¹ Mwebana, ndimukulemba ifintu kuli mwebo pakutila mwibembuka. Nomba umo nga abembuka, twalukwa kafwa uuli na tata Yesu Klistu, uuli mulungami. ² Muliwena emo imembu shesu shafutikila, temembu shesu fwekafye, lelo nesha Calo conse. ³ Natwishiba ukuti twalimwishiba, nga twasunga amafunde yaakwe. ⁴ Ulya uulanda ati, "Lesa nalimwishiba," nomba tasunga amafunde yakwe, wabufi, necishinka mwuli ena tamwaba. ⁵ Nomba onse uulimu kusunga icebo mucishinka, muli ena mwaba ukutemwa kwakwa Lesa. muli ici natwishiba ukuti twalimwishiba: ⁶ Onse ulelanda ati abamuli Lesa afwile ukulaenda fulyafine Lesa aendele. ⁷ mwebatemwikwa,nshilelemba ifunde ilipya kuli mwebo, lifunde lyakale ilyo mwakwete ukufuma kukutendeka. Ifunde lya kale cebo ico mwalimukumfwa. ⁸ Nomba ndilimukulemba ifunde ilipya kuli mwebo, ilya cishinka muli Klistu na muli mwebo, pantu imfinshi ilimukupita, elo ulubuto lwacine lulimukusankana kale. ⁹ Muli mukulanda ati aba mulubuto elo apata munina ali mumfinshi ukufika nanomba. ¹⁰ uulimukutemwa munina abelelela mulubuto kabili takuli icakumu puntula. ¹¹ Lelo uulimukupata munina aba mumfinshi kabili alimukwenda mumfinshi, teshibeko nakuntu alimukuya pantu amanso yakwa yalipofula. ¹² Ndilimukulemba, kuli mwebo mwebana batemwikwa, pantu imembu shenu shalyelelwa umulandu weshina lyakwe. ¹³ Ndilimukulemba kuli mwebo, bashifwe, pantu mulimuku mwishiba uwafuma kuntendekelo. Ndimukulemba kuli mwebo, mwenalumendo, pantu mwalimucimfya cibanda. Nalimukulemba mwebo, mwebana banono, pantu mwalimwishiba Tata. ¹⁴ Ndimukulemba kuli mwebo, mwebashifwe, pantu mwalimwishiba uwaikala ukufuma kuntendekelo. Ndimukulemba kuli mwebo, mweba lumendo, pantu mwalikosa, necebo cakwa Lesa caba muli mwebo, elo mwalicimfya umulwani. ¹⁵ Mwitemwa icalo nefintu fya mucalo. Umuntu nga atemwa icalo, ukutemwa kwa kwa Tata takwabamo muli ena. ¹⁶ Pantu fyonse pantu fyonse ifilimukuba mu Calo-lunkumbwa lwa mubili ulunkumbwa lwa menso, namataki ya mweo-tafifuma kuli Tata lelo fyamu Calo. ¹⁷ Icalo elo nolunkumbwa cakwata filimukupita. Lelo uyo onse uulimukucita ubufwayo bwa kwa Lesa akekalilila umuyayaya. ¹⁸ Mwebana banono, ninshita ya kushalikisha. ngafilyafine mwaumfwile ati bamukanya Klistu balikwisa nomba bamukanya Klistu baliisa. Muli ifi tuli mukwisha ukuti kunshita yampela. ¹⁹ Bafumine kuli fwebo, nomba tabafumine mulifwebo. Pantu benga fuma muli fwebo ngabali mukwikalila nafwebo umuyayaya. Nomba bena elo baile, cilimukupilibula ati taba fumine muli fwebo. ²⁰ Nomba namukwata ubusubo ubwawashila, namwebonse mulimukwishiba icine, nshilimukulemba. ²¹ Kuli mwebo umulandu wakweba ati tamulimukwishiba icine, elo ni pakuti mwalishiba elo nipamulandu wakutila tamwaba ubufi mucishinka. ²² Bushe uwabufi niwisa ni ulya uulimukukana Yesu nga Klistu? Uyo muntu nimukana Klistu, pantu alimukukana wishi pamo nomwana. ²³ Onse ulimukukana umwana takwata wishi. Uuli onse uulimukusumina umwana nakwata na wishi. ²⁴ Nomba palwa mwebo, lekeni ico mwalimukumfwa ukufuma kukutendeka cikalilile muli mwebo. Nga cakwebati ifyo mwaumfwile ukufuma ku kutendeka cabelelela muli mwebo. Mukabelelela mu mwana na muli wishi. ²⁵ Ici ecilayo apele kuli fwebo-ubumi bwamuyayaya. ²⁶ Ndilimukulemab ifi fintu kuli mwebo pa benga kumifumya kucine. ²⁷ Nomba mwebo, ubusubo mwapokelele ukufuma kuli ena kubelelela muli mwebo, elo tamulefwaikwa uuli onse uwakumisambilisha. anomba ngafilya ubusubo bamisambilishe icishinka ukwabula ubufi, ngafilya bamisambilishaa ikalilileni muli ena. ²⁸ Nomba, mwebana batemwikwa, ikalilileni muli ena, pakuti ilyo akamonekela, tukakwata ukupona elo tatwakabe nensoni pa kwisa kwakwe. ²⁹ Nganamwishiba ati mulungami, mulimukwishiba ukuti onse uucita ubulongani afyalwa kuli ena.