¹ Mwebena Galatiya mwebambula mano! ninani wamufulungenye?Nlimusimikila bwino nekumulangizya vintu yesu kristu bamutanikile pamusalaba. ² Ceci ecintu nkofwaya kusambililako kuli mwebo:Busye mwapokelele mupasi wamushilo pakusunga mafunde yaku moze nangu ninco mwabvwile imbila nsuma nekucetekela?. ³ Bushe kubulizya kwamano mwatampile na na mupasi wakuleza,nomba mukofwaya nekupuzya na maka yakumwenu yabumuntunse? ⁴ Vyonse mwaculile vyalive vyambila malipilo nagacakuti cine vyali visinka? ⁵ Eco leza amupeelele mupasi wasilo nekuya mukucita vipezya mano kuntu muli nico musunga mafunde yakwa moze nangu mumvwa imbilansuma elo nekuzumila? ⁶ Nge Abulahamu ve,;;cetekeleni leza na kuba aba ololoka pacinso cakwe.'' ⁷ Munzila imoine, uncwusha,nakambi,babo bantu baba necicetekelo baana baku Abulahamu. ⁸ Mulembo yalisobele ati,leza akoiza kulenda benavyalo kuba bakeele pamulandu wakucetekela,Enco leza abilile cebo kuli Abulahamu,amwele ati,''Nimuli webo emo mitundu yonse ikoiza kupalilwa,'' ⁹ Kansi,onse wacetekela akoiza kusenamulyanga Abulahamu,mwanalume wacicetekelo. ¹⁰ Babo bonse basintilila pavyo babomba mukusunga mafunde yakwa moze balisyama;pantu calembwa cilanda ati,''Abe walilapiziwa muntu utasunga calembwa conse camumafunde yaku moze,ne kuyaciya.'' ¹¹ Lelo calizibikwa bwino ati mafunde yakwa moze teyalenga muntu nangu umo ati abe wakayele pa cinso cakwa leza,pantu ukuba waololoka kwaba pamo necicetekelo.'' ¹² Lelo mafunde tacili cicetekele yayi,calembwa ati,''muntu akonka mafunde alingile aikala nayo.'' ¹³ Lelo kristu alitulubula kufuma ku citipu caletele mafunde yakwa moze enco abulile citipu cakumwesu abika pamubili wakumwakwe-ngecalembwa ati,''Walitipwa muntu akulikwa pa citi.'' ¹⁴ Epakuti mapalo yaku Abulahamu ya ngeza kubena vyalo kupitila muli yesu kristu,pakuti kupitila mucicetekelo tupokelele mupasi wamusilo batulaile. ¹⁵ Bandume,nkomupela cakulangililako ca mu bumi bwakumwesu bwacina busiku.Bantu babili ngabazumilizyanya elo bapanga nacintu cimo,tapali nangu umo winga onaula ceco cipangano nangu kulandapo cintu cimbi. ¹⁶ Nomba leza alandile vilayo kuli Abulahamu na kuli umo pali balupwa bakwe.calembwa cilanda,''Nakuli balupwa,''Nakubenzi,lelo kuli umo yayi,''Nakuli balupwa lobe,''uwali ni kristu. ¹⁷ Nomba vintu nkolanda nivevi:mafunde,yayo yaizile kupelwa ninsi palipita myaka myanda ine ne makumi yatatu,tayafunizyepo cipangano cakunuma cintu leza apangile. ¹⁸ Pantu bupe buntu leza alayilekupela nga apela pamulanda wamafunde yakws moze,nisi tapele pamulandu wacilayo.lelo nico leza alimulaile enco apeelele Abulahamu bobulya bupe bwambula kulipila. ¹⁹ Nindo nega kasi mafunda uali ya ncito ndo?Leza apele aya mafunde pakulangizya vintu muntu aluvyanya nakambi yali nekubakove mpaka wamubuvyazi bwakwa Abulahamu untu leza alaile akeza.;leza abwizizye bamalaika kupela mafunde yakwe kumuntu umo uli ndubulwila oyo wali pakati kakwa leza na bantu. ²⁰ Ndulwilaa tomvwa kumutu umo.lelo leza abave umo. ²¹ Bushe calola mukuti mafunde yakwa moze yalipusana nevyo leza alaya?yayi!pantu mafunde yakwa moze nga kuti yaletela bantu mweo,cindoteti tekonkeleve yaya mafunde pa kuti tube bakayele mpacinso ca kwa leza. ²² Lelo calembwa muvilembe vyamusilo ati, bantu bonse bapapano pacalo bamene kubifya epakuti bokuzumila bokupoka bupe buntu leza alaya paliceci balinecicetekelo muli yesu kristu. ²³ Lintu nsita ya cicetekelo tacilaiza,mafunde yaku moze yatutekele ngeba fungwa,mpaka nekufika lintu cicetekelo casokolokele. ²⁴ Kansi mafunde yakwa mose yali e kasunga wesu mpaka nekwiza kwakwa kristu,e pakuti mukuba ne cisumino tuka boneke bayele pacinso cakwa leza. ²⁵ Nomba epo nsita cicetekelo yaliza,tatuli bazya bamafunde. ²⁶ Epo mwalizumila nomba bonse muli bana bakwa leza enco mwaba muli kristu yesu. ²⁷ Apo mwebenji mwabatisiwa ukuti mube muli kristu kasi nomba mwavwala kristu mwine mwine. ²⁸ Kansi nomba takuli kapatulula ati oyu muyunda naoyu mu Griki, oyu muntungwa oyu muzya,uyo mwanalume oyu mwanakazi,kasi epo bonse mwaliba muli kristu kasi nomba mwabave umo. ²⁹ Lelo ngamwaba bena kristu,nisi muli bzaa mubuvyazi bwakwa Abulahamu,nakambi mukoiza kupoka nevyo leza alaya.