¹ Panuma yakupwa kwa cimfulunganya, Paulo atuminwe pa basambi elyo panuma alibakoselesha, asosele ati shalenipo kabili ali bashile ailenamu Makedonia. ² Ilyo ena apitilemo mu fitungu fyonse nokulasosa ifyebo ifingi ifyakubakoselesha, ena aishile ku Grisi. ³ Panuma alilepwako imyenshi itatu kulya ku ncende iyo bapangile aba Yuda ngefyo ali nokuyanina ubwato ku Siria, eico asalile ukubwela ukupitila ku Makedonia. ⁴ Ailenaena ukutali ngefyo Asia alini Sopata umwana mwaume wakwa Pailusiu wafumine ku Belea: Alisitako na Sekundo, bonse bafumine kubena Tesalonika abacetekela ;Gayo umwina Debe; Timote ; na Tukiko elyo kabili na Trofimo abafumineku Asia. ⁵ Lelo abantu aba ebailepo bwangu palifwe kabili baletulolela mu Troa. ⁶ Ifwe ku Filipi panuma shanshiku shakulya umukate ushatutumuka, na mubushiku bwalenga fisano Ifwe twaishile kuli bena mu Troa. Ifwe twaikele kulya inshiku cinelubali. ^{7 8} Pabushiku bwa kutendeka ubwa mulungu, ilyo ifwe twalongene capamo mukumokaula umukate, Paulo asosele ku bacetekele ati, Alepekanya ukuya ubushiku bwakonkelepo, eico alondolwele ilyashi lya kwe mpakafye napakati kabushiku. Mwali inyali ishingi mu muputule wapa mulu umo ifwe twaishile longanina capamo. ⁹ Munsolokoto mwaikele umulumendo we shina lya Yutiko, uyo uwaponene mutulo utukalamnba. Nangufye Paulo asosele inshita iitali; umulumendo uyu, alelefye, apopene panshi ukufuma pamuputule wabutatu uwapa mulu kabili bamutolele ninshi nafwa. ¹⁰ Nomba Paulo aile panshi, atambalele pali ena,, nokumufukatila. Elyo asosele ati, "mwisakamikwa sana, pantu ali uwamweo." ¹¹ Elyo aile pamuputule wapamulu nakabili kabili amokawile nomukate no kulya. Panuma ya kusosa panshita iitali ukufikafye ku macaca, aliya. ¹² Bena babweseshe umulumendo ninshi ali uwa mweo kabili balikoseshiwe apakalamba. ¹³ Ifwe fwebene twalilepo bwangu pali Paulo no bwato no kuya ku Aso, uko ifwe twalepa nga ukumusenda Paulo mwibumba lyesu. Ifi efyo umwine alefwaya ukucita, pantu ena apangile ukuya pa mulundu. ¹⁴ Ilyo atukumenye mu Aso, twalumusendele mu bwato kabili twaile naku Mitulene. ¹⁵ Elyo ifwe twaimine ukufuma kulya kabili twailefika pabushiku bwakonkelepo apalungatene ne cishi ca Kiosi. Ubushiku bwa konkelepo twafikile ku cishi ca Samosi, napa bushiku bwafumineko twaishile ku musumba wa Milete. ¹⁶ Pantu Paulo apangile ukuyapita ku Efeso, pa kutila ati eonaula inshita iili yonse mu Asia pantu alebutukila ukuba mu Yelusalemu pa bushiku bwa pentekoste, ngafyali ifyayanguka fyonse kuli ena ukucite ici. ¹⁷ Ukufuma ku Mileto atumine abantu ku Efeso no kumwitilako abakalamba bamu lukuta. ¹⁸ Ilyo bena baishile kuli ena, asosele kuli bena ati, "imwe mwebene namwishiba, ukufuma pa bushiku bwa kutendeka apo ine nanyantile amakasa mu Asia, nefyo ine lyonse