¹ Cali nomba ni nsiku zibili kufika pesaka napa cilyo ca mukate .Bansi mapepo bakulu elo ne ncensi zyabo balimukupanga nzila ivyo benga ikata yesu nekumwipaya. ² Balimukulanda ati, ''Pabusiku bwape saka yayi, pakweba ati, cifulunganya tacizle kwima pakati ka bantu.'' ³ Cibe , Yesu ali mu Beteni kunanda kuli simoni wavibazi , lintu bali kupekanya pa tebo , mwaizile kwinbila mwanakazi wakwete cibotolo camafuta yadula elo yanukila yayo, yalimukwitwa Nard . Aizile kutoba cibotolo nekupango lwela mafuta pamutwe pali yesu. ⁴ Lelo kwaizile kuba bamo bakalipile . Balikulanda bene na bene ati, ''cindo bako onawila mafuba? ⁵ Pantu yaya mafuta ngeyangusitiziwa pamutengo ndalama kuncuzi,'' Kansi bailizyanya pali oyu mwanakazi . ⁶ Lelo yesu asosele ati , '' mulekeni . Nindo mukomucuzizya ? pantu oyou acita viweme kuli nebo. ⁷ Bacuzi mukoya mukuba nabo lyonse , nakambi ngamukofwaya kuti mwacita viweme kuli bomene , lelo tamwaye mukaba nanebo lyonse. ⁸ Oyu mwanakazi acita vintu alingile kucita. Asuba mubili wansi mafuta kukumpekanya kunzika. ⁹ Nkomweba cisinkak, konse kuntu bakoya mukusimika cebo cakwa leza pano cabibakoya mukulanda napavya cita ayu mwanakazi pakumwibusha.'' ¹⁰ Lelo Yuda Sikalioti , wali umo pabasambi ikumi nababili aile kuli ba nsimapepo bakulu pakuti bomuvwane abapele Yesu. ¹¹ Lintu bansi mapepo bakulu baumvwile, balitemelwe baizile kumulaya kumupela ndalama . Aizile kwamba kufwya nzila zintu ega pelelamo Yesu kuli bansimapepo . ¹² Pabusiku bwakwamba ubwakulya mukate wambula kutukumuka , elyo bapeele mwana wampanga nga lilambo , elo abasambi bakwe balandile kuli wamene ati, '' mukafwaya tokuya kani muku pekanya , pakuti muye mulye cilyo capasaka?'' ¹³ Atumile basambi bakwe babili na kubeba ati, ''Kabiyeni mumusumba , mukoya kukumanya mwanalume apile nongo yamenzi . mumu konke. ¹⁴ Kuntu akoya mukunzila munanda, mumukonke mukati na kuya kulanda kumwine wananda ati, ''Bakafusha bangulanda ati, ''Cilikwani cipindi cabalwendo kuntu nkoiza kulila pasaka naba sambi banzi?'' ¹⁵ Akoya kumulanga cipinda camulu cikulu cili capekaniziwa . mutupekanizye momulyave.'' ¹⁶ Basambi balimile ne kuya mumusumba , nekuya kusanga vyonse ngevyo bangu beba, ne kupekanya cakuclilila capasaka. ¹⁷ Lintu cali cungula, aizile neba smbi ikumi nababili. ¹⁸ Bakoti baikalave pa tebo nakutampa kulya yesu alamda alanda ati, '' Nkomweba cisinka , umo ukolya nanenbo palimwebo aline kunzalikila.'' ¹⁹ Bonse baikatwa nebulanda ,batampa kumufumba umo umo,''bushe nine?'' ²⁰ Yesu ayasuka , ne kulanda kuli bamene , '' ni umo palimwebo mwebali ikumi nababili, untu nkotobela nakwe mumbale. ²¹ Pamwana wamuntu vili nekucitka nge vyalembelwe pali wamene . Cabulanda kuwa alukila umwana wamuntu : ngacali muwamile nga akana kuvyaluka.'' ²² Lintu bali mukulya, Yesu abulile mukate , aupala , ne kukombola . nekupela kuli bamene , na bonse balinwele . ²³ Abula lukombo , neku tasha , ne kupela kuli bamene ,na bonse balimwele. ²⁴ Alandile kuli bamene ,'' Oyu mulopa wanzi wacipangano , mulopa waituluka pabenzi . ²⁵ Nkomweba cisinka , nshakanwepo , nakambi vyaufuma, kuvisabo vyamyangazi mpaka mbulya bushiku elo nkoiza kunwa kumwangazi upyu mubufumu bakwa Leza. ²⁶ Lintu bapwizizye kwimba inyimbo , baile ku lupili lwa mio olife. ²⁷ Yesu alandile kuli bamene ati, ''Bonse mwebo mukobutuka , ngevyo calembwa , ' Nkoiza kasnsa kacema ne mpanga zikoiza kusalangana.'' ²⁸ Lintu nkoiza kubuka nkoiza kumutanzilila mu Galileya.'' ²⁹ Petelo alandile kuli wamene ati, ''nangu bonse babutuke , nebo , nshabutuke.'' ³⁰ Yesu aeba amwaba ati, ''no=kokweba, cisinka , lelo -ee , bobuno busiku - pasita mukolwe talalila miku libili ukonkona mku litatu.'' ³¹ Petelo akonkanyapo mukusipa ,'' Nkofwa na mwebo , nshamukanepo yayi .'' Bonse balaile vimovine. ³² Baile kuncende yalimukwitwa Gesemani , nakambi yesu aeba abasambi ati, '' ikaleni papano lintu nkopepa.'' ³³ Apitile Petelo , yakobo na Yoani ne kutampa kulanguluka nekucuziwa pakulu . ³⁴ Alandile kuli bamene , '' mupasi wanzi waikatwa nebulanda , Nicigave imfwe . Shaleni papano mokubona.'' ³⁵ Aendako panini pantanzi , Yesu apona pansi ne kutampa kupapa ati, ngacinga ba cayanguka lekeni yeyi nsita ipite . ³⁶ Alanda ati, '' Abba , taata, vintu vyonse vyaba vyayanguka kuli mwebo. Fumwenipo lolu lukombo pali nebo , lelo takuli kufwaya kwakumwanzi, kufwaya kwenu.'' ³⁷ Abwela asanga balileele, ne kulanda kuli Petelo , '' Simoni , mulileele? mwavilwa nekupembela pansita imo? ³⁸ Mokubona ne kupepa pakuti mwiponela mumezyo . Mupasi ukofwaya , lelo mubili uli wanaka .'' ³⁹ Nakambi aya mukupepa , vimovine. ⁴⁰ Lintu aizile nakambi , asangile balileele, menso yakumwabo yali yafina netulo tabakwete nevya kumwasuka . ⁴¹ Aiza muku walenga butatu ne kulanda kuli bamene ati, '' mucili mulileele nakambi mukotwizya? capwa! Nsita yafika. Lolesheni ! mwana wamuntu akopozwa muminwe yababembu. ⁴² Imeni; Endeni tokuya . loleni , unkene ali mupepi.'' ⁴³ Lintu acili akolanda , yuda , uma pasambi bakwe, afika , necintu bwinzi , cabantu bali ne vingwanza , na nkoli kufuma kuli banshi mapepo bakulu nebakafundisha ba mafunde. ⁴⁴ Nomba oyu oyu wamukene alibabwizizye cizibilo , abebele ati, '' untu nkoya kufyonta mwanalume ninsi eo. Mumwikate nekumupita paba sambi.'' ⁴⁵ Lintu Zuba afikile papalyaleve aya napali yesu nekulanda ati, '' Rabbi ,'' ne kumufyonta. ⁴⁶ Baimya nemaboko pali yesu ne kumwikata. ⁴⁷ Elo umo pali bamene waliko mupepi abulile cingwanza nekuputulakutwi kwamu silika wakuba nsimapepo bakulu. ⁴⁸ Yesu alandile kuli bamene ati, ''Mwizile kwati ndi pondo , nevingwanza , ne nkolimuku nzikata? ⁴⁹ Lonse lolu lintu nali namwebo nali mukusambilizya munanda yakwa Leza , tamwanzikete . Vevi vyacitikile pakuti

vyalembelwe mumalembo yamusilo vifikiliziwe.''

