¹ Ico icaliko ukufuma kukutampa ico twaumfwile, ico twalimukulolesha namenso yesu, ico twali mukuloleshapo, neminwe yesu yaliketeko-icocali mukuba cebo cabumi. ² Nakabili, ubumi bwa lengelwe ukwishibikwa, kabili twali mona ici. Tuli mukubila kuli mwebo cabumi bwa pee napee, uyo uwali na wishi, kabili naulengwa ukwishibikwa kuli fwebo. ³ Ico cintu fwebo twa mwene kabili twa umfwile twa cibisha kabili kuli mwebo, eico mwebo kabili mube nesenge nafwebo. Isenge lyesu lya kuba pamo na Taata no mwana wakwe umwaume, Yesu Klistu. ⁴ Kabili, tuli mukulemba ifi fintu kuli mwebo pakuti insansa shesu shibe ishapwilika. ⁵ Iyi embila iyo twali mukumfwa kuli ena kabili wala bila kuli mwebo: Lesa elubuto, ksbili muli enata mwaba mfifi minsefye. ⁶ Ngatwa landa ati twa liba bucibusa nawena kabili twala enda mumfifi, tule bepa kabili tatule bomba ne cishinka. ⁷ Nomba nga tule enda mulubuto nge fyo ena aba mulubuto, twa kwata bucibusa umo nomunankwe, kabili umulopa wakwa Yesu umwana wakwe uwatu sangulula ukufuma kufya bipa fyesu fyonse. ⁸ Nga tuli mukulanda ati tatwa kwata ubupulumushi ninshi tuli mukuibepa fwebene fweka, kabili icishinka tamwaba muli fwebo. ⁹ Nomba ngatu yebelela ububi bonse, ena wa cinshinka kabili kukutu lekelela ububi bwesu bonsefye babili ukutusangulula ukutufumya kufya bipisha fyesu fyonsefye. ¹⁰ Ngatwalanda ati tatwa bifyapo, twalenga ena ukuti abe uwabufi, kabili ninshi icebo cakwe tacaba muli ifwe.