¹ Panuma yanshikushisano Ananiya shimapepo mukulu, nabakulu bambi, nomusambishi wamafunde ishina lyakwe ni Tetulo kabaya nkulya. mba balalume kabata imilandu yakwa Paulo kulikafi nala. ² Elo Paulo aiminine kuli kafinala, Tetelyasi katampa ukumubepesa nokulabila kuli kafinala ati, ''Panumulandu wenu tulikwete umutende uukulu, nabamubwenako baleta ifime ku calo cesu. ³ Eco nokutotela kwesu konse tulapokelela fyonse ifyo mucita, mweba shimucintikwa bapulamo ba Felikisi. ⁴ Nshikofwayapo kumukokosha, namulomba muluse lwenu ukutukutikako panini. ⁵ Pantu tulisangale ngumuntu ukuba ubusumfi uulenga aba Yuda bonse mucalo conse ukunguka, nintungulushi yabacisangula bamu Nazaleti. ⁶ Kafwaya nokuwesha itempele, eco twalimwikete. ⁷ Nomba lishasi umushilikale kaisa nokumupita pamaka ukumufumya muminwe Yesu, ⁸ Amwaipusha Paulo pali njimilandu yonse, mwakusa mbililapo pali mfi fitu fyonse ifyo tuko mutunganya.'' ⁹ Aba Yuda nabo kasuminishako, ukulabilati iyi milandu yacine. ¹⁰ Nomba elo kafinala asuminishe Paulo ukulabila. Paulo kayasuka ati, ''nalishiba ati pamyaka iyingi mwa ba bakapingula kuli ncino calo, eco nditemenwe noku ilondolola kuli mwe. ¹¹ Mungabona namwebene ati tashicililepo napanshiku ikumi nashibili epo nalilile mu Yelusalemu mukupepa. ¹² Elo bansangile mwi Tempele, nshatalikenepo nangu umo nshatunkilepo nebumba nangu nimu ma sunakoki, nangu nimu musumba. ¹³ Tekuti bashinikishaepo kuli mwe njimikandu bakombepesha. ¹⁴ Nomba nkotubululamfi kuli mwe ukukonkanenshila eyo beta ati bucisanguka, mu yekanji nshila mbo mbela Lesa wafikolwe fyesu. ¹⁵ Nalicetekela fyonse ifyampana ne funde ne fyalembwa muli ba kasesema. Nakwata isubilo limo namba bantu muli Lesa, ilya kuti kwakuba ukubushiwa kwabonse babili abalungeme nembifi. ¹⁶ Eco lyonse ndaipatikisha ukuba nkampingu wakaele kuli Lesa naku bantu. ¹⁷ Nomba panuma yamyaja iingi kanjisa mukupa ifyaluse kucalo candi namukupa amalambo. ¹⁸ Elo nacitile mfi, aba Yuda bambi ukufuma ku Asia kabansanga nkoisangulula mwitempele, tabalipo nebumba nangu icongo. ¹⁹ Mba balalume bakofwaikwa ukuba kulimwe banshinine, kati balikwetepo ifilifyonse. ²⁰ Ngateifyo, mba balalume balabile ububi ubo basangile muli ne kucilye caba Yuda. ²¹ Ngatepali ncipo icintu cimo eco nabilikishe elo naimi nine palibo ati, cikumine kukubuka kwabafwa eco mbelele kukupingulwa kulimwe lelo.'' ²² Nomba Felikisi uwaishibile bwino inshila, katesha umulandu. kalabila ati, ''Elo lishasi umukulu waba shilikale akwisa ukufuma ku Yelusamu, nakupi ngula umulandu obe.'' ²³ Nomba kaeba nomushilikale ati, ''Paulo alingile asu ngilwa mucifungo nomba akwateko shimbi insambu pakwebati abanakwe bangalekumupako ifyo akofwaya. ²⁴ Inshiku shimbi Felikisi kabwela na Dulusila umukashi wakwe, uwaku mu Yuda, kaita na Paulo kakutika nakuliye palwa cicetekelo muli Yesu kilisistu. ²⁵ Nomba elo Paulo alabile pabulungami ukuikontolola, napa bupingushi bukoisa, Felikisi katina nokulabila ati, ''palinduno kabiye. Nomba limbi anakwata inshita, nakukwita,'' ²⁶ Pali yekanjinshita abwene ati Paulo angamupa indalama, eco ilingi alikumwita nokulabila naye. ²⁷ Nomba elo imyaka ibili yapitile, poshasi Fesitasi kaba kafinala panuma yakwa Felikisi, nomba Felikisi alikufwaya ukutemwa kuba Yuda, eco alimulekele aikakilwe.