¹ Yesu aitile basambi bakwe ikumi limo ne babili elo abapele maka pa mipasi yakowela ,pakuti bokuitamfya , elo ne kupozya malwele yapusana pusana. ² Nomba mazina ya basmabi ikumi ne babili ni aya . Wa ntanzi , ni simoni ( uo ainikile petulo ), ne Andileya muwakwe; Yakobo mwana Zebede, ne Yoani muwakwe; ³ Filipo ne Batulomeo; Toma ne Mayeyo kosonkesy wa musonko; Yakobo mwana lufeyo. na tandeyo; ⁴ Simoni waku Zeloti , na Yuda sikaliyoti, wamusitizye. ⁵ Baba ikumi ne babili ebo Yesu atumile . Abalangile ne kubeba ati, '' mwiya ku nchende ya bena vyalo , nangu kwingila mu muzi uli one wa bene samaliya. ⁶ Muyeve ku mpaanga zyalauba zya nanda yakuwa Isileali . ⁷ Elo pakuya , simikeni ne kusosa ati, bufumu bwa mumulu bulipaleme.' ⁸ Mokupozya balwele, mokubusya bafwa , mokupozya ivyona, elo mokutamfya ne vibanda . Vevi mwapokelela kwambula malipilo , namwe mokupela kwambula malipilo. ⁹ Mwisendapo golide ili yonse , siluva , nangu lubwe lwa kopa. ¹⁰ Mwisendapo chola cili conse ca pa lwendo , nangu cakuvwala cimbi , nangu vyakuvwala kumakasa , nangu mukokontila , pant abomba balamupela ivyo akabila. ¹¹ Musumba nangu muzi uli onse uo mwaingilamo , fwayenimo muntu alingile kufikililapo mwikale nakwe mpaka elo nsita ya kufumapo ikoza kukwana . ¹² Elo mwanjila mu nanda , mokulanda ati mutende ube muli yeno nanda. ¹³ Ngacakuti yeyo nanda bamupokelela bwino, lekeni mutende wenu wikale muli yeyo nanda. Nomba ngatabamupokelele bwino , lekeni mutende wenu ubwele kuli mwebene. ¹⁴ Nomba kuli babo bataye mukumupokelela nangu kunvwa kumaziwi ayo mukoya mukusosa, elo mwafuma muli wolya muzi nangu musumba, mokunta lukungu kumakasa enu. ¹⁵ Nkomweba cisinka nati ,apli babulya busiku bwa kupingulwa cikoza kubako bwino kuli sodoma na gomoka kucila wolya muzi. ¹⁶ '' Boneni , nkomutuma nge mpanga pakati kamimbula , so mucenjele nge nzoka elo bafuka nge nkunda . ¹⁷ Cenjeleni ne bantu ! pantu bokoza kumutwala mu Vilye, elo bakoza kumupuma vikoti mumasinagoga yabo. ¹⁸ Elo bakoza kumutwala kuzya mfumu elo ne ku bakulu ba vyalo pamulandu wanji, epakuti mwize mube ba kamboni wanji kuli bamne elo neku bean vyalo. ¹⁹ Nomba ngebamutwalako mwiya mukusakamala ivyo mukoya kulanda nangu umo mukoya kusosela , pantu vyakulanda vikoza kupelwa pali yelya nsita. ²⁰ Pantu tali mwebo mukoza mukusosa yayi , mupasi wakwa sinwe ukoza mukusosa muli mwebo. ²¹ Ndume akoza kwipaisya ndume wisi akoza kwipaisya mwana wawke. Bana bakoza kwimila bavyazi babo ne kubepaisya . ²² Bantu bonse bakoza kumupata pa mulandu wanji, nomba akoza kusipikizya kufika kumpelo , e akza kupusuka. ²³ Elo bamucuzya mumusumba umo, kabiye ni muli umbi, pantu nko mweba cisinka ati, lintuve tamulapwizya kupita mu misumba yonse ya mwa Isileali ninsi mwana wa muntu aiza. ²⁴ '' Asambila tacila amusambilizya , nangu mubonvi tacila pa wamwingizya inchito . ²⁵ Calingave musambi kwiza kuba nga kasambilizya wakwe, elo mubonvi nao ngawa mwingizye inchinto. Nomba ngabaita mwine wa nanda ati Belezebu inga nomba mazina ndo bali nekupela kubasangwa munanda yakwe! ²⁶ Pamulandu waku ceci mwiya mukubatina, pantu tapali cabelama citaize kusokoloka , pantu tapali , nangu cafisama citaize kwizikikwa. ²⁷ Cintu namweba mu mfinzi, mwebo muka visose pa mwelu vintu bamutekekezya mukutwi, mwebo mwize mokubilizya kuli bonse . ²⁸ Elo mwiya mukutina bepaya mubili nomba tekuti bepaya mupasi . ²⁹ mokutina leza wakwata maka yakulovua mupasi ne mubili kumo mu mulilo utazima. ³⁰ Bushe tuni tubili tatusitwa pa ndalama imo? Nomba pali twamene tapaba nangu kano kaponela pansi kwambula sinwe wamumulu kuti ezibe. Pantuve ne misisi yamumitwe yenu ysli pandwa . ³¹ Mwiya mukutima pantu mwebo mwalicilapo kucindama pa tuni. ³² Pantu Ali onse wandumbula izna lyanji pa bantu , nanebo nkoza kulumbula wamene pamenso wakwa tata wa mumulu. ³³ Nomba wankana pamenso ya bantu nanebo nkoza kumukana pamenso yakwa tata wa mumulu. ³⁴ '' Mwiya mukutontokanya ati naiza mukuleta mutende pano caalo awe nsyaoza mukuleta mutende , naiza mukulete cingwanja . ³⁵ Pantu naizile mukubika bulwani mwana mwanalume akoza kwimila wisi, mwana manakazi akoza kwimila ina navyala ne navyala. ³⁶ Balwani na muntu bantuve abo ekala nabo. ³⁷ Ali onse watemwisya wsi nangu ina kucila kutemwa nebo ninsi talingila kuba nanebo , ali onse watemwisha mwaa wakwe mwalalume nangu mwanakazi kucila pali nebo ninshi talingile kuba nanebo. ³⁸ Onse ataisendela lupanda lwakwe nekunkonka talingile kuba nanebo . ³⁹ Ali onse afwaisha moyo wakwe akoza ku uluvya . nomba onse aluvya moyo wakwe pamulandu wanji akoza ku usanga. ⁴⁰ ''Ali onse muntu wamupokelela ninsi apokelela nebo, ne wapokelela nebo ninsi apokelela wantumile. ⁴¹ Ali onse wapokelela kasesema mwi zina lyabu cakwa kasesema , elo na onse wapokelela mulungani mwi zina lya bulungami akoza kupokelelela cilambu ca mulungami. ⁴² Ali onse wapela umo pali baba baice nanguve n nkombo ya menzi yatalala yakunwa mwizina lya musambi , nkomweba cisinka nati wacita evi taize kubulilwa cilambu.''