¹ Lintu bwacele kacelo bansimapepo bakulu, kubikapove nebakulu bakalemba ba malango kubikapove neba- sicilye bayizile kwikala pamo nekupandana vyakucita . Evyo baikete Yesi, bamupita bamutwala nakuli Pilato. ² Pilato aizile kwipusha , '' niwe mfumu yaba yuda?'' evyo Yesu aizile kwasuka ati,'' ulisosele.'' ³ Bansimapepo bakulu bayambile kumuvwika milandu zinji. ⁴ Pilato nakambi aizile kwipusha ,''taukoyasukapo vili vyinse?'' bona milandu bwinji bakumvika !'' Yesu tayasukilepo vli vyonse. ⁵ Pilato caizile kumupezya mano ⁶ Elo insiku yafikile ye pepasaka, pilato alekakulapo mufungwa umo ntu bantu bakofwaya . ⁷ Kwaliko mutnu umo wezina Baraba alimucifungo nebanakwe apangile mulandu wakwipaya bantu nekulwisha buteko. ⁸ Cintubwinji baizile kuli Pilato nekumweba kuti vintu aile mukucita ngakale. ⁹ Pilato aizile kubasuka nekulanda , '' mukofwaya mikakwile imfumu yaab yuda?'' ¹⁰ Pilato alizibile ati, Yesu bamufyengeleve. ¹¹ Nomba bansimapepo ba ambile kutunka cintubwinji kuti bebe Pilato akakule Baraba. ¹² Pilato nakambi abepusha , ''nomba kasi tukocita shani nayeyi mfumu yaba Yuda.?'' ¹³ Evyo bapundile ati, ''Mutanikeni!'' ¹⁴ Pilato alandile kuli bamene ,''cindo aluvyenye .''Nomba bantu bakoselepove kupanda ati,'' mutanikenive.'' ¹⁵ Nomba Pilato aile mukufwaya asansamushe cintu aizile kubakakwila Baraba. Abebele kupuma Yesu vikoti nekuya kumutanika. ¹⁶ Elo vita vyatwele Yesu mukati ka musumba , nevita vyonse vyalongene. ¹⁷ Bamuvwikile mukanjo waswete ne ng'ana ya minga . ¹⁸ Vyayambile kumuseka nekulanda,'' mulopa imfumu yaba Yuda.'' ¹⁹ vyayambile kumuseka nekulanda, ''mulopwe imfumu yaba yuba.'' ²⁰ Lintu vyalekele kumupuma nekumuseka , bamuvulile mukanjo nekumuvwika vyakuvwala vyakwe , elo bamupitile baya namukumutanika. ²¹ Munzila bakumunye muntu , wezina Simoni mwina Kurene(wisi waku Alekisanda na Rufusi) bamwebele kwa vwako Yesu kupinga musalaba. ²² Batwele Yesu vku ncende intu beta Gologota (ciopilibula incende ya cipailo). ²³ Bamupele mwangazi untu basankenye ne muti muri, nomba aizile kukana kunwako. ²⁴ Evyo bamutanikile . Balepawile vyakuvwala vyakwe nekwakana. ²⁵ Pansita yalenga nsa zitatu , evyo bamutanikile . ²⁶ Nemulandu walembelwepo untu bamwipailepo wakuti, ''ali ni mfume yaba Yuda.'' ²⁷ Bamutanikile nevipondo vibili , umbi bamukbikile ku ndilo umbi ku Zyele. ²⁸ Elo vyalembwa vyafikilizwe vyamusilo vyakuti ,'' bamupendele pamo nevipondo.'' ²⁹ Kasi bantu baile mukupitako baile mukumutuka nsele bakopukunya nemitwe bakoti ,''eya ! twee waile mukulanda ati, nkoza konaula tempele nekulikula mu nsiku zitatu?'' ³⁰ Ipusushe wemeina wikile nepamusalaba!'' ³¹ Basimapepo bakulu bali mukuseka , kubi kapove nabakalemba bamalango neklanda , ''aile mukupusukusha bantu , nomba wamene nindo teti aipusuzizye . ³² Mulekeni Kristu , imfumu yabena Isileali , ikali oansi kufuma pamusalaba pakuti tubone nekusinikizya .'' nemuntu bamutanikile nakwe aile mukupontela . ³³ Lolya kazuba kafika pakati kamutwe , calo conse ali muvinzi panka nsita yacungulo . ³⁴ Munsita yacungulo aponele munkoonde neziwi likulu, ''Eloi , Eloi, lama sabakatani ecikopilibula , ''Leza wanji ,Leza wanji nindo mwande kelezezya?'' ³⁵ Bamo bantu baizile kumvwako kuntu asosele yaya maziwi bayamba nekulanda ati, umvweni akoita Elija.'' ³⁶ Elo umo abutuka aya kutumpika mwepu mu mwangazi walula , atunga nakwi tete ,amutambika ati anwe . Akolanda ati, ''lekeni tubone Elija nga akoiza mukumwisha. ³⁷ Elo Yesu alilile mwiziwi likulu , nekufwa evyo afwile. ³⁸ Yayi nensalu baile mukucingilizya mwi tempele, calepukile pakati kufuma pamulu kufika pansi. ³⁹ Elo mukulu wavita aimile mupeni na Yesu, abweneko kantu akofwa , aizile kulandu ,'' Mucisinka ve oyu muntu ali mwana wakwa Leza. ⁴⁰ Kwaliko nebanakazi bamo baimilile katalamukila pali maliya mandalena , umi ni maliya nyina waku yakobo mwaive waku Yonse. ⁴¹ Baba banakazi balekonka Yesu luntu ali ku Galile kwali banakazi benji bamukonkele mpaka kufika ku Yerusalemu. ⁴² Lintu cali cungulo , pantu bwali busiku bwakupekanya ecikoti busiku bwaile mukutangilila cibelusi. ⁴³ Musita yacungulo kwaizile Yose waku Alimateya, ali nisikilye wacindikwa , nao alembela bufumu bwakwa Leza . Aile kulomba citumbi caku Yesu kuli pilato . ⁴⁴ Pilato aizile kumva bwino panuma yakumva ati Yesu alifwile . Aizile kwita mukulu wavita nekumwipusha ngacisinka yesu alifwile. ⁴⁵ Elo mukul wavita azumilizye ati, visinka Yesu alifwile , azumilizye kupela citumbi caku yesu kuli yose. ⁴⁶ Yose nao asitile nsalu yabuto , emuntu avungile citumbi caku Yesu , ekuya kumulalila mucilindi cintu bafukwile mu cilibwe . Eo akunkulizyapo libwe pamwizi waciliknndi. ⁴⁷ Maliya mandalena na maliya nyina waku Yose balibweneko kuntu baile mukuzika yesu.