naleposa inshita yandi kuli imwe. ¹⁹ Ine natwalilile ukubombela shikulu nokuicefya konse ukwa mumatontokanyo namufilamba, na mufyakwesha ifyo ifyacitike kuli ine pamulandu wa fyongo fyaba Yuda. ²⁰ Imwe mwaishiba efyo ine nshabwelela kunuma ukufuma mukusosa kuli imwe ifintu ifili fyonse ifyo mwaumfwile, kabili nefyo ine namyebele palwalala kabili nokufuma kung'anda ne ng'anda, ²¹ naleshimika kuli bonse aba Yuda naba Giriki palwakulapila nokulola kuli Lesa kabili no kucetekela muli shikulu wesu Yesu. ²² Nomba moneni, ine ndeya ku Yelusalemu ukusendwa no mupashi, ukwabula ukwishiba ifyo ifili nokucitika kuli ine kulya, ²³ kanofye ifyo umupashi uleshimika kuli ine mu misumba ili yonse ukuti ififungo na macusho filendolela. ²⁴ Nomba ine nshimona umweo wandi ukucindama kuli nemwine, nga cakutial napwa ulubilo kabili nokupwisha umulimo uyo ine napokelele ukufuma kuli Shikulu Yesu, kukushimika imbila nsuma kukusenaminwa kwakwa Lesa. ²⁵ Nomba moneni, ine naishiba ukuti imwe bonse, mwebo ine naishileko ukushimika pa bufumu, tamwakamone icinso candi nakabili. ²⁶ Eico ine ndeshimika kuli imwe buno bushiku, ukuti ine ndiwakaele pa mulopa wamuntu uuli onse. ²⁷ Pantu ine nshaikatilile ukubwela ukufuma mu kusosa kuli imwe fyonse ifa bufwayo bwakwa Lesa. ²⁸ Eico beni abacenjela palwenu mwebene, napamukunyi onse uyo umu pashi wamushilo amisontele ngabakangalila. Beni abacenjela ukutungulula ulukuta lwa kwa Lesa, ulo ena anonkele no mulopa wakwe. ²⁹ Ine ninjisiba panuma yakuya kwandi, Imimbuli ishikali shikesa muli imwe kabili tashakashepo umukuni. ³⁰ Ine ninjishiba ukuti ukufuma mukati kaimwe bene bamo abantu bakema kabili bakasosa ifyebo fyabufi pakuti bafumye abasambi nokubakonka. ³¹ Eico beni abalola, ibukisheni ukuti pa myaka shitatu shalekele ukusoka umo na umo ubushiku nakasuba nefilamba, ³² Nomba ine nalubula imwe kuli Lesa naku cebo cakwe icacikuuku, ico icingamwafwa imwe kutanshi kabili nokumipela ifya bupyani kuli abo bonse abasanguluka. ³³ Ine nshakumbilwe indalama sha muntu isha Silfere, na Golide, nangu fyakufwala. ³⁴ Imwe mwebene mwaishiba ukuti ishi minwe shalebombela imilimo shafyakukabila fyandi kabili nefyakukabila fyabonse abo abali na ine. ³⁵ Mufintu fyonse ine nalimipela imwe icilangililo ifyo imwe mufwile ukwafwa abanaka mu kubomba, kabili nefyo imwe mufwile ukwibukisha ifyebo fya kwa Shikulu Yesu, ifyebo ifyo ena umwine asosele ati: mwaba amapalo ayengi mukupela ukucila ukupokelela." ³⁶ Panuma ena asosele muli iyi nshial, ena afukeme panshi kabili apepele na bena bonse. ³⁷ Kwali ukulila ukwingi na bena balimukumbatile Paulo kabili balimutomwene. ³⁸ Bali nobulanda nganshi bonsefye pamulandu wafyo ena asosele, ukuti bena tabakatale monapo icinso cakwe nakabili. Elyo bena ba mushindike naku bwato.