¹ Lintu cibelusi capitile ,bushiku bwakuta mpilako mumulungu lucelo celo, maliya Magadalane na Maliya umbi baile mukupempula kumanda. ² Boneni , kwangujab cinkukuma Leza sukulu wamumulu , wangwiza ne kunkuluzyapo libwe , ne kwikalapo . ³ Mibone kele yakumwakwe yanguba nge tu byabya ,ne vyakuvwala vyakumwakwe vyanguba vyabuta ngebunga bwamvula. ⁴ Malonda angu sunkaniziwa ne mwezo nekufwapo mutombo. ⁵ Malaika alandile nabanakazi ati , '' mwitina , ndizibile ati mukofwaya Yesu , untu batanikile. ⁶ Talimo momuno , ali bukile , ngevyo alimukulanda . Izeni mubone pantu sukulu bamulalikile . ⁷ Endesheni kabiyeni muye mwebe basambi bawe ati, '' Alibukule kufuma kubafwa , boneni , alimitanzilile kuya ku Galileyo . Kakulyaleve mukoya kumubona . '' boneni namweba.'' ⁸ Bonakazi baendesya bafuma mu manda baumvala bwino koma bali ne mwezo , ne kubutukila mukuba basambi . ⁹ Yesu abakumanya , muli syani !'' '' Banakazi baiza , baikata makasa yakwe nekutampa kumupepa. ¹⁰ Elo Yesu alanda kuli bamene ati, '' Mwitina kabiyeni mwebe ba ndume bakuya mu Galileya . Emo bakiza kuba bwena.'' ¹¹ Nomba lintu banakazi bali mukuya . ba malonda bamo baile mumusumba nekweba ba nsimapepo bacindami vyonse vyacitikile. ¹² Lintu baka simikila bakumene nabacikulile nekupitulika mumulandu nabo, bapele ndalama zinzi kuli bamalonda. ¹³ Nekubeba ati, '' mulande kuli bambi ati, ' Basambi bangwiza busiku nisi tulile nekwiba mubili wakwa Yesu. ¹⁴ Ngaciku mulasi aumvwa , mwebo mwisakamala nangucimo fwebo tukoiza kulanda nakwe.'' ¹⁵ Bamalanda balipile ndala nekwamba kulanda ngevyo babebele kucita. ¹⁶ Lelo basambi ikumi na umo baiel mu Galileya , mukupembela yesu kufika. ¹⁷ Lintu bamubwene, batampile ukumupepa , nekukaika. ¹⁸ Yesu aiza kuli bamene ne kulanda nekulanda ati, '' Amaka yonse yalipelwe kuli nebo mumulu na papano pesonde. ¹⁹ Kabiyeni mokupilibwa bantu batundu yonse pakuti babe basambi banzi. Mokuba batisya mwizina lyaku Tata nelya mwana nelya mupasi wamusilo . ²⁰ Basambilizyeni ivyakukonka , vintu vyonse ngevyo namwemwebele, boneni , nkoya mukuba namweba lyonse, mpanka nakumpelo ya nsita.''