¹ Panuma yaifi, Yobo walyasamwine akanwa kakwe kabili walitipile no bushiku afyelwe. ² alandile, ³ ''Akasuba nafyelwemo kakabulobe ubushiku bwalandile ,úmulumendo ali mitilwe,' ⁴ Bulya ubushiku bwinga fita! Lesa ebusakama no lubuto lwikasanikilapo. ⁵ Imfimfi ne cinshingwa ca mfwa finga ifwaya ifine ikumbi linga bukupa; fyonse ifilenga akasuba kufita finga butinya. ⁶ Nga pali bulya bushiku, leka mukwikwi abupwilishishe. Bwisangalala pakati ka shiku sha mwaka; nga bwinga kana kubako mumpendwa sha mu myenshi. ⁷ Mona , ubo bushiku bwinga ubuumba ishiwi lya nsansa bwikesa muli bo. ⁸ Bwinga tipwa bulya bushiku, abo abeshibile ukwalamusha Leviathan. ⁹ Nga intanda shakuli kundwe ubo bushiku shifite Bulya bishiku bwinga fwaya ulubuto, lelo talwasangilwe; nangula ukumona ikopyo sha kuli kundwe, ¹⁰ pantu tacaisele ifibi fya ndaaya kwa mayo, kabili ;pantu tacafishile amafya ku menso yandi. ¹¹ Nindo ntafwililile ulo naishile ukufuma mu ndaa? Nindo ntalekeko mweo ulo mayo afyele? ¹² Nindo amakufi yakwe yampokelel? Nindo amakufi yakwe yampokelele pakuti ngokeko? ¹³ Pali nomba nga ndilambalele tondolo, nga ndi sendeme no kulekutusha, ¹⁴ ne mfumu na bacilolo bapano isonde, abaikuliile shishi shabo ishili nomba ishakonaika. ¹⁵ Ngangu nali kusendama na bana ba mfumu abakwetepo golinde, abaiswishe silfere mumayanda yabo. ¹⁶ Nalimo nga nali nga kapopo nangu nga kanya aka tamwenepo lubuto. ¹⁷ Kulya ababifi balifumine mumafya, kulya na bakuna kunaka bakotusha. ¹⁸ Kulya abafungwa bali capamo abakaele; tabakoumfwa ishiwi lyakwa katungu lula wabasha. ¹⁹ Bonse abanono na bantu abacindami bali kulya; umusha ali uwakaele ukufuma kuli shikulu wakwe kulya. ²⁰ Nindo ulubuto lukopelelwa kuli ye uuli mubulanda? Nindo umweo ukopelwa kuuli no mutima waka kukalipa, ²¹ kulyabo abakofwaye mfwa taikoisa; kulya bakoboimbe imfwa ukucila cuma icakufiswa? ²² Nindo ulubuto lukopelelwa ku ukusangalala sana kabili akosasamuka elo asanga imanda? ²³ Nindo ulubuto lukopelelwa ku muntu uo ishila yakwe ifishilwe, umuntu uyo Lesa esalile? ²⁴ Pantu ukufubaika ekucitilwe cakulya ukulilishika kwandi kuko pongoka nga menshi. ²⁵ Pantu ifintu nalikutina filishile pali ne; ifyali kuntinya filishile pali ne. ²⁶ Ntali mutende,ntali tondolo, kabili nta kwete kutusha; mucifulo caifyo amafya eyesa.