¹ Ulo casalilwepo ati tukaye mu bwato ku itali kabapela Paulo na bakaili na bambi mu minwe yawa kubalonda uwe Shina lya Julias uwa mufita fya nkondo ifya mu buteko. ² Katupatama mu cabwato ukufuma ku Adramitimu ico icali nokuya ku ncende imo iya ku Asia. Eco katuya ku cimana. Alisitakas uwafumine ku Tesalominka mu makedonia naye kayua nafwe. ³ Akasuba kakokelepo katufika ku musumba wa Sidoni uo Juliasi asungile Paulo mubune nakambi kamusuminishi ukuya kubanakwe pakweba angapokako ifi alikukabila ukufuma kulibo. ⁴ Ukufuma po katuya ku cimana eli twa obele munshi yakapinda kakulyo akaku saipulsi ukupalamina kucishi, pantu umwela walikufuma uko twalikuya. ⁵ Ulo twaobele ukupita pa cimana katocila shilisha pamfulia Efi twafikilepo Mira, umusumba wa mu Lisha. ⁶ Nkulya, malando wabakaili kasanga icabwato ica umine ku Alexadra icali kuya ku itali nomo emo atubikile. ⁷ Ulo twaendele ishiku ishingi panini panini efi nokulekelesha mukushupika twafikile mupepi na kinidas nakambi umwela tawatusuminishepo ukwabati iya cingililwe iya Kerete, ukulolenkana na Samone. ⁸ Efi twashupikile pa kobe ukuya no mu paka mpaka ulo twafikile ku ncende imo nyi iitwa ukwa kubutukila ukutapo miusoko soko, iya mupepi no musumba wa Lesea. ⁹ Nambo katuposa inshita iitali, inshita yaba Yuda iya kuleko kulya nayo kaipitile nkambi caishile kubati mwali ubusaso mukoba. ¹⁰ Eico Paulo kabasoka, Nokulabilati, ''Mwebalalume, ndu lwendo ulo ulwakubako mwakubo kuicena nokulofya ifintu ifingi, tefipepo fyeka lelo ne mwe Yesu. ¹¹ Lelo icita cakubasopa caposele sana amano ku mukulu wa cabwato naku mwine wa kabwato ukucila kufyo Paulo alabile. ¹² Pa mulundu wakwebati apakufila amato tapawemepo ukwikalapo pa shita ya mpepo abengi abamuli bacoba kabaleta ilangulushi iya kulumapo mpalya nakambi nga pangabapo inshila yonse ii tungafikilamo ku Foinike, eko tukatubiliushe mu shita ya mpepo nkulya. Foinike enceunde ya kufikilapo amato iya loleshe konse konse ku kapinda ka mulyo naku pkapinda kakucipiko. ¹³ Ulo umwela watampile ukupupa bune bune uwali kufuma ku kapinda ka kucipiko ba coba kabatontonkanya ati awe nomba apa tungenda. Efi bakulwile ubwato nokutampa kuya ili balamba Kerete, umjulundu uupalamine mupepi ne cimana. ¹⁴ Lelo ulopapitile ishita iinini kwaishile ica mwela ica maka icamfula icibipile icitwa Yurakwiro icupitile ukufumina pa ka mulundu kapacimana. ¹⁵ Ilyo icabwato caiketwe ne cimwela no kufilwa ukupula mu mwela, katuipela ku cimwela efi nomba twalekele kuloso ukwe bati tukuya bwaka uko umwela ukotutwala. ¹⁶ Efi twaobele nu kuya kushingilila ku kacishi akanini akobeta ati kaunda nakambi kwali ku manama pakwebati tusungilile akabwato kakupusukilamo pakuti keonaika. ¹⁷ Ulo bakakile akabwato kakupusukilamo, babongeshe imyando yakakokabapisha munshi ya bwato epa kubukaka. Bali kutino kwebati banganya kuiposa pa Surti, eico baponeshe ica kwimini kitako icabwato epakuya ili tuselela. ¹⁸ Twalipaminwe wakulu ku cimwela ica kwebati ubushiku bwakonkelepo batampile ukupose fipe pa nika ukufuma mu cabwato. ¹⁹ Ulo papitile inshiku shitatu bacoba batapile ukuposa ifibombelo fya cibwato pacimana kuminwe yabo. ²⁰ Ulo akasuba ne ntandala fitatulilepo pali fwe pashiku ishingi, nolo ica mfula cacimwela catwalilile ukupuma palifwe, na malangulushi akwebati twakupusuka kaapwa. ²¹ Ulo baendele ulwendo ulutali ukwabulo kulya elo Paulo