¹ Cintu nkososa niceci cakuti,umwana wakupyana wisi lintu acili mwaice,tapabapa bupusana nemuzya nanundula ebgaba mwine wa vyuma na vyonse. ² Alinekunvwila bakomusunga na koangila vyuma vyakwe mpaka nsita wisi apima ize ifike. ³ Ecimocine na fwebo,lintu twali nge baice mukwiziba leza nafwebo twatekelwe buzya nemipasi ya papano pacalo. ⁴ Lintu nsita leza apimile yafikile,elo atumile mwana aizila vyalwa ku mwanakazi nao alikukonka nemafunde yakwa moze. ⁵ Aizile mukkulubula babalya bacetekele mumafunde yaku moze,pakuti nafwebo tubone kuba bana baku leza. ⁶ Pakulanga ati muli baana,bakwa leza alitutumila mu mitima yakumwesu,mupasi wa mwana wakwe,oyu mupasi eubilikizya ati,''Abba,Tata,'' ⁷ Kosi nomba tauli muzya koma mwana,apo no mbauli mwana,kansi akoza kukupelwa vyonse vintu apekanizya bana bakwe. ⁸ Pali yelya nsita,lintu mutaizibile leza mwalive bazya ba vintu vitali milungu,nangu mipasi yakowela. ⁹ Nomba mwaizibaleza,nangu ndande ati leza alimwiziba nomba,nga kansi kuti mwabelela syani kuvintu vinangwa vitakwata namaka?Bushe nakambi mukofwaya vimuteke buzya? ¹⁰ Mulacindika insika zimo ne myezi zimo ne nsita zimo zya myakaelo nemyaka! ¹¹ Yayi ndi sakamele pali mwebo aati kano naicuzizyeve pakumubombela. ¹² Namupapata bandume ibeni ngevyo naba,pantu nani nalipilibukile naba ngevyo mwebo mwaba.mwebo tamunduvyenye nangu cimo. ¹³ Mwaliziba calengele muku wakwamba kuti nzize mukubila imbila nsuma kuli mwebo nico nalwele, ¹⁴ Nangu cali camukosela pamulandu nebulwele bwanji yayi temwansulile nangu kuntalamuka lelo nakambi mwampokeleleve malaika wakula leza mwampokeleve kwati nali nine kristu yesu wamene. ¹⁵ Nga mapalo yanu yalikwani?Nkolanda nga kamboni ati,ngacakuti kuti cacitika,pansita yelya ngamwalilobwelemo mwenso mwebene nga nali mupeele. ¹⁶ Elo nomba,Busye pakukweba cisinka epo ningabela mulwani wenu? ¹⁷ Bantu bakolanga kumusakamala saana,lelo vintu bakofwaya kucita vibi.cintu bakofwaya kumupatula kuli nebo pakuti mupoze mano kuli bamene mokukonka. ¹⁸ Cintu ciweme kulanga kusakamala bantu kumvwa nganiapacintu ciweme ceci camene cacisinka lyonseve, temukyti kano lintu ndina mwebo. ¹⁹ Mwetwana twanzi nakambi nimwe nkoculila ngemwanakazi ukomelwe nevumo nkocula pakuti mwaluke mukwe mumibele yakwa kristu. ²⁰ Nakambi kuti natemwa kuba namwebo pali yeno nsita,lyena kuti naiziba vyakumweba pantu nebo namupezya mano! ²¹ Nzebeni,oyo palimwebo afwaya kutekwa ne mafunde yakwa moze,Bushe tamwaumvwa vintu aya mafunde yasosa? ²² Ngevyo calembwa Abulahamu ali ne bana banalime babili,umo nyina ali muzya elo umbi nyina ali muntungwa. ²³ Mwana Abulahamu avyele ku mwanakazi muzya avyelwe ngevivyalwa bantu bonse,lelo mwana Abulahamu avyele kumwanakazi muntungwa wamene avyelwe kulingana nevintu leza alaile. ²⁴ Vevi vintu vyonse nomo vilolele Hanga banakazi babili balimukulanga vipangano vibili.Hanga .alanga cipangano ca palupili wa sinai elo nebana baciko abazya. ²⁵ Hanga aba kwati lupili lwa sinai mu calo ca Arabia nakambi emililako musumba ,lemu pantu muzya pamo nebana bakwe. ²⁶ Lelo yelusalemu wamumulu wamen e muntungwa,nakambi enyinefwe. ²⁷ Ngevyo calembwa,''sansamuka,wejumba;lila na kupundisya kwa nsansa,webo weusyatala kwatapo ne vumo;pantu mwanakazi walekeleziwa akwata bana benzi kucila mwanakazi walekeleziwa akwata bana benzi kucila mwanakazi waba ne balume lyonse.'' ²⁸ Nomba mwebo bandume,pamo nga isake,mwebo muli bana bacilayo cakwa leza. ²⁹ Pansita yekya mwana olya avyelwe ngevivyalwa bantu bonse alimukucuzya umwana wavyelwe kumakayamupasi wakwa leza.kansi nvi evikocitika nanomba. ³⁰ Bushe amalebo yamusilo yasosa ssyani?''Tamfya mwanakazi muzya pamo nemwana wakwe.pantu vyuma wisi akoiza kusya nga afwa mwana wamuzya tekuti nao apokeko pamo nemwana wa mwanakazi muntungwa.'' ³¹ Kasi mwebo,ndume,fwebo tuli bana baa mwanakasi muntu ngwa takuli bana bamwanakazi muzya yayi.