¹ Elo ubo bwai ubushiku ubo abana baume bakwa Lesa baitwele abene ku cinso cakwa Yahweh. Satana naoo waishile nabo ku kuileta ku cinso cakwa Yahweh. ² Yahweh walandile kui satana, ''Ni kwisa uko wafuma?'' Elo satana wayasukile Yahweh no kulanda, ''Ukufuma muku sabanta pe sonde, ukufumapo no kubwekelelapo na kabili ifyo fine.'' ³ Yahweh walandile kuli satana, ''Bushe uli tontonkenyepo pa mubomfi wandi Yobo? Pakuti tapali uuli nga umo pe sonde, uwakaele umwaume wa cishinka, umo utina Lesa no kufuma kububi. Wo waikatilila ku cishinka cakwe, nangula nashile ku ndufya pali wo, ukumonaula apabula umulandu.'' ⁴ Satana wayasukile Yahweh no kulanda, ''Inkanda pa nkanda, cinefye umuntu ulinokupela fyonse pa bumi bwakwe. ⁵ Lelo nomba fungula ukuboko kobe no kwikata amafupa yakwe no mubili wakwe no kumona ngata ponte ku cinso cobe.'' ⁶ Yahweh walandile kuli Satana, ''Mona ali muminwe yobe; lelo umweo wakwe wikumyako.'' ⁷ Élo satana wafumine ku cinso cakwa Yahweh. Wo waumine Yoo no bukali bwa fipute ukufuma ku makas ukufika ku mutwe. ⁸ Yobo wabulile akainga ka nongo ya tobeka akakufwenenako, elo waikele panshi pakati pa mitoyi. ⁹ Elo umukashi wakwe walandile kuli wo, ''Bushe ucili uko ikatilila kuli bu cishinka bobe? Pontela Lesa no kufwa.'' ¹⁰ Lelo wo walandile kuli wo, ''We ukolanda ngo kulanda kwa mwanakashi umuwelewele. Bushe kuti twapokelelafye ifisumafye kuli Lesa no kukana pokelela ifibi?'' Muli fyonse ifi, Yobo tapangile isambe ne milomo yakwe. ¹¹ Nomba ulo abanakwe batatu bwakwa Yobo baumfwile ubu bubi bonse ubwaishile pali wo, cila umo wafumine ku mwakwe: Eliphasi umwina Temanite, Bildadi umwina Shuhite, na Zophar umwina Naamathite. Bo baimikile inshinta ya kwisa kulilishika nankwe noku mutalalika. ¹² Ulo baloleshe amenso yabo akatalamukila, balafililwe ukumwishiba. Baimishe amashiwi yabo no kulila; cila umo walepwile umwingila elo baimishe ulukungu mu mwela elo napa mitwe yabo. ¹³ Elo bo baikele nankwe pa mushili akasuba no bushiku inshiku cinelubali. Takwali uwalandile ishiwi kuli wo, pakuti balimwene ubucushi bwalikulishe.