aiminine pali ba coba no kulabilati, ''Mwe balalume, nga mwau mfwile kufyo nalabil;e ifyo tafuma ku Kerete pakwebati tusangwe muli ukukucenwa no buluse. ²² Nomba nkomukokobesha ukuti mukose pantu tapakalobepo umweo nangu umo bantu kenu, lelo icakonaikapo lukoso cabwato. ²³ Pantu ubushiku bwafumako malaika wakwa Lesa uo ndi nakwe, no nakambi mepa -malaika wakwe kaiminina mu pepi nandi. ²⁴ Nokulabilati Utinapo Paulo. Uli no kuya kwiminina ku Cinso Cakwa kaisale alo bona, Lesa ukupitila mu kulumbu shakwe alipele kuli we bonse aboli nabo mu lwendo.' ²⁵ Eico koseni mwe balalume! pntu ndece tekela Lesa ukuti cakucitika kubati fintu naebelwe. ²⁶ Lelo twakuya kuiposapo pa kacishi kamo.'' ²⁷ Ulo ubushiku bwalenga ikumi na shine bwafikile, ulo umwela watuposele uku no ku pa cimana ca Adriatik, mupepi napakati kabushiku naba ceba kabatampo kutontokanyo kwebati baya ilibapalamina ukwali umulundu. ²⁸ Bapimine ubutali bwa panika no kusanganati palepele intampulo amukumi yabili; nolu baendeleko panini nakambi kabapima nokusanganati palepele intampulu ikumi nashisano. ²⁹ Umwenso kaubekata ukwebati imbi bangaya kuipama ku fyamabwe, efi baposele ntambo ukwali ifya kwinikilako icibwato ukufuma kunuma yaciko no kupepo kwebati sombi kabuca bwangu. ³⁰ Abakoba balikufwaya inshila yakufulumukilamo ukufuma mu cabwato nakambi kabaponesha akabwato kakupusukilamo pa cimana, no kuboneka kubati bantu bakofwaya ukupoya itambo sha fya kwininikilapo ku ntanshi ya cabwato. ³¹ Lelo Paulo kalabila kuwalwlonda bakaili na ku Fita, ''bombi aba balalume bekale lukoso mu cabwato, epakuti mupusuke.'' ³² Efi ifita fyaputwile myando yakabwato no kuka;leka kaye ili kaselela. ³³ Ulo bwaile mukuca, Paulo bakoselesha bonse ukuyapo utwakulya kalabilati, ''mbuno bushiku ebwalenga ikumi na shine a;po kaile mukusopa nakambi mwikele lukosa isala -tamulilepo nangu fimo. ³⁴ Eico namukokobesha ukwakana ifyakulya pantu umu emo mungapusukila. Pantu tapa kalushikepo umushishi nangu umo pa mitwi yenu,'' Ulo alabile mfi, abulile shinkwa nokutotela Lesa pa menso yabo bonse. ³⁵ Elo amokwele ahinmkwa no kutampo kulya. ³⁶ Efi bonse kabakose;leshiwa ekulyako nefilyo. ³⁷ Mu eabwato twalimo abali imyanda ibili amakumi cine lubali mutanda. ³⁸ Ulo balile sana baposele ngamo pa cimana pakwebati ubwato bwangukeko. ³⁹ Ulo bwacele umulundu wakwininapo ta baubwenepo lelo ba bwene lukoso apo icimana cacepeleko nolulamba lwa mucangamucanga, kabalanshanya ukubona kati bangobe cabwato nokufika nkulya. ⁴⁰ Efi baputawile ifya myando ukwali ifya kwinikiloko icabwato nokufisha pa cacimana pashita imo yeka kabakaka nenenene imyando yacakwalulula icabwato panshi epakwimisha icacisalu icili kulupumpu ku mwela; nakambi efi batampile ukulola kululamba lwamucanga. ⁴¹ Lelo efi icabwato cacikilepo icakucingo cakuntashi nokwibwakulapo. Icacipimpi ca kuntashi ka citimpika panshi icakweba kacikanga nokufuma, ne cacisuka kumuma kacisasaika pa mulandu wakuluma kwa matamba. ⁴² Amapange yafita yali yakwipaya bakaili ukutinati kanga samba no fyuka. ⁴³ Lelo uwakulonda bakaili ali kufwaya ukupusushako Paulo, kashi kaiminika amapange yabo, efi aebele abo abangasamba ukuti bacilukile mu munshi elo baya ku mulundu. ⁴⁴ Elo abashala ba konkepo, bambi pa mapulanga, nabambi nabo pali fimbi fintu ifi fimine ku cabwato. Ulo cacitikile muli njinshila efi bonse twafikile umu tende ku mulundu.