¹ Elo, Festus aingile mucitungu, uko papitile inshiku shitatu, aile ku kaisale no kufika ku Yelusalemu. ² Bashimapepo bakulu naba Yuda abashibikwa bwino kabeleta ifyakumushinina Paulo, kabepushisha Festus kabakobesha ³ -Kaba mwipusha ukwebati a wishishe Paulo imilandu -pakwebati etwe ukuya ku Yelusamu, Pantu kaba teyenye ukumubelamina pakuti bamwipaye pakuya munshila. ⁴ Festus kaasuka ati Paulo asungilwe ku kaeale, nakambi naye eko ali mukuya kulya bwangu. ⁵ Efyo kanshi, ''Abo abokofwaya,'' kafwile pamo nabo, kati kuli ifilubene kuli ngu muntu, mukoya kumushinina.'' ⁶ 'Festus aikeleko inshiku cine konse konse nangu ukucila ikumi limo elyo apolomokele ku kasarea, no bushiku ubwakokelepo kaikala paci puna cakupingwilapo kabebe ukuleta Paulo kuli ye. ⁷ Ati afike lukoso, aba Yunda ba mfumu kuli Yerusalemu kabeminina pepipepi, kabaleya ifintu ifingi ifyakumupingulapo ifitakwepo ifyakumushinina. ⁸ Paulo mukupokolula kalabila Ati, ''Nebo Tapapo ifyo na bembuka ukolosha kumafunde ya ci Yuda nangula kwi tempele nangu kuli kaisale. ⁹ Na festus mukufwaya ukusekesha aba yuda, ka asuka Paulo kalabila, ''Bushe ukofwaya uye ku Yerusalemu no ku pingulwa nane pali nfifintu kulya'' ¹⁰ Paulo kalabilaati, Ndiminine ku cipuna cabupingushi icakwa kaisale uko ningile ifyo namwe mwichibile bwino. ¹¹ Nangu kati nalikufyanya no ico icingalinga ukunjipailapo, nshikokanapo ukufwa. Nomba kati ifyo bakombepesha tapapo, Tapapo nangu umo unga ntwala kuli bo. Naipela ukubonekela kuli kaisale. ¹² Ulo Festus asosele nabacilye kaasuka, ''waipale ukubonekela kuli kaisale. koya kuli kaisale.'' ¹³ Ulo papitile inshiku, imfumu Agrippa na Bernice kabafika ku kaesale pabutandashi bwa milimo na Festus. ¹⁴ Ulo balikulya panshiku ishingi, Festus kalondolwela imfumu umulandu wakwa Paulo; kalabila ati'' kuli muntu uyo Felix ashile kuno mucifungo ngumufungwa. ¹⁵ Ulo nali mu Yersalemu bashimapepo abakulu naba kulu baba yuda kabeleta ifyakumupingwilapo kuli ne, no kulomba ukumupingula ukonaika. ¹⁶ Kambasuka natite te tambipo yaba Roma ukupela uli onse uwo bakopa ifilubo uko talakumana aboko shinina nokukwata insamba shakuipokololako kufya bako mupingwilapo. ¹⁷ Elo ilyo bashile pamo nkuno inshalindilepo, ubwakonkelepo kanjikala mucipuna cabupingushi no kubeba ukumuleta. ¹⁸ Ulo abalikumupa imilandu baimine, tapalipo ifilubo bamusangile na fyo ifya bubi. ¹⁹ Casangilwe ukuti balikutalikishanya pafya busumini fyamipepele na pamuntu uwo balikuta Yesu uwafwile, uyo uwo Paulo ali kwebati ali nomweo. ²⁰ Inshali uwa ifyo ninga fyalishapo palingu mulandu icalengele kamwipusha ukwebati ngaali uwaipelesha ukuya ku Yelusalemu mukubulula pali nfyo ifyo balemweba acitile. ²¹ Paulo naye alombele ukuba mulibucitente, ukulolela ifyo umukulu ukusosa. Namwebele ukusungwa muli bucitente ukufika ulo nakumutuma kuli Kaisale.'' ²² Agrippa kasosa kuli Festus, ''Nandi nafwayo ukufwa kuli ngu muntu, ''Mailo, Festus kayebe inuku mumfwa.'' ²³ No mushiku bwakonkelepo, agrippa na Bernice kabesa nokusangalala ukukulu; kabengila mu cinanda naba shilika naba kulu abaishibikwa mu musumba. Naye Festus kayebaukumuleta, na Paulo kabamuleta umo bali. ²⁴ Festus kalabila ati, we mfumu Agrippa, Ha bonse nabalalume abali nafwe mwamubona uyu muntu, ibumba lyonse ilyaba Yuda lyaitile pali, ne mu Yelusalemu na nkuno, kababilikisha kuli ne ati taingilepo ukuba no mweo. ²⁵ Nkansanga ukuti takwetepo ico engafwilapo, Nomba pakuti kalimba ukubonekela ku mukulu, nkasalapo ukumutuma. ²⁶ Nakabili nshikwepo ifintu ifishibikilwe ifyo ninga lembela kumukulu pamulandu wa nfi namuleta kuli mwe makamaka kuli mwe wemfumu Agrippa, pakwebati nkwate ko infintu ifyo ninga lemba pali ngu mulandu. ²⁷ Pakuba caboneka icitapo bwino kuli nebo ukutuma umufungwa apatapo ifitantikilwe pafyo bako lumbula pali ye.''