¹ Elo Yesu apwizizye kusosa aya maziwi, alandile kubasambi bakwe ati, '' ² Bushe muli cibile ati ngapapita insiku zibili kukoza kuba icakucilila , elo mwana wa muntu akoza kupelwa kuku tankwa.'' ³ Elo bansi mapepo bakulu ne bakulu bama tempele balongene pamo kunanda wakwa nsimapepo mkulu uo baile mukwita ati kayafa. ⁴ Bapangene ati bekate yesu elo ne kumwipaya . ⁵ Baile mukulanda ati, '' tacifwaikile kumwikata nsita yakusefya , pantu kuti kwaba lubulu sana ne bantu. ⁶ Nomba elo Yesu ninsi ali ku Bethany mu nanda yaku simoni wa vyona . ⁷ Elo Yesu acilipe tebulo , kwali mwanakazi waizile asendele ne mafuta yamutengo ukulu sana, elo atampile kwitila mafuta pa mutwe wakwa Yesu. ⁸ Nomba ulo basambi babwene ivyo ailemu kucita , balifulilwe ne kulanda ati, '' mulandu ndo ako onawila mafuta? ⁹ Aya mafuta kuti twasitisha pamutengo ukulu elo nekupela ndalama kuba cuzi.'' ¹⁰ Nomba Yesu ,alizibile vive, baile mukutontokanya elo abebele ati, '' cindo mukoshupila woyu mwanakazi? pantu abomba cintu ciweme sana kuli nebo . ¹¹ Babo bucuzi mwikala nabo cina busiku , nomba nebo nsyakabe namwebo nsita yonse. ¹² Pantu elo angawitila mafuta pa mubili wanji, angucita evi mukupekanya kuzikwa kwanji. ¹³ Nkomweba cisinka nati , lolo lonse ziwi lya kwa Leza lyasimikilwa mu calo conse, ico woyu mwanakaz acitile bakoza muku mwibusizyako.'' ¹⁴ Elo umo pali babalya ikumi ne babilli wainikilwe Yuda Esikaliyoti , aile kuli bansi mapepo bakulu . ¹⁵ Ne kulanda ati, '' vindo mukoza kupela ngaca kuti namuleta kuli mwebo?'' elo bamupele ndalama zyali makumi atatu zya siyuva. ¹⁶ Kufumave yelya nsita , atampile kufwaya nzila yakuti atwalilemo yesu kuli bamene. ¹⁷ Nomba pa busiku bwa ntanzi bwa mukate utatutumuka basambi baizile kuli Yesu ne kusosa ati, '' Nikwani mukofwaya tuka mupekanizye kwakulika cakucilila ?'' ¹⁸ Abebele ati, '' kabiyeni mumusumba ku muntu umo ne kumeba ati, kafundisha alanda ati, '' nsita yanji yapalama nkoza kusungilo icakucili pa nanda yobe ne basambi banji.'' ¹⁹ Elo basambi bacitile ngevyo yesu abebele , elo bapekenye icakucilila. ²⁰ Lintu cunguo cafikile , aikele pansi ku kulya ne basambi bakwe. ²¹ Elo bacili bakolya , alandile ati, '' nkomweba cisinka nati umo pali bwebo akoti angalukile .'' ²² Elo baiketwe ne bulanda cina umo umo bata mpa kumufumba, '' sikulu, bushe ninebo?'' ²³ Elo Yesu ayasukile ati, ''uonkonti ntobele nakwe capamo mu mbale ninsi eo akoti analukile. ²⁴ Mwana wamuntu akoza kuya, kulingana ngavyo calembelwe pali wamene . Nomba ishamo kuli muntu wolya akoza kumwalukila ! caliweme wolyamuntu ngatavya lukile.'' ²⁵ Yuda ,wamwalukile nao alipusizye ati, '' Kanfindishe bushe ninebo?'' elo amwebele ati, wailandila wemwine weka.'' ²⁶ Elo bacili bakolya , Yesu abulile mukate, ali upalile , elo autobaula , Apeleku basambi bakwe ati, '' pokeni , mulye woyu mubili wanji. ²⁷ Abulile inkombo ne kutotela , elo ne kuba pela ati, '' inwenimo bonse. ²⁸ Pantu ceci mulopa wanji wacipangano uko itulukila pa benji kuti belelwe ku