¹ Elo imfumu na Hamani baile kumutebeto no musano Esta . ² Pali ubu bushiku bwakulenga shibili, ubwa mutebeto bwa mwangashi, imfumu yayebele Esta ati, '' cinshi ulelomba, we musanoEsta ? Ukushinta fye napakati ka bumfumu, bukapelwa.'' ³ Elo namfumu Esta ayaswikile ati, '' Nga cakweba ati ninsanga ububile mu menso yenu, mwe mfumu, elo nga cinga misekesha, lekeni umweo wandi upelwe kuli nemwine-uku ekulomba kwandi, Nebo elo ndelombelako ici naku bantu bandi. ⁴ Pantu twalishitishiwa, Nebo na bantu bandi, ukuti tonaulwe, ukwipaiwa, elo no kutulofya. Ngacakwebati twashitishiwafye ku busha, nga abaume elo nabanakashi abasha, kuti naikalafye tondolo, pantu ukucushiwa kwa musango yu takwalinga ukucusha imfumu.'' ⁵ Elo imfumu Asuelushi yaile ukulanda kuli Esta namfumu, 'Ninani uyu wine? Nikwisa uyuwine muntu engasangwa uwaisushiwamo mu mutima wakwe ukucita ici cintu?'' ⁶ Esta alandile ati, ''Icipondo ca muntu, ngulya umulwani, nyuyu Hamani!'' Elo Hamani atinine pa cinso ca mfumu elo nana mfumu. ⁷ Imfumu yaishilekuleka ukunwa umwangashi mu cifukushi yayaigila na mwibala lya mwisano, lelo Hamani aikele alepapatilako umweo wakwe ukufuma kuli namfumu Esta. Alibwene ukuti ubonaushi paliyee bulisuminishiwe ne mfumu. ⁸ Elo imfumu yaishile ku bweluluka ukufuma kwi bala lya cipango ukuya mu muputule uko umwangashi wapekanishiwile. Hamani aishile kuponena pacipuna apali Estere. Imfumu yaishile kulanda ati, ''Ukofwaya ukucena na mfumu mu ceni candi mu ng'anda yandi?'' Palya penefye ilishiwi lyaishile kufuma mukanwa ka mfumu, aba bomfi baishile kufimba icinso cakwa Hamani. ⁹ Elo Habona, umo uwa muli ba cilolo abali kubembela imfumu, aishile kulanda ati, ''Ifimuti ifya kulepa imikono amakumi yasano filitaleme kulubali lwa ng'anda yakwa Hamani. Afipangile pali Modekai, uyo umo uwalandile uku cingilila imfumu.'' Imfumu yaishile kulanda ati, Mukobekenipo ena paali cena.'' ¹⁰ Eico baishile ku kobeka Hamani on pa fimuti ifyo apekanishishe Modekai. Eluo incenshi ya mfumu yaishile kufwa.