¹ Bambi aba lalume kabapolomoka ukufuma ku Yuda kabaya ku Antioki uko batatikile ukusambilisha abakwasu muli Klistu, nokulabilatri, ''ukulingana necishilamo cakwa Mose tekuti mupusukepo nga tamucekun iyi lwepo inkanda.'' ² Nanci kacileta Paulo na Banaba mu Fitala ifi shupile no kwalulunshanya nabo. Ecalengele Paulo na Banaba ukubikako lukoso na ukwebati batuntukile ku Yerusalemu kuku kumwanya abatumwa nakakulu ukulolekana nandi fumbo. ³ Elo bo pakutumwa ne cilonganino bapitile ukupula monse mu Foineke na Samalia no kubilisha ukupilibuka kwa bena fyalo. Baliletele insosa ishilangaikulila kuba bakwasu muli Klistu. ⁴ Ulo nbaishile ku Yerusalemu balipokelelwe ne cilonganino, na batumwa nabakulu nakambi kabalondolola fyonse fintu ifyo Lesa acitile kulibo. ⁵ Lelo abalalume bambi abasumine abali mwibumba lyaba Falise kabeminina no kulabila ati, cikofwaikwa sana ukubacekula inkanda nokubakonkobesha ukosopa ifunde lyakwa Mose.'' ⁶ Elo abatumwa nabakulu bakolongene pamo pakuti bashetulumo muli mulandu. ⁷ PAnuma yakutalikishanya ukulu, Petulo kaiminina nokulabila kulibo, ''Mwebakwasu, mulishi ukwebati pashita iye lele iyapita Lesa kapanga ukusala pakati kenu, pakweba ukupitila mukanwa kanji abena fyalo balingile ukumfwa icebo ca mbili iiweme, no kusumina. ⁸ Lesa uwishibile umutima kabashimiko bunte pakubapelo mupashi kwelele, nge fyo acitile nakuli fwe. ⁹ Tapangilwe kulekanya palibo nafwe kasamba imitima yabo pantu bali tetekele. ¹⁰ Efi kanshi nindo mukobikila Lesa mukwesha pakwebati mubike ikoli pa mikoshi ya basambi iyo nangu nibata nangu nifwe twafilwa ukuminta? ¹¹ Lelo fwe twasumino kwebati twakupusukila ukupitila mu luse lwa mfumu Yesu ngefi cali nakulibo.'' ¹² Ibumba lynso iyalikele shilili ulo bacikukutika kulyo Paulo na Banaba balikulondolola pa fishibilo nefipapwa ifi Lesa abombele pakati kabena fyalo ukupitila mulibo. ¹³ Ulo bashilile ukulabila, Yakobo kacisuka, kaebati, Mwebakwasu muli Klistu, kutikeni kuli ¹⁴ ''Simoni kalondolola ifi paciyambi Lesa mu luse lwakwe kaya fwa abena fyalo pakuti ukufuma muli bo aipangile abantu abaitwa pe shina lyakwe. ¹⁵ Amashiwi waba kaswswma akosumininshanya nanji, ngefi calembwa, ¹⁶ ''Napanuma yanfi fintu nakubwela, elina kukula nakambi umusakuta wakwikalamo Dabidi uwaitulilepo; nakwiminika no kubulula nfyo fyaifya onaike nakambi, ¹⁷ Pakwebati abalalume abashalapo benga fwaya imfumu ukubikako lokoso na benafyalo abo ishina lyandi lkoiyilwapo.'' ¹⁸ Ifi efyo imfumu yalabila uwa citile ifi fintu ifyaishibikwe ukutula lukoso ku shita shakale. ¹⁹ Kashi, ifi nalanguluka fya kwebati tuleke ukucusha mno aba mu benafyalo abakopilibukila kuliu Lesa. ²⁰ Lelo twakubalembela ukwebati batalukeko ku nukoweshi bwa tulubi, nakubuule, naku kulye nama ishi bashi bashongotwele lukoso imikoshi, nakukunwo mulupa. ²¹ Pantu Mose bali nokumubilisha mumisumba yonse ukufuma lukoso ukwatatikile ikulo nakambi alikushikwa na mu masnagoge cile Sabata. ²² Elo caweme ku basole(abatumwa) kubakulu naku cilonganino pakusala Yuda uobeta Balisaba na Sailashi uwali ntungulushi pababwanakashi muli Klistu, nokubatuma ko Atiki pamo na Paulo na Banaba. ²³ Kabalembaku minwe yabo, ''ukufuma ku Basole (Abatumwa) nabakulu abakwanu muli Klistu kuli bawenu muli Klistu, kubena fyalo abakwasu muli Klistu mu Atioki, mu Sulia na mu shilisha; imitende! ²⁴ Pantu katumfwo kwebati abantu kambi abafumine kuli fwe abotutatuminepo, kabili balimufungenye mu mashiwi ayo ayapilibwile imitima yenu. ²⁵ Caba icelele kuli fwe, fwebeshile mukusuminishanya icintu cino pakwebati tusale abalalume no kubatuna kuli mwe pamo nabatemikwa banaba na Paulo, ²⁶ Abaume abapele imweo yabo ukufika nakufwa pa mulandu we shina lya mfumu Yesu Klistu. ²⁷ Eci twatumina Yuda na Sailoshi abakwisa kulondolola ifintu fimo fyeka mu mashiwi ayabo. ²⁸ Pantu caboneke celele ku mwanshi uwelele nakuli fwe ukutwika pali mwe ifipe ukucila pali ifi mungakumanisha; ²⁹ Pakwebati muitalushepo ku fintu ifibapela amalambo kutulubki ku kunwo mulopa ku fintu ifi bashongotwele lukoso mikoshi ku buule. Amwaisopa mwebene no kufuma kuli mfi fintu elo cakuwama kuli mwe musha lepo imitende.'' ³⁰ Elibi, pakubebati kamuya, kabalomokela ku Atioki; napanuma ya kubunganya ibumba pamo elo babatambike kalata. ³¹ Nolo bapwishishe ukubelenga, kaciwama kulibo pamulandu wa mashiwi yankosho. ³² Yuda na Sailashi nkambi abali bakase sema, kabakoselesha abakwasu muli Klistu na mashiwi ayatanya fulila noku pela icikoseleshi kuli bo. ³³ Ulo baposeleko akashita nkulya, kababalekamo balya umutende ukufuma kubakwabo muli Klistu no kubalaka babwelemo kulimbo ababatumine. ³⁴ Lelo kacibonse icelele kuli Sila ukuti engashola nkulya. ³⁵ Lelo Paulo na Banaba kabekala mu Antioki, balikusambilisha no kushimikila (pamo lukoso nabambi abengi) ishiwi lya mfumu. ³⁶ Ulo papitile ishiku Paulo kalabila kuli Banaba nomba katubwelele ku bakwasu muli Klistu mu misumba yonse umo twabilile ishiwi lya mfumu, no kubona ifibelekele ³⁷ Banaba afwaile ukuti Yohna uwitwa maliko naye abepo pa lwendo. ³⁸ Lelo Paulo acibwene ati tekuti ciwamepo ukuminta na maliko uyo uwa bashile benka mu pamfulia nokufilwa ukuya nabo mu mulimo. ³⁹ Elo pabukile ifitala ifikulu icalengele ati bapatukane na Banaba efiamitile maliko no kuya mu bwatoku Saipulasi. ⁴⁰ Lelo Paulo abulilepo Sailashi i aile nankwe, panuma yaco elo abakwasu muli Yesu babapele muluse wamfumu. ⁴¹ Efi aile ukupula mu silia na Silisha ilya koselesha ifilonganino.