¹ Elo Zopa umwina Namati wayasukile kabili walandile, ² "Bushe tekuti uko kufula kwamashiwi kwasukwe? Bushe uyu mwaume, wakulanda landa kuti atetekelwa? ³ Bushe kuti akatutumushi kobe kalenge bambi ukuba tondolo? Ulo wa pumya, bushe takwakabe umo uukakulenga ukumfwa insoni? ⁴ Pantu ukolanda kuli Lesa,Ámatontokanyo yandi yacine , ndiwakubula akalema mumenso yobe.' ⁵ Pantu ,ee, ukuti Lesa ukasosa nokwisula imilomo yakwe pali webo; Ukuti akulange inkoma yamano! ⁶ pantu walikula mukumfwa. Wishibe kabili ukuti Lesa akofwaya ukufuma kuli webo apanono ukucila ukulingwa kwa bubifi bobe. ⁷ Bushe kuti waumfwa Lesa mukufwaya fwaya pali wo? Bushe kuti waishibisha uwamaka yonse bwino bwino? ⁸ Umulandu ulepele ukubati nimumulu; findo wingacita? Calishika ukucila sheoli; nindo wingeshiba? ⁹ Ucipimo caciko calilepa pano isonde kabili ukufuntuka ukucila bemba. ¹⁰ Umfwa wo apitemo nokwisalila uuli onse umfwa wo akute uuli onse kukupingulwa, kabili nani unga mukanya? ¹¹ Pantu walishiba bantu babufi; Ulo wamona ububifi, bushe tekuti obwishibe? ¹² lelo abantu ifipuba tabomfwa bakacishiba ulo kabalwe wamumpanga akofyala umuntu. ¹³ Lelo ngacakutila wapekanya umutima obe bwino nokupapata kwamaboko yobe kufike kuli Lesa. ¹⁴ Ngacakutila ububifi buli mukuboko kobe lelo ukutila wabutalusha ukufuma pali webo, kabili wileka bubifi bwikale muma tenti yobe. ¹⁵ Elo ukwemya icinso cobe pamulu ukwabula icilangililo ca nsoni; mucacine, ukaba uwaku shipa kabili tawakatine. ¹⁶ Ukalaba ubucushi bobe; ukabwibukishefye ngamenshi yapitile. ¹⁷ Ubumi bobe bukabuta ukucila mukasuba, nangu kukabe imfinshi, ikaba ngo lucelo. ¹⁸ Ukacingililwa pantu isubilo ekolili; mucacine, ukasanga ubucingo pali webo kabili ukakwata ukutusha mubucingo. ¹⁹ Nakabili ukalala panshi mukutusha, kabili takwakabe nangu umo uwakukutinya; mucacine, abengi bakafwaya uluse lobe. ²⁰ Lelo amenso yabantu babubi yakafilwa; tabakwate nshila yakubukilamo; ukushikilo kukaba lisubilo ilya kukelesha.