⁵⁰ Nabonse bali na Yesu bali musile nekubutuka. ⁵¹ Mulumendo , wevwele nsalu yamilaini, alikukonka yesu. ⁵² Elo bamwikete, alisile nsalu yamilani nekubutuka cambula cakuvwala. ⁵³ Batwele yesu kuli bansimapepo bakulu. Uko intungulushi shamapepo , bakalemba ba malango bakumanile. ⁵⁴ Lelo Petelo alimukonia panuma katalamukila kunanda yakwa nsimapepo mukulu . Aikele paba silika, atampa nekoya mulilo. ⁵⁵ Elo bansimapepo bakulu nabansicilye batampile kufwailizya milandu yesu acitile pakuti bamupingule kuya mukufwa. Lelo tabasangile mulandu nangu umo. ⁵⁶ Benzi bali mukuleta milandu yabufi pali wamene , lelo bakumboni bwabo tabwazumiliziwe. ⁵⁷ Nabanakwe baima mukulanda bukomboni bwabufi pali wamene : balandile ati, '' ⁵⁸ Twalimumvile akolnda ati , 'Nkoiza kanaula itempele yaimakwa neminwe , na muma siku yatatu nkoiza kwimaka limbi litakemakwe ne minwe. ⁵⁹ Nabo bukamboni bwabo tabwazumili ziwe. ⁶⁰ Nsimapepo mukulu aizile kwimilila pakati kabo nekufumba yesu ati, ''Taukwete casuko? pavyo mba bantu bakokusinila?'' ⁶¹ Lelo alive zii ta asukilepo nangu cimo.Nakambi nsimapepo mukulu amufumba ebele, ''Bushe niwe Kristu , umwana wawasenamilwa ?'' ⁶² Yesu alanda ati, ''nine ; nakambi mukabona mwana wamuntu ekele kukulyo kwamwine wamako yonse na uko akoiza mukwiza mumakumbi ya mumulu. ⁶³ Nsimapepo mukulu alepula nsalu zyakwe nekulanda ati, '' Bushe tucili tukofwaya bakamboni? ⁶⁴ Mwayumvwila mwebene vintu asalula Leza . Nenga mwebo mukotipo shani? '' Bonse batampa kulanda ati alingile kufwa. ⁶⁵ Bamo batampa kumupazila mate bamuvimba elo bakomeba ati, ''sesema basilika bamutola batampa neku mupuma. ⁶⁶ Lintu Petelo aali momulya mulubanza lwakwa nsimapepo , mwanakazi umo pababonvi bakwa nsimapepo mukulu aiza pali wamene. ⁶⁷ Abwene Petelo akoota mulilo ,amulolesha mupupepi nekulanda ati, ''Nobe walipamo na yesu, waku nazaleti .'' ⁶⁸ Alikene, aebele ati, '' nsizibile vintu ukolandapo nsikoumvwa .'' E;lo afumila panze pamwizi walipango . Na mukolwe alila. ⁶⁹ Lelo mubonvi mwanakazi amubona nakambi atampa kubwizya baimililepo ati , oyu mwanalume umo pali bamene ⁷⁰ !''Nakambi Petelo akana papileve kasinta kanini babalya kulanda kuli Petelo ati, '' cisinkave ukokana tauli umo pali bamene , panti none uli mwina Galileya.'' ⁷¹ Lelo wamene atampile kuilapizya ne kulapa ati, ''oyo muntu mukolandapo nebe nsimrizibile nevintu mukolandapo nebo nsivizibile.''' ⁷² Mpapove nemuolwe alila muku walenga lbili , elyo Petelo aibusizye maziwi amwebele ati ,'' tikoza kukana miku litatu ,apo mukolwe talalila wabubili ,'' aponele pansi nekutampa kulila.