¹ Nomba mukucelwa pe sabata, ulo bwatendeka ukuca ukulola kubushiku bwa ku balilapo mu mulungu, Maria Magadalena an Maria umbi baishile mukumona inshishi. ² Moneni, Kwali icinkunkuma icikalamba pantu Malaika wakwa Shikulu atentemwike ukufuma ku mulu aishile no kusunka icilibwe, kabili nokwikalapo. ³ Ukumoneka kwakwe kwali nge nkuba ne fyakufwala fyakwe ifyabuta kwati ni mfula yabungululu. ⁴ Ba kalinda balitutwime ku mwenso kabili baalwike kwati bantu bafwa. ⁵ Malaika asiseshe bana Mayo nokutila kuli bena, "mwitina pantu ninjishiba ukuti mulefwaya Yesu, uwa tanikwe. ⁶ Tali muno, lelo nabushiwa, nga filya atile. Iseni mumone incende apo shikulu alele. ⁷ Kabiyeni mukwangufyanya no kweba abasambi bakwe, 'Nabushiwa kubafwa. Moneni, aleya patanshi yenu ku Galili. Kulya muka mumona.' Moneni, Nimyeba." ⁸ Bana mayo, mukwangufyanya balifumine kunshinshi no mwenso ne nsansa ishikalamba, no kubukata ukuya eba abasambi bakwe. ⁹ Moneni, Yesu abakumenye notila, "umutende!" Bana mayo baishile, baikete amakasa yakwe no ku mushinshimuna. ¹⁰ Elo Yesu atile kuli bena, "mwitina. Kabiyeni kebeni ba muninane ukwima ukuya ku Galili. kulya eko bakambona." ¹¹ Nomba ilyo bana mayo baleya, moneni, bamo bakalinda baile mu musumba no kweba abakalamba ba bashimapepo fyonse ifintu ifyo ifyacitike. ¹² Ulo bashimapepo bakumene na bakalamba nokulanshanya umulandu nabena, bapele indalama ishingi kubashilika. ¹³ No kubeba, "mutile kuli bambi, 'abasambi ba kwa Yesu bacisa ubushiku no kwiba umubili wakwe ulo twaciba natusendama.' ¹⁴ Ili lyashi lyafika ku mulashi, tuka mu papata no kufumya amasakamiko ayali yonse pali imwe." ¹⁵ Eico abashilika basendele indalama nokucita ukulingana nefyo babebele. Ili lyashi lyasalangene sana paba Yuda kabili lileko nkanyapo na lelo line. ¹⁶ Lelo abasambi ikumi na umo baile ku Galili, ku lupili ulo Yesu abalangile. ¹⁷ Ulo bamumwene bali mushinshimwine , lelo bamo balitwishike. ¹⁸ Yesu aishile kkuli bena nokutila kuli bena kabili asosele, "insambu shonse nashipelwa kuli ine mu mulu na pe sonde. ¹⁹ Kabiyeni eico no kulenga abasambi munko shonse. Mule babatisha mwishina lyakwa Tata, ne lya Mwana, nelya Mupashi wa Mushilo. ²⁰ Ukubafunda ukubela ifintu fyonse ifyo na mukonkomeshe. Moneni, ndi naimwe lyonse ukufika nakumpela yanshita."