¹ Panuma ya fi fintu Paulo kafuma mu Atena no kuya ku Korinti. ² Nkuya ye kakumanya umuYuda uweshina Aguile umwina Pontus, ngo uwa ishile lwekandulya kufuma italia no mukashi wakwe Priskila, pantu Claudius kabakokomesha bonse aba Yuda kafuma Roma. Paulo kaya kulibo. ³ Kabili pantu alikubomba pa mushika umoweka, ikele nabo no ku bomba pamo, bo bali kupanga ifikundulu ebwali ubukwe mwabo. ⁴ Awe Pailo kalangukapo mwi Sinagoge pe Sabata lyonse, ukwesha kunasha aba Yuda na ba Griki. ⁵ Nomba ulo Silas na Timote bafumine ku makedonia, Paulo kashintilile pe shiwe ukushinikisha ku ba Yuda ukuti Yesu ali ni Kristu. ⁶ Nomba aba Yuda bali kukumukanya no kumupontela ye, Paulo kakunta ica kufwala yakwe pali bo no kulabila kuli bo, ''Lekeni mulopa wenu ube pamitwe yenu; nebo ndiwakaele ukufuma pa nakuya kube fyalo.'' ⁷ Elo peka po kafumako no kuya ku nanda yakwa Tito Justas, umuntu wa likupepa Lesa, Nanda yakwe yali pepi na Sinagoge. ⁸ Krispus, intungulushi ya mu sunagoge, kasumina muli Lesa pamo naba nanda yakwe, nabengi abena Korinti mbo abaumfwile pali ci kabasumina no kubabatisha. ⁹ Shikulu kalabil;a kuli Paulo mu bushiku mu cimonwa, ''wiba no mwinso, labila nakambi wiba shilili. ¹⁰ Pantu ndi nawe, nakambi ta kupo ungesha ukukucita icibi, pantu nali kwata abantu abengi muli nguno musumba. ¹¹ Paulo aikele nkuya pa mwaka ne myeshi mutanda ukufunda shiwi lya ku Lesa pakati kabo. ¹² Nomba ulu Gallio abele mukulu wa akaya, aba Yuda kamwimina Paulo ne langulushi limo no kuleta ye ku cipuna ca bupingushi; ¹³ kalabila, ''ngu muntu akoyeba abantu ukupepa Lesa ukupusana na malamuno.'' ¹⁴ Ulo Paulo alikufwaya ukulabila Gallio kalabila kuba Yuda, ''mwe ba Yuda kati ca cine wali mulandu wa cilobo nangu bunake, ukuti calinga uku kupingula. ¹⁵ Pantu ifi fili amafumbo ali mashiwi na mashina ne ilamuno iyenu, lungamikeni mwebene. nshikofwayapo ukuti mbe kapingula wa nsho imilandu. ¹⁶ Gallio kabalenga bo ukufuma pa cipuna caku pingula po. ¹⁷ Elo bonse baikete sostene, umukulu wa sinagoge, no kupuma pantashi ya pacipuna kupingwila po. Nomba Gallio ta sakamene po pali nfyo ba citile. ¹⁸ Paulo panuma yakwikala mulya na pashiku na shimbi ishingi, ali shile bandume, no kuya ku Suria na Priskila na Aguila. Minshi tanga fuma po ku pacabu, cenchrea, ye ali beyele imishishi kwe pantu alilapile umulapo. ¹⁹ Ulo bashile ku Efeso, Paulo kasha Prikila na Aguila nkulya nomba ye umwine kaya mu Sunagoge no ukupituluka naba Yuda. ²⁰ Ulu baipwishe Paulo ukwikala nshiku ishingi, yr kakana. ²¹ Elo abalaile bonse, ye kalabila, ''Ndi kubwela nakambi kati kunguba kufwaya kwa ku Lesa. ''elo ye afumine ko ku Efeso. ²² ulu Paulo afikila ku Caesarea, ye kaya no ukuposha ne bumba lya basumina mu Yelusalemu na kambi kaya ku Antioch. ²³ Ulo aikeleko kashita nkulya, Paulo kafumako nakambi kapita fiputulwa fya Galatia na Phygia no kukoselesha bonse abasambi. ²⁴ Nomba umu Yuda umbi inshina lwakwe Apollos, ubwina Alexandarian kuku fyalwa kaisa ku Efeso. Ye kali usambilile mu kwabila kambi uwa maka mu fya lembwa. ²⁵ Apollos ali sontelwe no kusambilisha amashiwi ya mfumu ne co ali wapinpa ku mupashi, Ye kalabila no kufunda ukufika po ne fintu fyakwa Yesu, pantu ye aishibile bwaka lubatisho lwakwa Yohane. ²⁶ Apollos katampa kulabila ushipile mu sinagoge. Nomba ulu Priskila na Aguila baumfwile, kabomupinta pa mbali no kumulondolwa nshila ya ku Lesa ukufikapo ²⁷ Ulu ye afwaile ukupita mu Achaia, abakwabo kamukoselesha kabalembela aba basambi ba mu Achaia uku mupokelela. Elo afikile ye kabafwa apakulu babo abasumine mu kumbu. ²⁸ Apollos mumaka kasusha aba Yuda mukuposhanya mu cintu bwingi, ukubalanga amalembo ukuti Yesu e Kristu.