¹ Elo Yobo wayasukile no kulanda, ² "Naishiba icinecine ati ifi efyo lelo umuntu bunshe kuti aba shani mu bulungami na Lesa? ³ Nga akofwaya akutalikana na Lesa, tekuti amwesuke limo pa miku amakana . ⁴ Lesa wamano mutima nobulamba mu maka; ninani uwabalile aikosha umwine mukumutalika no kushuka?- ⁵ uyo uusesha impili ukwabula ukusokako umuntu nangu umo ulo ashipilibula mu cipya cakwe- ⁶ uyo uusinkanya isonde ukufuma mu cifulo cadiko, no kulenga ifyacikasha fitutume. ⁷ Ni Lesa umo wine uweba kakasuba ukukana tula, kabili takatulile kabili uufimba pa ntanda, ⁸ uwayanshikila umwine imyulu nokunyabtaula pamaba yapali bemba , ⁹ uucita bea, Orion, na Peleiyadesi ne shalongwanikwa pamo ku kapinda kaku kuso. ¹⁰ Ulacita ifyamaka ne fintu ifi tangafwaikwa, kabili ifintu ifyakupapa ifitangapendwa. ¹¹ Mona, akoya nandi, kabili nta mumona; alapita nao, lelo ntamwishiba iyo. ¹² Nga wabulapo fimo, ninani engamukanya? Ninani engamukanya kuli wo,'findo ukocita?' ¹³ Lesa takakanye icipya cakwe; ba kafwa bakwa Rahabu bafukamina panshi yakwe. ¹⁴ Ifyo nabalwa amashiwi yakumwasuka, ningasala amashiwi yakufwana nao? ¹⁵ Nangufye nganali umulungami nga nta mwasukile; nNga nalikulombafye uluse kuli kapingula wandi ¹⁶ Nangufye nga nalikutile nokungasuka, Nga nsgasumine ukuti wali kukutika kwi shiwi lyandi. ¹⁷ Pantu alantobaula mu bukali no mfusha ifilonda fyandi apabulo mulandu. ¹⁸ Tansuminisha nakabili ukupema lelo angisushamofye ubukali. ¹⁹ Nga cingaba ukuti mulandu wa maka, moneni, wo wamaka! Nga cingaba ukuti mulinganya, nanani wingamukuta? ²⁰ Nangu cingaba cakuti ndi mukulungika , akanwa kandi ne mwine kakongebaula; kabili nangumbe uwabulo mulandu, amashiwi yandi yakonshinina ukuba no mulandu. ²¹ Ntakwata mulandu, nomba ntakosakamana nakabili palwa nemwine Nasula ne mwine umweo wandi. ²² Tacikopangapo bupusano eco nkolandila ukuti alonaula abantu abatali namulambu pamopene nabantu ababifi. ²³ Ulo ubwembya bwampaya mukupumikisha, ulatumya ukukabakaba kwabakale. ²⁴ Isonde lyalipelwa mu munwe yabancita tubi; Lesa walifimba pamenso yabakapingula Nga teo uucicita co, ninshi ninani nyo? ²⁵ Inshiku shandi shikobutukisha ukucila inkombe iikobutuka; inshiku shandi shikoya shikofulumuka; tabakomonamo bune konsekonse. ²⁶ Shikoululuka ngo bwato ubo bapikwila amatete, kabili ukwangufyanya nga kapumpe uukopupukila panshi ku kwikata icakulya. ²⁷ nga nalandile ati kuti nalabako pafya kuilishanya fyandi, ukuti ingafumyapo ubulanda pa menso yandi nokuba nensansa, ²⁸ kuti naba no mwenso kufyabulanda bwandi bonse pantu ndishibile ati tawakantunge uwakaele. ²⁹ Nkapelwa umulandu; nindo, lelo, ningalekwesesha ulwisha? ³⁰ Nga nalisambile na menshi makasa no kulenga amaboko yandi aya busaka, ³¹ Lesa kuti antumpika mu cilindi kabili ifyakufwala fyandi kuti fyakantaikwa. ³² Pantu Lesa te muntu, ngefyo naba, pakuti ninga mwasuka, pakuti twingesa capamo mu cilye ³³ Tapali kapingula pakati kesu ninani wingatambiko ukuboko kwakwe pali fwe. ³⁴ Takuli umbi kapingula uwingafumyapo inkonto yakwa Lesa pali ne ninani engakanya ukutinya kwakwe ukufuma mukuntutumya. ³⁵ Elo kuti nalanda ukwabula ukumutima . Nomba ukulingana nefyo /ifintu fili pali nomba , Ntangacite co