, pantu bengamona na mesno yabo no kumfwa na matwi yabo yabo no kumfwa ne mitima shabo no kupilibuka na kambai no kuposhiwa.'' ²⁸ Eifyo mulokwishile ati ili ipusukilo lya ku Lesa lyalile naku bena fyalo nabo balyumfwile. ²⁹ Ilyo alabile mfi fintu, aba Yuda balile. Balikwete ukutalikishanya uku taikulila palwabo. ³⁰ Paulo alikele imyaka ibili ibubulu mu nada yakwe iya ku sonkela, ali kupokelela bonse abali kupita. ³¹ Ali kulumbanya ubufumu bwa ku Lesa noku sambisha ifingi pa lwa ku Yesu Kristu noku shipikisha konse ukwabula ukuba cingilila.