masambi yabo. ²⁹ Nomba nkomweba ati, nshakatale nebo kunwapo nakambi visabo vyamyangazi mpaka lintu nkoza kunwa namwebo mwangazi wantazi mu bufumu bwa kwa tata.'' ³⁰ Luntu baimbile lwimbo lwa kulumbanya , baile ku lupili lwa miolive. ³¹ Elo Yesu abebele ati , '' bobuno busiku bonse mukoti mu mbutuke , kulingana nevyo calembwa ati. ' koza kukoma kacema pakuti impanga zyonse zikasalangane.' ³² Nomba ulonkuza kuzyukuka kubafwa n koza kumutanjilika ku galile.'' ³³ Elo Petulo ayasukile ati, '' Nangu bonse benga kubutuka, nebo teti nkubutuke awe. ³⁴ Elo Yesu amwasukile ati,'' nkokweba cisinka ati, lelove bobuna busiku mukole talile ninsi ulinkene miku itatu ati tawanjizi ba.'' ³⁵ Elo petulo ayasukile ati, '' nanguve cingaba ati kufwa nobe , nebo teti nkukane awe .'' Basambi bambi bonse batampile kulanda vimo vine. ³⁶ Elo baile na Yesu kunchende kuntu baleita Gethsmani elo yesu aebele basambi bakwe ati, '' ikaleni papano neba nkoya pantanzi mukupepa.'' ³⁷ Elo apitilepo petulo ne bana baku Zebede babili elo yesu atampile kuba ne bulanda elo ne kulanguluka . ³⁸ Elo Yesu asosele kuli bamene ati, mutima wanji waikatwa ne bulanda sana, nicikangave nefwa . Shaleni papano elo mokulola pamo na nebo.'' ³⁹ Aile katalamukila panini , ne kufukama, elo atampile kupepa alandile ati , '' tata ngacili calinga , lekeni yeyi inkombo ipite pali nebo. Mwicita ivyo nebo nkofwaya yayi , kano ivyo mwebo mukofwaya evyo vicitike.'' ⁴⁰ Aizile ku basambi bakwe asanga baliele, elo aebele petulo ati, '' bushe teti mulole nanebo nanguve ni nsita imo? ⁴¹ Loleni elo nekambi pepeni pakuti mwiingila mukutunkwa . mupasi ukokabila , nomba mubili uli wanaka sana.'' ⁴² Nakambi aile katalamukila muku wa bubili ne kupepa apepele ati, '' mwe tata, ngacakuti yeyi inkombo teti ipite mpaka ve njinwe , lekeni kufwaya kwenu kucitile.'' ⁴³ Aizile nakambi ne kusanga balilele, pantu menso yabo ali afina kutulo. ⁴⁴ Alibasile nakambi aile katalamukila muku walenga butatu , elo apepele maziwi yamo yene. ⁴⁵ Elo aizile kubasambi bake ne kubeba ati, '' bushe nanoma mucili mulilele ne kutwizya? Lolesheni , nsita yafika elo mwana wa muntu bokomupela muminwe yababembu. ⁴⁶ Bukeni , endeni tekuya . lolesheni, ako mpoza nebo apalama.'' ⁴⁷ Elo yesu acili akolanda evi, Yuda umo pa basambi bakwe, aizile mupepi. Aizile ne chintubwinji ca bantu bafumile kuli bansi mapepo bakulu elo neku bakulu ba mumizi . Baizile ne vingwana elo ne vikoti. ⁴⁸ Nomba muntu wali ne kusitisha yenu alibapele ca kubwenako, ati, '' untu nkonya kufyonta ninsi eo, mumwikate.'' ⁴⁹ Bwangu bwangu aizile kuli Yesu ne kulandaa ati, '' muli shani kasambilizya .'' elo amufyontele. ⁵⁰ Elo Yesu amwabele ati, mune, ciita ico wizilika kucita , '' elo nomba baizile ,ne kumwikala . ⁵¹ Boneni , umo pali babelya bali ne Yesu atambaliile kuboko kwakwe, asolola ne cingwanja , elo aputula kutwi wa mubonvi waku nsimapepo mukulu. ⁵² Elo Yesu amwebele ati, '' bwelezya chingwanj umo wangucifumya , pantu ali onse angala ne cingwanja akoza