¹ Muli zezilya nsiku Yowane kabatisya aizile akoisimikila muvyonde vya Judea alikulanda ati, '' ² Lapileni , pantu mpela yamumulu ilipaleme.'' ³ Ngevyalandile kasesema Ezaya , alikulanda ati ,'' Ziwi limo likoita muconde, ipekanyeni ku mfumu , olololeni zila.'' ⁴ Nomba yonoove alikuvyala nsalu zyakupikula ne masaka ya ngamiila . Ali kukaka musipi wa mbelele mu musana kambi vilyo alikuya ni vipaso ne buci bwa mu conde. ⁵ Elo bantu kufuma mu Yerusalemu na mu Yudeya monse na mu calove conse ica Yordani ba amba kwiza uko ali. ⁶ Aizile kubabatisha mumu munana wa Yodani , nekutula membu zyabo. ⁷ Elo Yowane abwene bafalisi ne ba saduki benji bakoiza kukubatisiwa alikubela ati mwebana banzoka imwe! Nanga ninani amusokele bukali bwakwa leza? ⁸ Kansi citeni vintu kulanga ati mulilapile. ⁹ Mwitampa kutontonkanya ati, tuli bkwa nsifwe Abrahamu . Nebo nkomweba noti Leza kuti ayalula aya mabwe kuba bana bakwa Abrahamu. ¹⁰ Leza alimizye zembe lyakuputwilako mizyu ya viti. kansi viti vyonse vitatwala vitwalo visuma , akoza kutema, akozakupoza mumulilo . ¹¹ Nebo nkomubaitsha ku menzi pakulanga kuti mulilapile ne kupilibuka . Nomba uukozakunkonka panuma , wena akamibatisha kumapsi wamusilo na ku mulilo. Alicindama kucila nebo, nsilingile kupita nangu ni dyato . ¹² Ali ne lupe lwakwelelako muminwe yakwe . Akoza kufumya nangu palubaza . Akoza kubika malya nkatu mu butala bwakwe. Akoza koca mungu mumulilo utazima. ¹³ Elo yesu afumile ku Galileya aiza kumumana wa Yodani , kuli yawane kukubatisiwa. ¹⁴ Lelo Yowane amakanya ati, '' Ninebo m fwile kubatisiwa kuli webo nomba webo waiza kuli nebo? ¹⁵ Yesu amwasuka ati, '' Leka pali nomba ucite evive , pantu evyo cilingile pakufikilizya vyonse ivyo Leza alikufwaya .'' Elo yowane azumila. ¹⁶ Panuma yakubatisha , Yesu afuma mumenzi nemulu waizuka elo abona mupasi wakwa Leza ukoikila kwati ni nkunda , aiza kwikala na pali Yesu. ¹⁷ Neziwi lyafumile mu mulu ati, '' woyu emwana wanji , untu natemwa uo nsekelamo.''