¹ Mbulya ubushiku imfumu tayasendeme. Yaishile ku kukonkomesha ababomfi ukuleta umwalembelwe ifintu fyalikucitika mu butekeshi bwakwe, elo yalikuelengwa mu kuputa ku mfumu. ² Caishile kusangwa calilembwa ukuti Modekai alilandile palwa kwa Bigitana elo na Tereshi, ba filolo ba mfumu babili abali kulinda umwinshi, abaeseshe ukwipaya imfumu Ahasuerusi. ³ Imfumu yaishile kwipusha ati, ''Cindo catilwe ku kucindika nangu kukwi bukisha kuli Modekai pali ici?'' Elo abalumendo ba mfumu abali kumubombela baishile kulanda ati, ''Tapali ica citilwe pali ye.'' ⁴ Imfumu yaishile kulanda ati ''Ni nani uuli mulubansa?'' Nomba Hamani alingile kunse ya lubansa lwa ng'anda ya mfumu ku kulanda kuli ye palwa ku kulika Modekai pa fiti aapangile pali ye. ⁵ Aba bomfi ba mfumu baishile kulanda kuli ye ati, ''Hamani eutaleme mulubansa.'' Imfumu yaishile klanda ati, ''Mulekeni engile mukati.'' ⁶ Ulo Hamani aishile kwingila, imfumu yaishile kulanda kuli ye ati, ''Findo tufwile ukucita pali ngulya muntu uo imfumu yasekelelamo mu kumucindi?'' Nomba Hamani aishile kulanda mu mutima wakwe ati, ''Ni nani imfumu inga sekelela mu kucindika ukucila pali nebo?'' ⁷ Hamani aishile kulanda ku mfumu ati, ''Pa muntu uo imfumu yasekelelamo mu kumucindika, ⁸ lekeni icakufwala ca bufumu ciletwe, icakufwala ico imfumu ifwele, elo na kabalwe uo imfumu ininapo elo uo pa mutwe palembwa ifya bufumu. ⁹ Elo lekeni icakufwala elo na kabalwe fipelwe kuli cilolo wa mano uwa mfumu. Lekeni afwike umuntu imfumu isekele mu kucindika, elo lekeni bamu bike pali kabale ukushinguluka mu mishi yamu musumba. Lekeni babilikishe kucinso cakwe ati, 'Ifi eficitwa kuli umo ou imfumu yasekelela mu kucindika. ¹⁰ Elo imfumu yaishile kulanda kuli Hamani ati, ''Sakauka, piita icifwalo elo na kabalwe, ukubati nifilya fye usosele, elo cita ici pali Modekai umu Yuda uwikala pa mpongolo. Wifilwa mu musango uuli onse uo walanda.'' ¹¹ Elo Hamani aishile kubula icakufwala elo na kabalwe. aishile kufwika Modekai elo no kumubika pali kabalwe ukushingulu imishi yamu misumba. Aishile kubilikisha ku cinso cakwe ati, ''Ifi efocitwa ku muntu uo imfumu yasekelela mukucindika!'' ¹² Modekai aishile kubwelela ku mpongolo ya mfumu. Lelo Hamani aishile kubutukila ku ng'anda yakwe, ulucelo, no mutwe wakwe naufimbwa. ¹³ Hamani aebele Zereshi umukashi wakwe elo na bonse abanankwe fyonse ifya citikile kuli ye. Elo abaume bakwe abaishibikilwe pa mano yabo, elo na Zereshi umukashi wakwe, baishile kulanda kulanda kuli ye ati, ''Nga cakuti Modekai, uyo webo utampile ukupona, mu Yuda, tawakamucimfye, lelo mucine ukapona kuli ku cinso cakwe.'' ¹⁴ Ulo balikulanda na ye, ba filolo ba mfumu baishile kufika. Baishile kwangufyanya ukuleta Hamani ku mutebeto uyo Esthere apekenye.