kufwila ku cingwanja . ⁵³ Bushe mukotontokanya ati teti njite tata wa mumulu , nao teti antumile ba malaika kucila na po bwinji bwe kumi ne babili? ⁵⁴ Nomba bushe kuti vyalembwa vyafikilisiwa shani, cakuti vevi kuti vyacitika?'' ⁵⁵ Pali yelya nsita Yesu alandile ku cintu bwinji ati, ''bushe mwizile ne vingwanja ne nkoli kwati mwizile ku cipondo? conse lolu naile mukusangwa mwi tempele ne kusambilizya, lelo tamwanji ketepo . ⁵⁶ Nomba vevi vyacitikla pakuti malembo yaku ba kasesema afikiliziwe.'' elo basambi bakwe bonse bamusile eka. ⁵⁷ Elo babalya baikete yesu bamutwele kuli kayafa nsimapepo mukulu , uko ba kasambili eya wa mafunde elo ne vilolo balongene pamo. ⁵⁸ Lelo petulo alekonkamo panuma kata lamukila mpaka na mulubanza lwakwa nsimapepo mukulu . Alingile nao mukati nekuya kwikala pakuti abone ivyo bakoti bacite Yesu . ⁵⁹ Nomba bansi mapepo bakulu elo ne cilye conse batampile kufwaya nzila yakuti bafwaye vyakubepe zya Yesu pakuti bamwipaye . ⁶⁰ Lelo tabaisangile nzia nangu imo, nangu kwali benji baizile nevyabufi kweba ati bamubepezya kwasangilwe babili . ⁶¹ Baizile ne kulanda ati, '' oyu muntu alandile ati, ' nebo kuti naonaula itempele lya kwa leza elo ne kulima ka cipya cipya munsiku Zitatu.'' ⁶² Ba nsimapepo bakulu baimililene ku mwipusha ati, '' bushe taukwete bwa suko? vindo vevi vyonse bakokusinika?'' ⁶³ Lelo Yesu ena alive celele , nsimapepo mukulu elo amwebele ati, '' nkokweba nebo mwizina lyakwa Leza mukulu twebe cisinka nganiwe Kristu, mwana wakwa Leza.'' ⁶⁴ Yesu amwasukile ati, '' ulisosele wemwine ati ninebo mwana Leza . Nomba nkombweba ati, kufumave lelo mukoya mukubona mwana wa muntu alikele kukuboko kwaku ndilo kwa maka onse elo ne kwiza pa makumbi ya mu mulu.'' ⁶⁵ Elo nsimapepo mukulu aimile ne kuvula cisalu cakwe ne kulepaula elo alandile ati , '' akolanda vyamiponto ! cindo nekambi twingafwala ba kamboni ? boneni nomba mwebene mwagunvwila. ⁶⁶ Vindo mukotonkapo?'' elo ba asukile ati, '' Alilingile kufwa.'' ⁶⁷ Elo nomba bamufwizile mate ne kumupuma sana makofi , elo bamo balemutobaula mapi. ⁶⁸ Ne kulanda ati, '' lotela, pantu webo niwe Kristu bushe ninani wakupuma?'' ⁶⁹ Nomba Petulo nao aliele mu lubanza mupepi , leo mubonvi mwanakazi amubwene aizile kuli wamene ne kumeba ati, '' Nawebo wali ne Yesu waku Galile.'' ⁷⁰ Lelo Petulo alikene pa menso yabo bonse ati, '' Nsizibile ivyo ukolandapo.'' ⁷¹ Elo lintu afumile panze, mubonvi munakwe manakazi alimubwene ne kulanda ku balipo ati, woyu muntu nao ali pamo ne Yesu waku Nazareti.'' ⁷² Nakambi Petulo alikene ne kulapa ati, '' Nshyamwiziba nebowoyu muntu!'' ⁷³ Papitileve nsita babalya baimilile mupepi nakwe bamwebele ati,'' mucineve nobe uli pamo nabo kulinganave nevyo uko landa. '' ⁷⁴ Elo Petulo atampile kulapa ati, '' nsyamwi ziba neba nangu panini , '' bwangu bwangu ve mukolwe alilile. ⁷⁵ Petulo aibusizye maziwi Yesu amwebele ati, '' lelove apo mukolwe talalila ukoti unkane miku itatu ati tawanjiziba.''' elo petulo afumile panze ne kulila sana.