¹ Lintu Yesu ali pakupwizya kufunda basambi bakwe ikumi limo nebabili , afumileko aya mukusambilizya mbila nsuma yabumfumu bwakw a bwamumulu mimisumba Zyabo. ² Nomba Yoani mucifungo aumvwile vicitwa vyaku Kristu , alayizya maziwi basambi bakwe mukamwipusha ati, '' ³ Busye niwe uli mukwiza , nagu kuli umbi tuli mukupembela?'' ⁴ Yesu aizile kubelo ati, '' bwelelenimo kuli Yoani, muye mumusimikile vintu mukoumvwa nevintu mukobona. ⁵ Mpofu Zikobona , vilema vikoyenda , ba vyona bakopola, bankoma bakoumvwa , bafwa bakobuka , ne mbila nsuma ekosimikilwa konse nakubalanda. ⁶ Alishuka muntu usitwisika pali nebo!'' ⁷ Lelya ba sambi bakwa Yoani babwelelemo , yesu alandile kucintu bwinji pali Yoani ati, '' vinto mwaile mukubona muciswebebe? - busye litete lisunkana kumwela? ⁸ Kosi vindo mwaile mukubona? - busye muntu wavwele nsalu iweme? Yayi , bantu bavwala nsalu ziweme bekala kwisano. ⁹ Nyacindo mwaile mukubona? busye ni kasesema ? nkomweba Yoani alicila pali bakasesema bonse. ¹⁰ Pantu ewo calembelwepo , bona , nkotuma intumi yobe yakukutangilila, mukukupokanizya nzila: ¹¹ Nkomweba mucine , tapaba mwana wamuntu wacilo Yoani kabatisha , kano kubaba mubufumu bwamumulu nangu engacepa syani alicila pali Yoani . ¹² Kufuma palinsita yaku Yoani kabatisha kufika pali nomba, bufumu basamumulu bwaba bwakulwila , nebabulwila ebabupoka. ¹³ Kufikave pali Yoani , mafunde yaku Moze nebakasesema bamene bonse baile mukusesema pabufumu bwakwa Leza. ¹⁴ Ngamukofwaya kuzumila, ali ni Elija wali pakwiza. ¹⁵ Uli nematwi yakumvwa , omvwe. ¹⁶ Busye yena nkulo kuti naipalanya kundo? yaba ngebana baice bekele pacinsankano bakoyitana, nekulanda, ¹⁷ tuti kuli zizwe mutolilo , wavilwa kuvina. twalila nomba kulila yayi.' ¹⁸ Pantu Yoani lintu aizile , taile mukulya nekunwa, balelanda ati, ''aba necibanda.'' ¹⁹ Elo kwaiza mwana wa muntu , wena akolya ne kunwa nenu , ena mukomweba ati, alitemwa kulya elo ni cakolwa , munabo wabakasonkesya neba masambi ! Nombas vicitwa vya mano yakwa Leza vilasinila kuti yacine. ²⁰ Lintu Yesu atampile kukalipita misumba imo , acitile vipenzya mano vinji , lelo baba bantu bakoku tabalapile nekupilibuka yayi. ²¹ Ayambile kulanda , '' ukoza kucibona kolainsini! ukoza kuli bona nawebo Betisaido ! pantu vipezya mano vyacitilwe mumwenu, nga vyacitikile mu Turi na mu Sidoni , yayi ngakale balapila nekupilibuka mukuvwala nsalu Zyabulanda nekuyisuba vyoto. ²² Nkamyoba nati, pali bobulya busiku bwabupingusi, bupingusi bwa pali Turi na Sidoni bukoza kubako bwino paliv mwebo. ²³ Nomba we kapenamu, utontonkanya ati, ukoza kusansabalikwa kumulu? Yayi , ukoza kupozwa mucilindi camfwa . Pantu vipezya mano vyacitilwe kuli mweba, ngavicitikila mu Sodoma, sodoma ngepo ali nanamba. ²⁴ Nkamyeba kuti , pali bobulya busiku bwabupinguzi , Leza akoza kukanda we kapenamu kucila Sodoma.'' ²⁵ Nakambi pali yeyove nsita Yesu asosela ati, ' Nakutotela tata we mfumu ya mulu ne calo pantu vevi vintu walivitisa kuba mano noku bacenjela , wamfisulula ku bantu bavye . ²⁶ Emukwai , tata pantu we mwine wacibwene ciweme kucinso cobe . ²⁷ Tata alimpela vyonse, tapaba nangu umo waiziba mwane kano wisi. Nakambi takwaba waiziba wisi, kano mwane, na bonse bantu mwane atemwa akoza kubasokolwela. ²⁸ Izeni kuli nebo mweba cucutika namweba titikizilwa , nane nkomipela kutuzya. ²⁹ Mukoyitwika lupanda lyanji , nekusambilila kul nebo, pantu ndiwa mulembo , nalisikimala ne mutima . Elo mukoza mukwikala nemitima zyafuka. ³⁰ Pantu lupanda lwanji talwa yavya , necisinka canji calyanguka.