¹ Boneni kwebati mwiya mukubomba ncito ziweme pa menso ya bantu pakwebati bamubone. Nga malacita vevyo ninsi tamwakabone cilambu kuli nsinwe wa ku mulu. ² "Kasi nga waavulisha mulandu, wilaalazya ku bantu nga evilya vicita ba bumbi munda mu ma Sinagogi na mu musebo, pakwebati bantu bakuba lumbanya. Namwe pabutatutu baba bantu balipoka cilambu cabo conse." ³ Nomba elo waavulisha mulanda, wilika kuboko kobe kwa kunzyele kwizibe vicitikile kuboko kwa kundilo. ⁴ Vyabupe vyobe vili nokubo vyamubumfisolo. Elo wiso nao abona vya mubumfisolo akoza kukulambwilapo. ⁵ Elo mukopepa mwilapazyana ba bumbi munda pantu bena batemwa kwimilila pakupepa muma Sinagogi namu mampatu ya nxila mu mizii pakwebati bantu baba bone-mba bena nkomweba cine cine nati, bena balipoka cilambu cabo conse. ⁶ Nomba webo elo ukopepa, injila mucinda cobe, wizaleko ne cisasa, upepe kuli wise uubone mwavisama, elo wiso ubona mwavisama akoza kukupela cilambu. ⁷ Pakupepa mwiya mukubwelezyapo bwelezyapo nge vicita bantu bashaiziba Leza. Bena Baizita ati mukuvuzya maziwi elo bena bengomvwika. ⁸ Mwiya mukkubapa zyana, apntu nsinwe aliziba kale evyo mufwaya nelo mutala mulomba. ⁹ Kansi mwebo mwakupepa ati; "We nsifwe wamu mulu, izina lyobe licindikwe, ¹⁰ Bufumu bobe bwize, bufwayo bobe bucitike, pamo calo nga mu mulu. ¹¹ Utupele lelo cakulya cesu. ¹² Utubeleleko luse ku vintu tukubifya. ¹³ Wileka tuwile mumatunko, lelo utupusushe ku mubi." ¹⁴ "Pantu ngamwabelela bantu bambi luse kuvyo dbakomubifya, ninsi namwe nsinwe wa mu mulu akoza kumubelela luse. ¹⁵ Nomba ngatamubelele bantu bambi luse pavyo bamubifya dnimwe nao dtakamubelele luse pavyo mubifya." ¹⁶ "Nakambi elo mukofunga cakulya, mwiya mukwikala mulanda - bulanda nga evilya vicita babumbi -munda. Pantu xbena bala - bwezya cinso pakweti bantu bezibe ati bakofunga kulya. Namweba cine cine nati, baba bena bali pokele cilambu cabo conse. ¹⁷ Nomba webo elo wafungu kulya usambe pa menso, usube nama futa ku mutwe. ¹⁸ Epakuti bantu bambi beiziba kuti ukofunga kulya, lelo cizibikkweve kuli wiso ubona vicitaka mu bumfisolo, akoza kukupela cilambu. ¹⁹ "Mwibika vyuma pa calo epo vyonaika ku nguwe naku vizimu, apa bakabwalala batoba ne kkwiba. ²⁰ Lelo sungileni vyuma vyenu ku mulu, uko vitonaika ku nguwe nangu ku vizimu, neba kabwalala teti batobe ne kwiba. ²¹ Pantu kuli cuma cobe mutima obe wine." ²² Iliso lyobe eci saniko ca mubili obe, menso yobe nga yatuntulu ninsi mubili obe uli mu lubuto. ²³ Lelo menso yobe ngayabi, mubili obe onse ninsi uli mu mudima. ²⁴ "Tapali muntu unga bombela mfumu zibili, pantu kuti apatapo umo ne kutemwapo umbi, nangu kuti akambatil akuli umo, ne kusula umbi. Teti mube bazya bakwa Leza ne Bazya ba ndalama." ²⁵ "E|co nkomweba, mwiya mukusalkamala palwa bumi bwenu kuti bushe tukolya ndo nangu tokonwa ndo? Nangu palwa mibili yenu kwebati tukovwala ndo? Bushe bumi tabwacila pa vyakulya? Bushe mubili tawicila vyakuvwala? ²⁶ Lolesheni vyuni ivya mu mulu- vyena tavitanda, tavisepe nangu tavitutila mu matala awe. Lelo nsinwe wa mu mulu alavilasha. Bushe mwebo tamwacila nyuni kundama? ²⁷ Bushe ninani pali mwebo dnangu enga sakamala shabni teti ailundileko nsiku zya bumi bwakwe. ²⁸ Cindo musakamalila pa vyakuvwala? Boneni muluba ya mu conde evyo dyakula. Tayambo nangu kubila vyakuvwala. ²⁹ Lelo nebo dnkomwela, na Solomoni nao ali mu kankala maningi, nomba tavwelepo nsalu zya yemba nga aya maluba. ³⁰ Epo Leza avwika vevi maluba ya muconde aya kuti yalipo lelo nga bwaca lelo bayapoza mu mulilo, bushe mwebo dnimwe teti asakamale kuvwika, mwe bacisumino cinini. ³¹ Kansi mwilasakamala amuti, " Bushe tikolya ndo? Bushe tokolya ndo nangu tukovwala ndo?" ³² Vevi vintu vyonse evisakamika bena vyalo, na nsinwe wamu mulu aliziba ati vevi vintu vyonse mulavifwaya. ³³ Fwayeni bufumu bwakwa Leza neku cita evyo afwaya, elo na vyonse vyashala vikalundwapo. ³⁴ Eco mwiya mukusakamala pa bushiku bwa mailo, bwa mailo nabo bukaisaka malila bwine bweka. Cina busikus bwalikwata masakamika yabuko bwine.