¹ Ilyo twapuswike nokufika mulundu, elyo twaishiba ukuti inshina lya cish ni Molta. ² Abantu pali ici cishi balitulangile icongwe, balitupokelele bwino kabili balitukoseshe no mulilo twalaonta pantu ifula yalikonkenye ukuloka ne mpepo. ³ Lelo elyo paulo aya kumbilisha inkumi nokukaka icifinga elyo nokubika pa mulilo, ifwafwa lyafuma pamulandu nokukaba yasuma na Paulo ku cisansa. ⁴ Ilyo abntu ba muli ici cishi bamona uko insoka ilepelelea ku cisansa cakwa Paulo, bala ebana abati, ''Uyu muntu limbi mi kepaya wa bantu nangu apusuka ku menshi, Lesa talefwaya ukuti ekale umumi. ⁵ Lelo Paulo akuntila inso mu mulilo ukwabula ubwafya nangu bumo. ⁶ Bena balelolela ukuti alafimba no kwikatwa impepo nangu alapona pashi mokufwa. Lelo panuma yakulolela inshita iyi kalamba necakumucitikila nakalya, lyena bayaluka balatontonkanya nokusosa abati uyu muntu mulungu. ⁷ Nomba mupepi na po twali kwali amabala ya mukalamba wa cilya cishi ishina lyakwe ni Publio. Atupokelele bwino na panshiku shitatu atusungile fye bwino. ⁸ Cacitike ukuti wishi wakwa Publio wena ninshi alelefye ico alwele impepo nokupolomya umulopa. Elyo Paulo aingila kukumupempula, amupepela, amutamba likapo amaboko, kabili nokumupasha. ⁹ Pabuma Paulo aposha uyu muntu, abantu abalwele muli ici cishi babo bene balaisa nokubaposha. ¹⁰ Abantu nabo natukwatila umucinshi nganshi. Ilyo twaleipekamya ukuya no bwato, batulongeleshe fyonse ifyo twa lekabila pa bulendo. ¹¹ Panuma yakupwa imyeshi itatu mu Molta elyo twaima no bwato ubwaikele pali ici icishi munshita ya mpepo, ubwato bwakwa alexandia, ubwali, ''Nafimbashi mpundu. ''Ifyali ecishibilo. ¹² Panuma wafika ku musumba na Silakusi, twalindako inshiku shitatu. ¹³ Ukufuma kulya elyo twafika ku musumba wa Legimu. Ubushiku bwakonkapo umwela walapupa ukufuma ku kapinda ka kulyo napanuma ya nshiku twafikile ku musumba wa putoeli. ¹⁴ Mulya twasangamo ababwananyina nabo batulomba ukuti twikale nabo umulungu umo, Elyo twaima twaya fika naku Roma. ¹⁵ Ababwana nyina ba muroma, cilya baumfwa ukuti tuli mu nshila tuleisa, batukonkela baisafika naku cisankano ca Apiya napa mayanda yabeni yatatu. Ilyo panuma Paulo amona ababwananyina alatasha Lesa ne ci camuleta icikoseleshi. ¹⁶ Ilyo twafikile mu Roma, Paulo bamusuminishe ukuti aleikala eka umwine ne cita cimo ica kumulonda. Ilyo papita inshiku shi tatu Paulo alonganya pamo intungulushi shaba Yuda. ¹⁷ Ilyo balongana pamo alabeba ati, ''Bamunyinane, ine nshacitapo nelyo cimo icabipa mucifungo ukufuma mu Yerusalemu bamposele mu minwe yabena Roma. ¹⁸ Panuma yakunjipusha besanga ukuti nshikwete umulandu wakunjikatilapo balafwaya nokundekako pantu umulandu wakunpingwilapo ukwipaiwa. ¹⁹ Lelo ilyo aba Yuda bakosapo pa mulandu wandi naine epakutila kanshi umulandu kuti naya lubulwila kuli kaisa, lelo ine nshakwete umulandu nabantu ba mushobo wandi. ²⁰ Pantu emulandu, kanshi, nombele ukumonana naimwe nokulanda naimwe, pantu ndi muminyololo pa mulandu wacilayo Lesa alaya abena Isreali. ²¹ Nabo bamwasuka abati, ''Ifwe tatwapokapo kalata ukufuma ku Yudeya pamulandu obe, elyo tapaba nelyo umo pali bamunyinefwe uwafuma ku Yudeya nokwisa tushimikila nangu ukulanda icibi nelyo cimo pali iwe. ²² Lelo kwena tulwfwaya ukumfwa ifyo iwe uletontonkanyapo, pantu ifwe twalishiba ukuti mpanga fye yonse abantu baletila iyi mpuka waba tayaba bwino.'' ²³ Elyo baumfwana ubushiku bwakumukumanya, pali ubu bushiku baisa longana umwaleikala Paulo bafulilako nganshi, Alabalondolwela elyo nokulanda pa mulandu wabufumu bwakwa Lesa. Aesha nganshi ukuti beshibe bwino Yesu, mu mafunde yakwa Mose namu fyalemba bakasesema, ukufuma fye akacelo mpaka naku cingulo, ²⁴ Bamo bena pa fintu ifya alelanda, lelo bambi bena tabasumine iyo. ²⁵ Ilyo tabasuminishenye basalangana panuma Paulo alanda aya amashiwi aya kutila, ''Cine cine mupashi wa mushilo ali lungike ilyo alandile kuli kasesema Esaya ukweba isikolwe fyesu ati, ²⁶ Kabiye kuli abantu ubebe auti, ''Ukumfwa mwakulaumfwa, lelo tamwaleiluka; ukulolesha mwakulalosha, lelo tamwalemona. ²⁷ Pantu imitima ya aba bantu yalikutwa na matwi yabo tayomfwa bwino, kabili balishibatika na menso yabo. Epali baimwena namenso yabo, kabili bayumfwile na matwi yabo bailuka na mu mitima yabo kabili bapilibuka kuli ine naine nabondapa.'' ²⁸ Eico, ''kanshi mushibe ukuti Lesa atemwe abenafyalo amashiwi yakubapususha, bena bakayomfwa.'' ²⁹ Panuma Paulo alanda aya amashiwi, aba Yuda balifuminepo. Batampa ukutalikana pakuti kabo. ³⁰ Paulo aikele pa myaka ibili iituntulu mu ng'anda iyakusonkela, kabili alesekelela nabonse abaleisa muku mupempula. ³¹ Alebila pa bufumu bwakwa Lesa nokufunda pali shikulu Yesu klistu kabili takwali nokumucilinganya.